ខ្សែប្រយុទ្ធ Odion Ighalo សម្រេចបន្តរួមរស់ជាមួយ Man United រហូតដល់ឆ្នាំក្រោយ
ប្រទេសអង់គ្លេស ៖ ខ្សែប្រយុទ្ធ Odion Ighalo បានសម្រេចបន្តកុងត្រាក្នុងលក្ខខណ្ឌខ្ចីជើងជាមួយក្លិប Manchester United រហូតដល់ចុងខែមករា ឆ្នាំ២០២១…
ប្រទេសអង់គ្លេស ៖ ខ្សែប្រយុទ្ធ Odion Ighalo បានសម្រេចបន្តកុងត្រាក្នុងលក្ខខណ្ឌខ្ចីជើងជាមួយក្លិប Manchester United រហូតដល់ចុងខែមករា ឆ្នាំ២០២១…
ប្រទេសអង់គ្លេស ៖ ខ្សែប្រយុទ្ធ Odion Ighalo បានសម្រេចបន្តកុងត្រាក្នុងលក្ខខណ្ឌខ្ចីជើងជាមួយក្លិប Manchester United រហូតដល់ចុងខែមករា ឆ្នាំ២០២១ ។
ជម្រាបជូនថា ខ្សែប្រយុទ្ធអន្តរជាតិនីហ្សេរីយ៉ា វ័យ៣០ឆ្នាំបានសម្រេចផ្លាស់ពីក្រុម Shanghai Superhua របស់ចិន មកចូលរួមជាមួយក្រុម Man United ក្នុងលក្ខខណ្ឌខ្ចីជើង កាលពីថ្ងៃទី ៣១ មករា ២០២០ រហូតដល់ថ្ងៃទី ៣១ ឧសភា ២០២០ ទើបផុតកុងត្រា។
អ្នកចាត់ការទូទៅក្រុម Man United លោក Ole Gunnar Solskjaer បានថ្លែងឱ្យដឹងថា «វាគឺជាក្តីសុបិន្តសម្រាប់គេ ហើយសង្ឃឹមថាគេអាចបញ្ចប់នូវអ្វី ដែលគេបានចាប់ផ្តើម និងឈ្នះពានរង្វាន់ជាមួយពួកយើង។ ក្លិប Shanghai Shenua បានសហការជាមួយពួកយើង ដោយអនុញ្ញាតឱ្យ Ighalo លេងក្នុងក្លិបដែលជាក្តីស្រមៃរបស់ខ្លួន» ។
ចាប់តាំងពីផ្លាស់មកចូលរួមជាមួយ Man United ខ្សែប្រយុទ្ធ Odion Ighalo រកបាន ៤គ្រាប់ពីការបង្ហាញខ្លួនចំនួន ៨ប្រកួត រួមទាំងបានរកគ្រាប់បាល់ក្នុងការប្រកួតក្របខណ្ឌ UEFA Europa League ដោយយកឈ្នះលើក្រុម LASK របស់អូទ្រីសកាលពីថ្ងៃទី ១២ មីនា ដោយលទ្ធផល ៥-០ ដែលជាការប្រកួតចុងក្រោយរបស់ក្រុម Man United មុនពេលរដូវកាល ត្រូវបានផ្អាកដោយសារការផ្ទុះឡើងនៃវីរុសកូវីដ-១៩។
សូមបញ្ជាក់ថា រដូវកាលនៃក្របខណ្ឌ Premier League នឹងចាប់ផ្តើមសកម្មភាពប្រកួតប្រជែងរបស់ខ្លួនឡើងវិញនាថ្ងៃទី ១៧ មិថុនា ២០២០ ខាងមុខ ដោយអនុញ្ញាតឱ្យលេងបិទទ្វារកីឡដ្ឋាន។
ក្រុម Man United បច្ចុប្បន្នកំពុងឈរនៅចំណាត់ថ្នាក់លេខ៥ ក្នុងតារាង Premier League ដោយមាន ៤៥ពិន្ទុនៅពីក្រោយក្រុមលេខ ៤ Chelsea ដែលមាន ៤៨ពិន្ទុ ខណៈនៅសល់ការប្រកួតចំនួន ៩ ទៀតដែលត្រូវបញ្ចប់។
ក្រុមរបស់លោក Solskjaer ក៏ស្ថិតក្នុងវគ្គ ៨ ក្រុមចុងក្រោយនៃពានរង្វាន់ FA Cup ផងដែរ និងមានភាគរយខ្ពស់ក្នុងបន្តទៅវគ្គ ៨ ក្រុមចុងក្រោយក្របខណ្ឌ Europa League បន្ទាប់នាំមុខ៥គ្រាប់ក្នុងការប្រកួតជើងទីមួយ វគ្គ១៦ក្រុមចុងក្រោយ ទល់នឹងក្រុម LASK ៕ (ដកស្រង់ចេញពី BBC)
ចែករំលែកព័តមាននេះ