ការផ្ទុះជំងឺកូវីដ ១៩ បានបង្កការប៉ះពាល់ដល់ប្រាក់ចំណូលរបស់អ្នកធ្វើការ និងអាជីវករទូទាំងប្រទេស និងពិភពលោក ហើយសេដ្ឋកិច្ចរបស់ប្រទេសនីមួយៗក៏នឹងមើលឃើញការអន់ថយដែរ ។ នេះជាហេតុធ្វើឲ្យការកំណត់គោលដៅហិរញ្ញវត្ថុផ្ទាល់ខ្លួនកាន់តែមានសារៈសំខាន់ថែមទៀត ។ ប្រសិនបើអ្នកមានគោលបំណងចង់ធ្វើដូច្នេះ…
ការផ្ទុះជំងឺកូវីដ ១៩ បានបង្កការប៉ះពាល់ដល់ប្រាក់ចំណូលរបស់អ្នកធ្វើការ និងអាជីវករទូទាំងប្រទេស និងពិភពលោក ហើយសេដ្ឋកិច្ចរបស់ប្រទេសនីមួយៗក៏នឹងមើលឃើញការអន់ថយដែរ ។ នេះជាហេតុធ្វើឲ្យការកំណត់គោលដៅហិរញ្ញវត្ថុផ្ទាល់ខ្លួនកាន់តែមានសារៈសំខាន់ថែមទៀត ។ ប្រសិនបើអ្នកមានគោលបំណងចង់ធ្វើដូច្នេះ អ្នកអាចអនុវត្តតាមគន្លឹះងាយៗខាងក្រោមនេះបានដើម្បីមានឱកាសជោគជ័យខ្ពស់ ។
១. កំណត់ចំនួន និងពេលវេលាឲ្យបានច្បាស់លាស់
គោលដៅរបស់អ្នកគួរតែមានពណ៌ស និង ខ្មៅ មានន័យថាអ្នកដឹងពីចំនួនដែលអ្នកត្រូវសន្សំទុកជារៀងរាល់សប្តាហ៍ និងចំនួនដែលអ្នកទទួលបានពីការសន្សំនៅចុងឆ្នាំ ឬប៉ុន្មានឆ្នាំក្រោយ ។ ចំនួនដែលអ្នកកំណត់ទុកសម្រាប់ការសន្សំអាចនឹងខ្ពស់ពេលនឹងកាត់បន្ថយភាពបត់បែនក្នុងការរស់នៅប្រចាំថ្ងៃ ដោយហេតុដូចនេះ អ្នកគួរតែកំណត់ពីទាបទៅខ្ពស់ ។
២. ការងារក្រៅម៉ោង
ការងារក្រៅម៉ោង ឬអាជីវកម្មផ្ទាល់ខ្លួនដែលអ្នកអាចគ្រប់គ្រងបានពេលទំនេរជាយុទ្ធសាស្ត្រល្អមួយក្នុងការបង្កើនប្រាក់ចំណូល និងជួយឲ្យអ្នកខិតកាន់តែជិតទៅកាន់គោលដៅដែលបានកំណត់ខាងលើ ។ ជាក់ស្តែង អ្នកមិនចាំបាច់ត្រូវការធនធានច្រើនក្នុងការធ្វើដូច្នេះទេក្នុងសម័យកាលអ៊ីនធើណេតនេះ ។ ជាមួយនឹងប្រព័ន្ធសង្គម អ្នកអាចទទួលបានព័ត៌មានភ្លាមៗសម្រាប់ឱកាសការងារ និងឱកាសអាជីវកម្ម ។
៣. រកដៃគូសហការ
ដៃគូសហការតាមដានមើលការសន្សំ និងចាយវាយរបស់អ្នក គឺពិតជាសំខាន់ណាស់ប្រសិនបើអ្នកមិនជឿទុកចិត្តលើខ្លួនឯង ។ គ្រាន់តែការប្រាប់ពីគោលដៅហិរញ្ញវត្ថុដែលអ្នកចង់សម្រេចក៏អាចដាក់សម្ពាធដល់អ្នកឲ្យព្យាយាមសម្រេចវាដែរ ។ ដូច្នេះអ្នកគួរតែពិចារណារកមិត្តភក្តិ ឬបងប្អូនដែលអាចជួយតាមដាន និងរំឭកអ្នកបាន ។
៤. ឲ្យរង្វាន់ដល់ខ្លួនឯង
ការសម្រេចគោលដៅតូចៗក៏មានសារៈសំខាន់ដែរដូច្នេះអ្នកគួរតែអបអរខ្លួនឯងរាល់ពេលដែលអ្នកសម្រេចវាបាន ។ រង្វាន់បន្តិចបន្តួចដូចជាការជប់លៀងជាមួយមិត្តភក្តិ ឬទិញទំនិញដែលមានតម្លៃសមរម្យដើម្បីលើកទឹកចិត្តខ្លួនក៏អាចជំរុញកម្លាំងចិត្តឲ្យអ្នកព្យាយាមបន្តសម្រេចគោលដៅដទៃដែរ ៕
ចែករំលែកព័តមាននេះ