រាជធានីភ្នំពេញ ៖ បន្ទាប់ពីឈ្នះការប្រកួតអន្តរជាតិពីរប្រកួតជាប់គ្នាកាលពីដើមឆ្នាំ២០២០ សែន រ៉ាដេត បានសម្រេចចិត្តផ្អាកឡើងសង្វៀនមួយរយៈទៀត ដោយរង់ចាំមានគូអន្តរជាតិឡើងវិញទើបប្រកួតបន្ត ។ អ្នកប្រដាល់មានប្រភពមកពីខេត្តកោះកុងរូបនេះទើបតែចូលប្រឡូកក្នុងសង្វៀនគុនខ្មែរវិញមុនពេលជំងឺកូវីដ-១៩រាលដាលពេញពិភពលោក ។…
រាជធានីភ្នំពេញ ៖ បន្ទាប់ពីឈ្នះការប្រកួតអន្តរជាតិពីរប្រកួតជាប់គ្នាកាលពីដើមឆ្នាំ២០២០ សែន រ៉ាដេត បានសម្រេចចិត្តផ្អាកឡើងសង្វៀនមួយរយៈទៀត ដោយរង់ចាំមានគូអន្តរជាតិឡើងវិញទើបប្រកួតបន្ត ។
អ្នកប្រដាល់មានប្រភពមកពីខេត្តកោះកុងរូបនេះទើបតែចូលប្រឡូកក្នុងសង្វៀនគុនខ្មែរវិញមុនពេលជំងឺកូវីដ-១៩រាលដាលពេញពិភពលោក ។ ចូលហាត់ក្នុងក្លិបប្រដាល់ ប៉ែនកាក់គុនខ្មែរ សែន រ៉ាដេត បាននិយាយប្រាប់លោក ស៊ន អេលីត គ្រូបង្វឹករបស់ខ្លួនថា ខ្លួនមិនចង់ប្រកួតជាមួយខ្មែរដូចគ្នាទេ ។ ខ្លួនចង់ប្រកួតអន្តរជាតិជាង ។ ការប្រកួតជាមួយខ្មែរដូចគ្នា បើខ្លួនឈ្នះនោះមិនបញ្ហាទេ តែបើខ្លួនចាញ់នឹងមានពាក្យសំដីច្រើនមកលើខ្លួនមិនខាន ។ ខ្លួនសុខចិត្តឈ្នះចាញ់លើការប្រកួតអន្តរជាតិវិញ។
គួរបញ្ជាក់ថា សែន រ៉ាដេត ប្អូនប្រុសបង្កើតរបស់ ឆ្លាម ស និងសែន រ៉ាឌី ត្រូវបានគេទទួលស្គាល់ទូទាំងប្រទេសខ្មែរ និងប្រទេសថៃ លើថ្វីដៃប្រកួតដ៏ប៉ិនប្រសប់និងស្វាហាប់របស់គេ ។ ក្រៅពីកីឡាប្រដាល់គុនខ្មែរ សែន រ៉ាដេត ក៏ជាកីឡាករឆ្នើមមួយរូបរបស់កម្ពុជាលើវិញ្ញាសាកីឡាវ៉ូវីណាមដូចសែន រ៉ាឌី ដែរ៕ (កែសម្រួលដោយ ៖ បុប្ផា)
ចែករំលែកព័តមាននេះ