សិង្ហបុរី ចង់កាត់បន្ថយការប្រើប្រាស់ពលករពីបរទេស ក្រោយចប់កូវីដ១៩
ប្រទេសសិង្ហបុរី ៖ តាមប្រភពព័ត៌មាន Bangkok Post បានឱ្យដឹងថា រដ្ឋមន្ត្រីក្រសួងហិរញ្ញវត្ថុទី២ លោកស្រី Indranee Rajah…
ប្រទេសសិង្ហបុរី ៖ តាមប្រភពព័ត៌មាន Bangkok Post បានឱ្យដឹងថា រដ្ឋមន្ត្រីក្រសួងហិរញ្ញវត្ថុទី២ លោកស្រី Indranee Rajah…
ប្រទេសសិង្ហបុរី ៖ តាមប្រភពព័ត៌មាន Bangkok Post បានឱ្យដឹងថា រដ្ឋមន្ត្រីក្រសួងហិរញ្ញវត្ថុទី២ លោកស្រី Indranee Rajah បានប្រាប់អ្នកសារព័ត៌មានកាលពីថ្ងៃច័ន្ទថា ប្រទេសសិង្ហបុរីនឹងត្រូវស្វែងរកមធ្យោបាយ ដើម្បីពឹងផ្អែកតិចលើពលករបរទេស និងពន្លឿនស្វ័យប្រវត្តិកម្មនៃការងារមួយចំនួននៅក្នុងសេដ្ឋកិច្ចក្រោយការរាតត្បាតរបស់ជំងឺកូវីដ១៩។
លោកស្រី Rajah មានប្រសាសន៍ថា ៖ «វាគួរតែកាត់បន្ថយប្រតិបតិ្តការដោយដៃដដែលៗ ហើយប្រតិបត្តិការទាំងនោះ គួរតែត្រូវបានជំនួសដោយស្វ័យប្រវត្តិកម្ម ហើយប្រជាជនក្នុងតំបន់អាចធ្វើការលើអ្វីដែលមានតម្លៃជាងនេះ។ ប៉ុន្តែរឿងនេះត្រូវធ្វើជាដំណាក់កាលៗ ដោយមានការប្រុងប្រយ័ត្ន ព្រោះយើងមិនអាចភ្លាមៗកាត់ផ្តាច់ការធ្វើដោយដៃនោះទេ»។
លោកស្រីបាននិយាយនៅក្នុងសន្និសីទកាសែតថា ប្រទេសសិង្ហបុរី នឹងរៀបចំប្រព័ន្ធហេដ្ឋារចនាសម្ព័ន្ធឡើងវិញ ដោយការវិនិយោគផ្តោតលើភាពជាដៃគូលើវិស័យថាមពលស្អាត សុខភាពសាធារណៈ បច្ចេកវិទ្យាព័ត៌មាន និងគមនាគមន៍ ទន្ទឹមនឹងលើកកម្ពស់បរិយាកាសបទបញ្ញត្តិជាមិត្តភាព។
ជាមួយគ្នានេះដែរ លោកស្រី Rajah ក៏បានគូសបញ្ជាក់បន្ថែមពីកម្មវិធីដែលបានប្រកាសពីមុនជាមួយក្រុមធនាគារពិភពលោក និងសាកលវិទ្យាល័យគ្រប់គ្រងសិង្ហបុរី ដើម្បីបណ្តុះបណ្តាលមន្ត្រីរដ្ឋាភិបាលថ្នាក់តំបន់ និងថ្នាក់កណ្តាលដែលពាក់ព័ន្ធក្នុងការរៀបចំគម្រោង៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ