រាជធានីភ្នំពេញ ៖ ជំងឺកូវីដ ១៩ បានធ្វើអោយប៉ះពាល់ខ្លាំងដល់ចំណូលរបស់ជាតិជាពិសេសចំណូលពីវិស័យសំខាន់ៗជាច្រើនបាត់បង់មួយចំនួន។ ជាក់ស្ដែងគ្រឹះស្ថានអង្គរដែលជាអ្នកលក់សំបុត្រជូនភ្ញៀវទេសចរបរទេសទស្សនារមនីយដ្ឋានអង្គរបានបាត់បង់មួយចំណែកធំនឹកស្មានមិនដល់ ។ បើយោងតាមទៅរបាយការណ៍របស់គ្រឹះស្ថានអង្គរបានបង្ហាញថា ក្នុងរយៈពេល៥ខែដំបូង ឆ្នាំ…
រាជធានីភ្នំពេញ ៖ ជំងឺកូវីដ ១៩ បានធ្វើអោយប៉ះពាល់ខ្លាំងដល់ចំណូលរបស់ជាតិជាពិសេសចំណូលពីវិស័យសំខាន់ៗជាច្រើនបាត់បង់មួយចំនួន។ ជាក់ស្ដែងគ្រឹះស្ថានអង្គរដែលជាអ្នកលក់សំបុត្រជូនភ្ញៀវទេសចរបរទេសទស្សនារមនីយដ្ឋានអង្គរបានបាត់បង់មួយចំណែកធំនឹកស្មានមិនដល់ ។
បើយោងតាមទៅរបាយការណ៍របស់គ្រឹះស្ថានអង្គរបានបង្ហាញថា ក្នុងរយៈពេល៥ខែដំបូង ឆ្នាំ ២០២០នេះ គ្រឹះស្ថានរកចំណូលបានតែ១៨លានដុល្លារអាមេរិកប៉ុណ្ណោះពីការលក់សំបុត្រជូនភ្ញៀវទេសចរបរទេសចូលទស្សនារមណីយដ្ឋានអង្គរ ខណៈឆ្នាំ ២០១៩កន្លងទៅ រយៈពេលដូចគ្នាគ្រឹះស្ថាននេះរកបានចំនូលដល់ទៅជាង៥០លានដុល្លារអាមេរិកទៅហើយ ។
ប្រភពដដែលបានបង្ហាញពីចំនួនភ្ញៀវទេសចរដែលបានទិញប័ណ្ណទស្សនារមណីយដ្ឋានអង្គររយៈពេល៥ខែនេះផងដែរ ដោយមានចំនួនត្រឹមតែ ៣៨ម៉ឺន៦ពាន់នាក់ប៉ុណ្ណោះបើធៀបនឹងរយៈពេលដូចគ្នាកាលពីឆ្នាំមុនមានការធ្លាក់ចុះដល់ទៅ ៦៥,៤៦ភាគរយ ខណៈឆ្នាំមុននេះ រយៈពេល៥ខែដូចគ្នានេះ មានចំនួន ១លាន១១ម៉ឺន៧ពាន់នាក់ ។
បើតាមរបាយការណ៍រយៈពេល៥ខែកន្លងមកក្នុងឆ្នាំ ២០២០នេះ ចំនួនភ្ញៀវទេសចរ ដែលចូលមកទស្សនាក្នុងតំបន់អង្គរខេត្តសៀមរាបបានធ្លាក់ជាបន្តបន្ទាប់។ កន្លងមកស្ថាប័នមួយនេះក្នុងមួយឆ្នាំរកបានជាង១០០លានដុល្លារអាមេរិក ដោយឡែកជិតកន្លះឆ្នាំនៃឆ្នាំ២០២០នេះ ស្ថាប័នមួយនេះរកមិនបាន២០លានដុល្លារផងសម្រាប់ឆ្នាំ ៕
ចែករំលែកព័តមាននេះ