ខេត្តព្រះសីហនុ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានលាតត្រដាងនូវក្តីស្រម៉ៃដ៏ធំមួយក្នុងការអភិវឌ្ឍប្រែក្លាយខេត្តព្រះសីហនុ ជាតំបន់មជ្ឈមណ្ឌលហិរញ្ញវត្ថុអន្តរជាតិ នាថ្ងៃអនាគត ។ យ៉ាងណាមិញ មុនឈានដល់ការសម្រេចបាននូវមហិច្ចតានេះសម្តេចតេជោ បានបញ្ជាក់ថាខេត្តព្រះសីហនុនឹងក្លាយជា រាជរដ្ឋាភិបាលនឹងអភិវឌ្ឍខេត្តព្រះសីហនុ «ឲ្យក្លាយទៅជាទីក្រុងពហុបំណង» ។ ព្រោះទីក្រុងមួយនេះដើរតួជាមជ្ឈមណ្ឌលដឹកជញ្ជួនដ៏សំខាន់សម្រាប់តភ្ជាប់ពីផ្លូវទឹកទៅផ្លូវគោក និងពីផ្លូវគោកទៅផ្លូវទឹក ។ ការដឹកជញ្ជួនតភ្ជាប់ផ្លូវអាកាសពីក្នុងប្រទេស និងពីក្រៅប្រទេសចូលមកព្រលានយន្តហោះកងកេង ។
ជាក់ស្តែងសម្តេចបានបញ្ជាក់ថា ខេត្តព្រះសីហនុ ក៏ជាកន្លែងតំបន់ឧស្សាហកម្ម ដែលបច្ចុប្បន្នមានតំបន់សេដ្ឋកិច្ចពិសេស ២ គឺមួយវិនិយោគដោយចិន និងមួយទៀតវិនិយោគដោយជប៉ុន ។
សម្តេចនាយករដ្ឋមន្ត្រីកម្ពុជាបានបញ្ជាក់ថា ខេត្តព្រះសីហនុ នឹង «អាចនាពេលអនាគតប្រែក្លាយជាមជ្ឈមណ្ឌលហិរញ្ញវត្ថុអន្តរជាតិ ។ នេះជាការស្រម៉ៃ ប្រហែលជាត្រូវការមនុស្សជំនាន់ក្រោយ ធ្វើរឿងនេះបន្តទៀត» ។ សម្តេបញ្ជាក់ថា កន្លែងនេះទៀតសោត ក៏ជាកន្លែងតំបន់ឧស្សាហកម្ម ដែលបច្ចុប្បន្នមានតំបន់សេដ្ឋកិច្ចពិសេស ២ គឺមួយវិនិយោគដោយចិន និងមួយទៀតវិនិយោគដោយជប៉ុន ហើយជប៉ុនក៏កំពុងចូលរួមជួយកសាងជាកំពង់ផែទឹកជ្រៅ ជម្រៅ ១៤,៥ ម៉ែត្រផងដែរ ។
បន្ថែមពីលើនេះ ការវិនិយោគព្រលានយន្តហោះ ឥឡូវកំពុងគ្រប់គ្រងដោយក្រុមហ៊ុន វ៉ាងស៊ី របស់បារាំង ហើយតាមគម្រោងក្នុងឆ្នាំ ២០២០ ផ្លូវរត់ថ្មីចម្ងាយ ៣៨០០ ម៉ែត្រនឹងត្រូវដាក់ឲ្យប្រើប្រាស់នៅឆ្នាំ ២០២០ នេះឯង ។ ឯស្ថានីយអ្នកធ្វើដំណើរគាត់ប្តេជ្ញាធ្វើឲ្យរួចនាឆ្នាំ២០២២ ។ នេះជាការវិនិយោគដោយបារាំង ។
បន្ថែមពីសក្តានុពលនៃវិស័យដឹកជញ្ជួនតាមផ្លូវអាកាស ផ្លូវទឹកនិងផ្លូវគោកនោះ ខេត្តព្រះសីហនុពេលនេះគឺមាន រោងចក្រអគ្គិសនី ដល់ទៅ ៤ រោងចក្រ វិនិយោគដោយក្រុមហ៊ុនម៉ាឡេស៊ី និងក្រុមហ៊ុនចិន ដែលការបញ្ចេញថាមពលមានប្រមាណជាង ១០០០ មេហ្គាវ៉ាត់ ផ្គត់ផ្គង់ទៅភ្នំពេញនិងទូទាំងប្រទេស ហើយនេះជារោងចក្រផលិតអគ្គិសនីដើរដោយធ្យូងថ្ម នៅខេត្តព្រះសីហនុ ៕ (កែសម្រួលដោយ ៖ បុប្ផា)
ចែករំលែកព័តមាននេះ