រាជធានីភ្នំពេញ ៖ តារាសម្តែងដែលមានរហ័សនាម រាជនីក្រមា មួយរយៈពេលចុងក្រោយនេះបានបង្ហាញនូវរូបភាពកាន់តែសិចស៊ីឡើងៗ ឃើញហើយទប់ចិត្តមិនសរសើរមិនបានទេ ។ ស្រីស្អាតរូបនេះ ដែលកំពុងមានប្រជាប្រិយក្នុងវិស័យសិល្បៈ និងពូកែថែរក្សាសម្រស់បែបធម្មជាតិ បានធ្វើអោយអ្នកគាំទ្រមានការចាប់អារម្មណ៍យ៉ាងខ្លាំងជាថ្មីម្តងទៀត ទៅលើការបង្ហោះរូបមួយសន្លឹក ដែលបុរសៗឃើញហើយគឺអាចនឹងឈាមច្រមុះមិនខានឡើយ ។
កាលពីថ្ងៃទី១ ខែមិថុនា ឆ្នាំ ២០២០នេះ មាន សូនីតា តារាសម្តែង ដែលមានសម្លេងស្រួយឆ្មារប្លែកពីគេរូបនេះ មិនត្រឹមតែបង្ហោះរូបភាពដ៏ទាក់ទាញអារម្មណ៍នោះទេ តែរាជនីក្រមា រូបនេះថែមទាំងសរសេរសារដែលមានខ្លឹមសារថា « មានឈ្មោះជាអ្នកសិល្បៈ ជៀសមិនផុតទេ ពីពាក្យតិះទៀន អ្នកលិល្ប:ក៏មានតំលៃដូចគេដូចឯងដែរ ហេតុអីគាត់ជាមនុស្សសាធារណ: ហើយអ្នកទាំងអស់គ្នាថា គ្នាឆ្កួត ថាឡប់ , មីនេះ , មីនោះ មិនក្រែងមាត់ផងចឹង » ។
តាមរយៈសំណេរមួយនេះហាក់បង្ហាញថា នាងកំពុងតែតស៊ូជួសមុខឲ្យអ្នកសិល្បៈផ្សេងទៀត ដែលធ្លាប់រងនូវការរិះគន់ពីមនុស្សមួយចំនួន តែមិនដឹងថា នាងចង់សំដៅចំលើបុគ្គលណាមួយឡើយ ។ តែប្រាកដណាស់អត្ថន័យមួយឃ្លានេះរបស់ មាន សូនីតា ចង់លើកឡើងពីការរិះគន់របស់មហាជនខ្លះ នៅពេលអ្នកសិល្បៈ ឬបុគ្គលល្បីៗមួយចំនួននៅក្នុងប្រទេសកម្ពុជា បង្ហោះរូបភាពបែបសិចស៊ី និងធ្វើអ្វីមួយមិនគប់ភ្នេកដល់មហាជននោះប្រាកដជាមានអ្នកចាំតែរិះគន់ជាមិនខាន។
យ៉ាងណាមិញ ស្រីស្អាតរាជនីក្រមារូបនេះ បានពោលបញ្ជាក់របៀបការពារខ្លួន និងអ្នកសិល្បៈផ្សេងទៀតថា ការថតបែបណានោះ គ្រាន់តែជាទំរង់ និងបែបបទផ្សេងគ្នា គួរណាស់គិតអោយបានជ្រៅ ច្រើនជាងរិះគន់ តាមតែចិត្តឯង ព្រោះវាជាសិល្បៈនៃការថតរូបផងដែរ ។
គួររំលឹកផងដែរថា មាន សូនីតា តែងតែបង្ហាញនូវអ្វីថ្មីៗជូនដល់អ្នកគាំទ្រជានិច្ច ជាពិសេសការបង្ហាញស្ទីលថតរូប និងដំណើរកំសាន្តនានាទាំងក្នុងនិងក្រៅប្រទេសនៅក្នុងបណ្តាញសង្គម ដើម្បីចង់រក្សានួវប្រជាប្រិយភាពមានកន្លងមក បើទោះបីជាតារារូបនេះមិនសូវបានចេញមុខនៅតាមបណ្តាយទូរទស្សន៏នានា ក៏នាងនៅតែមានឈ្មោះល្បីល្បាញនៅក្នុងបណ្តាញសង្គម និងទទួលបានការថតស្ប៉តពាណិជ្ជកម្មនានាជាដើម ៕ (កែសម្រួលដោយ ៖ បុប្ផា)
ចែករំលែកព័តមាននេះ