រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងមួយរយៈពេលមួយបានចំណាយថវិកា៥០០លានដុល្លារអាមេរិក សម្រាប់ដល់ក្រុមគ្រូពេទ្យជួរមុខក្នុងការព្យាបាលជំងឺកូវីដ១៩ ។ សម្តេចតេជោ បានថ្លែងក្នុងពិធីជំនួបសំណេះសំណាលជាមួយមន្ត្រីរាជការ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងមួយរយៈពេលមួយបានចំណាយថវិកា៥០០លានដុល្លារអាមេរិក សម្រាប់ដល់ក្រុមគ្រូពេទ្យជួរមុខក្នុងការព្យាបាលជំងឺកូវីដ១៩ ។
សម្តេចតេជោ បានថ្លែងក្នុងពិធីជំនួបសំណេះសំណាលជាមួយមន្ត្រីរាជការ និងក្រុមការងារបច្ចេកទេសស្ថាបនាហេដ្ឋរចនាសម្ព័ន្ធផ្សេងៗនៅក្នុងក្រុងព្រះសីហនុ នាព្រឹកថ្ងៃទី១ ខែមិថុនា ឆ្នាំ២០២០ យ៉ាងដូច្នេះ ៖« ខ្ញុំសូមកោតសរសើរចំពោះគ្រប់ខេត្តទាំងអស់ ដែលនៅពេលដែលខ្ញុំចេញបញ្ជាក្នុងរយៈពេលមួយថ្ងៃ យើងស្វះស្វែងរករៀបចំជាង៣០០០បន្ទប់សម្រាប់ត្រៀមបំរ៉ុងជាមួយនឹងគ្រូពេទ្យស្ម័គ្រចិត្តចំនួន៤២០នាក់បន្ថែម ដែលខ្ញុំគិតថា ១០០ថ្ងៃ ប៉ុន្តែវាពិបាកពេក អាលូវបន្ទាប់ពី៣ខែទៅ ខ្ញុំសុំប្រើថវិកាជាតិហើយព្រោះក្នុងមួយខែត្រូវប្រើអស់ថវិកាជាង ៥០០លានដុល្លារអាមេរិក សម្រាប់ផ្តល់ទៅគ្រូពេទ្យ ប៉ុន្តែចាប់ពីនេះទៅត្រូវប្រើថវិកាជាតិហើយ»។
សម្តេចក៏បានលើកឡើងថា ក្រុមគ្រូពេទ្យបច្ចុប្បន្ននេះបានកំពុងធ្វើស្វែងរកសំណាក ។ ហើយខ្ញុំក៏សូមអរគុណដល់ប្រជាពលរដ្ឋទាំងអស់ដែលបានចូលរួមតាមរយៈវិធីការពារខ្លួននៅគ្រប់ទីកន្លែង ។ អាលូវនេះយើងកំពុងស្ថិតក្នុងស្ថានភាពមួយដែលកូវីដ១៩ បានបំផ្លាញស្ថានភាពចាស់អស់ហើយកំពុងឆ្ពោះទៅរកភាពប្រក្រតីតាមគន្លងថ្មី ព្រោះគន្លងចាស់ដែលដើររាប់រយពាន់ឆ្នាំ ត្រូវបានបំផ្លាញដោយកូវីដ១៩ ប្រសិនបើមិនទាន់រកវ៉ាក់សាំងនោះគន្លងថ្មីនេះនឹងត្រូវដើររហូតដោយរក្សាគម្លាត ការពាក់ម៉ាស់…។
ជាមួយគ្នានោះដែរ សម្តេចតេជោ បានបញ្ជាក់ថា ៖«រាប់រយពាន់ឆ្នាំហើយធ្វើមានទម្លាប់ នៅជិតគ្នា ឱបគ្នា តែបើសិនរកមិនឃើញយើងច្បាស់ណាស់ នៅយើងត្រូវពាក់ម៉ាស់ រក្សាគម្លាត អានាម័យ និងអនុវត្តន៍វិធាននានាតាមការណែនាំរបស់ក្រសួងសុខាភិបាល» ។ សម្តេចតេជោ ក៏បានអរគុណដល់ពលករខ្មែរដែលធ្វើការនៅប្រទេសថៃហើយត្រឡប់មកវិញ កាលពីថ្ងៃចូលឆ្នាំខ្មែរកន្លងមកជាង៩ម៉ឺននាក់ ប៉ុន្តែមិនបាននាំយកជំងឺកូវីដ១៩ មក សូម្បីមួយករណីនោះទេ ។ រាជរដ្ឋាភិបាលថៃតាមរយៈឯកអគ្គរាជទូតបានផ្តល់ថវិការចំនួន២លានបាតស្មើជាង៦ម៉ឺនដុល្លារអាមេរិកផងដែរ ។
សម្តចតេជោក៏បានលើកឡើងថា សម្តេចក៏បានអរគុណក្មួយៗពលករខ្មែរជាង៩៥% បានចូលរួមជាមួយរដ្ឋាភិបាលក្នុងការមិនត្រឡប់មកស្រុកខ្មែរវិញ ដើម្បីចូលរួមចូលឆ្នាំតាមការអំពាវនាវរបស់រាជរដ្ឋាភិបាលកម្ពុជា និងថៃ ហើយបន្តធ្វើការងារក្នុងការចូលរួមទប់ស្កាត់ការ ឆ្លងជំងឺកូវីដ១៩ ។ មានពលករមួយចំនួនតូចទេ ដែលបានជំនះមកស្រុក ប៉ុន្តែមិនបានចូលរួមនោះទេ ព្រោះត្រូវដាក់ឲ្យនៅធ្វើចត្តាឡីស័យ១៤ថ្ងៃ ហើយត្រឡប់មកទៅថៃវិញក៏ត្រូវធ្វើចក្តាឡីស័កដែរ ៕
ចែករំលែកព័តមាននេះ