សាធុជនពួកខ្លះធ្វើទានជាប់ដោយកិលេស ធ្វើឱ្យចិត្តលោភលន់កាន់តែធ្ងន់ ការបៀត បៀនគ្នាមិនចេះចប់ មិនចេះហើយ និងតែងប៉ងប្រាថ្នាយកសម្បត្តិនានាក្នុងកិលេសកាម និងវត្ថុកាមដែលជាសម្បត្តិលោកិយ ដែលជាសុខមិនអស់មិនហើយ ។ ខាងក្រោមនេះជាទីកន្លែងដែលសប្បុរសជនភាគច្រើនតែងប្រាថ្នាទៅកើតៈ
១- ឱ្យទានព្រោះចង់ទៅកើតក្នុងត្រកូលមហាសាល ត្រកូលខ្ពង់ខ្ពស់ ត្រកូលមានទ្រព្យសម្បត្តិច្រើន បូករួមទាំងមានរូបសម្បត្តិល្អស្អាតផង ។
២- ឱ្យទានព្រោះចង់កើតក្នុងឋានចាតុម្ហារាជិកា
៣- ឱ្យទានព្រោះចង់ទៅកើតក្នុងឋានតាវត្តិង្ស
៤- ឱ្យទានព្រោះចង់ទៅកើតក្នុងឋានយាមា
៥- ឱ្យទានព្រោះចង់ទៅកើតក្នុងឋានតុសិត
៦- ឱ្យទានព្រោះចង់ទៅកើតក្នុងឋាននិម្មានរតី
៧- ឱ្យទានព្រោះចង់ទៅកើតក្នុងឋានបរនិម្មិតវសវត្តី
៨- ឱ្យទានព្រោះចង់ទៅកើតក្នុងព្រហ្មលោក ។
ទោះជាយ៉ាងណាទីឋានទាំងអស់នេះបានសុខដែរ តែសុខនោះនៅមិនអស់មិនហើយទេ គឺជួនបានសុខ ជួនកើតទុក្ខមិនឋិតថេរ។ កន្លែងដែលបានសុខមិនប្រែប្រួល សុខតែមួយគត់ មានតែព្រះនិព្វានជាកន្លែងអស់ទុក្ខកង្វល់ និងមិនជាប់ជំពាក់អ្វីទៀតឡើយ ។ សាន សារិន
ចែករំលែកព័តមាននេះ