បើយោងតាមទិន្នន័យពី Transfermarkt ដែលជាគេហទំព័រវិភាគ និងផ្តល់ជូនព័ត៌មានពីការដោះដូរកីឡាករល្បីបំផុតមួយ បានធ្វើការបង្ហាញពីកីឡាករបាល់ទាត់ទាំង១០ ក្នុងវ័យ៣០ប្លាយដែលមានតម្លៃថ្លៃបំផុតក្នុងឆ្នាំ ២០២០ ។
ទិន្នន័យខាងលើបានបង្ហាញថា កីឡាករ Lionel Messi របស់ក្រុម FC Barcelona ដែលបច្ចុប្បន្នមានវ័យ ៣២ឆ្នាំបានក្លាយជាកីឡាករមានតម្លៃថ្លៃជាងគេបំផុត ពោលក្នុងតម្លៃ ១០០,៨លានផោន តាមពីក្រោយដោយកីឡាករ Cristiano Ronaldo របស់ក្រុម Juventus វ័យ ៣៥ឆ្នាំមានតម្លៃ ៥៤លានផោន ។
ស្របពេលដែលកីឡាករ Pierre-Emerick Aubameyang របស់ក្រុម Arsenal ស្ថិតនៅចំណាត់ថ្នាក់ទី៣ មានតម្លៃ ៥០,៤លានផោន ស្មើគ្នាជាមួយកីឡាករ Robert Lewandowski របស់ក្រុម Bayern Munich ខណៈដែលកីឡាករ Miralem Pjanić របស់ក្រុម Juventus ស្ថិតនៅចំណាត់ថ្នាក់ទី៥ មានតម្លៃ ៤៦,៨លានផោន ៕
ចែករំលែកព័តមាននេះ