ខេត្តកំពង់ចាម៖ ខណៈតម្លៃសាម៉ាវលក់រាយតាមដងផ្លូវនិងហាងមួយចំនូននៅរាជធានី
ភ្នំពេញលក់បានក្នុងរង្វង់ ៧០០០ រៀលទៅ ៨០០០ រៀលក្នុងមួយគីឡូក្រាមនោះ អ្នកដាំដុះផ្ទាល់បែរជាត្អូញត្អែរថាតម្លៃឆ្នាំនេះគឺមិនល្អនោះទេហើយទិន្នផលក៏មិនបានខ្ពស់ដែរដោយសារតែកត្តាអាកាសធាតុក្តៅរាំងស្ងួតអូសបន្លាយជាច្រើនខែហើយតម្លៃក៏លក់មិនបានថ្លៃដូចបណ្តាឆ្នាំមុនៗឡើយ ។
ម្ចាស់ចំការមួយចំនួននៅទីតាំងដីទំនាបមួយកន្លែង មានស្រះទឹកចេញទាំងខួបប្រាំងនិង
វស្សា នៅចម្ងាយពីភូមិតាអុង ឃុំតាអុង ស្រុកចំការលើ ប្រមាណ ២០០០ម៉ែត្រ គឺជាតំបន់ចំការសាវម៉ាវពូជថៃ កំពុងតែហុចផល ។ លោកតាសុខ សឿន អាយុ៧០ ឆ្នាំរស់នៅភូមិតាអុង មានប្រសាសន៍ឲ្យដឹងថាចំការរបស់លោកគឺមានដើមសាវម៉ាវជាង ៣០០ដើម ដែលអាចរកកម្រៃបានល្អសម្រាប់សេដ្ឋកិច្ចគ្រួសារ។ តែនៅក្នុងឆ្នាំ២០២០ គាត់បានប្រឈមមុខនឹងបញ្ហា អាកាសធាតុក្តៅហើយរាំងស្ងួតអូសបន្លាយជាច្រើនខែធ្វើឱ្យដំណាំរបស់គាត់ត្រូវជួបនឹងបញ្ហាមិនមានទិន្នផលច្រើន ។ ពេលដែលសាវម៉ាវចេញផ្លែគាត់បានបូមទឹកស្រោចគល់ដើម្បីឲ្យត្រជាក់និងបាញ់ស្រោចដាក់ស្លឹកនៅតែមិនស្រស់ញញឹមនោះទេ គឺរាងស្លោកហើយនិងជ្រុះផ្លែទៀតផង។ ម្ចាស់ចំការ
បញ្ជាក់ ។
លោកតាសុខ សឿន ខាងលើបានបន្តថាទិន្នផលមានការធ្លាក់ចុះខ្លាំងព្រោះកក្តា
អាកាសធាតុ ងាកទៅតម្លៃលក់វិញក៏ធ្លាក់ចុះខ្លាំងហួសថ្លែង គឺលោកលក់បានតែ១គីឡូស្មើ ៤.០០០ រៀលតែប៉ុណ្ណោះ ខណៈបណ្តាឆ្នាំមុនៗគឺលោកលក់បានខ្ទង់ ៥៥០០ រៀល ឬ ៦០០០ រៀលក្នុងមួយគីឡូក្រាម ។ លោកបានបន្តថារាល់ថ្ងៃបានកូនៗនាំគ្នាមកជួយបេះដើម្បីប្រមូលលក់ឱ្យម៉ូយនៅឯផ្សារក្នុងស្រុកចំការលើ។ ម្យ៉ាងវិញទៀតពេលដែលយើងរងគ្រោះដោយជំងឺកូវីដ ១៩ បានធ្វើឲ្យចំនការរបស់លោកដែលធ្លាប់តែមានភ្ញៀវមកចំនួនច្រើនមកដើរលេងនិងទិញសាម៉ាវដល់ចំការប្រែជាមានសភាពស្ងាត់ជ្រងុំ ។
ម្ចាស់ចំការខាងលើបានបន្តថា ទើបតែស្ងប់ស្ងាត់រឿងអ្នកជំងឺកើតកូវីដ-១៩ទទួលបាន
ការព្យាបាលជាសះស្បើយនៅថ្ងៃចុងសប្តាហ៍ខែឧសភា ២០២០ ក៏មានអ្នកនៅភ្នំពេញ មកលេងឪពុកម្ដាយនៅស្រុកកំណើតស្រុកចំការលើនោះ បាននាំប្រពន្ធកូនមកទិញសាវម៉ាវរបស់គាត់ជាច្រើនគីឡូដើម្បីយកទៅចែកចាយសមា ជិកក្រុមគ្រួសារហូបព្រោះ តែមានរស ជាតិឆ្ងាញ់គាត់មិនបានប្រើជីគីមីនោះទេ គឺប្រើតែផេះលាយជាមួយទឹកបាញ់ស្រោចលើដើមសាវម៉ាវតែប៉ុណ្ណោះ។
លោកតាសុខ សឿន បានបន្តថា «កាលពីឆ្នាំកន្លងទៅពេលមិនទាន់មានផ្ទុះជំងឺកូវីដ១៩ ឲ្យតែដល់រដូវប្រមូលផលម្ដងៗគឺខ្ញុំមានភ្ញៀវមកទិញដល់ចំការនិងអាចលក់បានរហូតដល់ជាង១លានរៀលក្នុងមួយថ្ងៃ។ ដែលប្រាក់ចំណូលនេះបានធ្វើឱ្យសមាជិកក្រុមគ្រួសាររបស់គាត់ មានជីវភាពប្រសើរមួយកម្រិត ។ តែក្រោយពីមានបញ្ហាកូវីដ ១៩ មក កម្រៃបានធ្លាក់ចុះជិត ៥០ ភាគរយ ដោយសារតែកូវីដ១៩ អត់មានភ្ញៀវច្រើន ហើយតម្លៃក៏ថោកជាងមុន ហើយទិន្នផលក៏ធ្លាក់ចុះ »។ លោកបានបន្តថា ក្រៅពី ដាំសាវម៉ាវ ដីដែលទំនេរគាត់ដាំល្ហុង មង្ឃុត ក្រូចឆ្មារ រួមនឹងទុរេនខ្លះ។
សូមបញ្ជាក់ថានៅក្នុងឆ្នាំ២០២០នេះការប្រមូលផលលក់សាវម៉ាវក្នុងមួយថ្ងៃបាន
តែ ៤០ ទៅ៥០ ម៉ឺនរៀលគឺមានការថមថយចុះប្រមាណជាពាក់កណ្ដាល ។ នៅចំការ របស់ គាត់មិនទាន់មានភ្លើងអគ្គិសនីចូលមកដល់នោះទេគាត់និងលេងលោកនៅ ពេលណា មួយរៀបចំតបណ្ដាញភ្លើងមកប្រើប្រាស់នៅក្នុងចំការដើម្បីងាយស្រួលបូមទឹកស្រោចដំណាំនិងប្រើប្រាស់នៅ ក្នុងក្រុមគ្រួសារ។
ចំពោះចម្ការអ្នកដទៃទៀតដែលនៅឆ្ងាយពីកន្លែងរបស់គាត់ដែលមិនមានប្រភពទឹក គឺគេបានជីកអណ្ដូងស្នប់សម្រាប់ស្រោចស្រពដំណាំ។
លោក កាសម សូណាវណ្ណ អនុប្រធានមន្ទីរកសិកម្ម រុក្ខាប្រមាញ់និងនេសាទខេត្ត
កំពង់ចាមបានប្រាប់ឲ្យដឹងនៅរសៀលថ្ងៃទី ៣១ ខែឧសភាថា នៅក្នុងខេត្តកំពង់ចាម ដីដាំសាវម៉ាវមាន នៅស្រុកចំការលើនិងស្រុកស្ទឹងត្រង់ សរុបចំនួន ៣៥០ហិកតា សម្រាប់
តម្រូវការនៅក្នុងស្រុកមិនមានការនាំចេញនោះទេ៕
ចែករំលែកព័តមាននេះ