ខេត្តសៀមរាប ៖ តាំងពីយប់រហូតដល់ព្រឹកថ្ងៃទី៣១ ខែឧសភា ឆ្នាំ២០២០ រថយន្តយីឌុបដឹកគ្រឿងសំណង់មួយគ្រឿង សង្ស័យផ្ទុកលើសទម្ងន់ បានជាប់ផុងនៅលើផ្លូវគ្រួសក្រហមមួយកន្លែង នៅទល់មុខក្លិបកីឡាជន្លង់ ក្នុងភូមិជន្លង់ សង្កាត់សាលាកំរើក ក្រុងសៀមរាប ។
មហាជនរិះគន់ថា ការដែលរថយន្តដឹកទំនិញជាប់ផុងលើផ្លូវជ្រៅបែបនេះ គឺដោយសារស្ថានីយជញ្ជីងមានការឃុបឃិត បើកដៃឲ្យរថយន្តធុនធំៗដឹកលើសទម្ងន់កំណត់តែម្តង ដែលបង្កឲ្យខូចខាតផ្លូវថ្នល់ជារៀងរាល់ថ្ងៃ ។
ពលរដ្ឋជុំវិញក្នុងក្រុងសៀមរាប សូមសំណូមពរដល់ក្រសួងសាធារណការ និងដឹកជញ្ជូនគួរពិនិត្យ និងដាក់វិន័យទ្បើងវិញ ចំពោះបណ្ដាប្រធានស្ថានីយថ្លឹងទម្ងន់រថយន្ត តាមបណ្ដោយផ្លូវជាតិលេខ៥ ចាប់ពីក្រុងប៉ោយប៉ែតឆ្ពោះមកខេត្តសៀមរាប និងពីរាជធានីភ្នំពេញមកកាន់ខេត្តសៀមរាបផងដែរ ។
ជុំវិញករណីខាងលើនេះដែរ ភ្នាក់ងារកោះសន្តិភាពប្រចាំខេត្តសៀមរាប មិនអាចសុំការបំភ្លឺ ពីលោក គី វីរិន្ទ ប្រធានមន្ទីរសាធារណៈការ និងដឹកជញ្ជូនខេត្តសៀមរាបបានទេ នៅវេលាម៉ោង១០និង២៧នាទីព្រឹក ថ្ងៃទី០១ ខែមិថុនា ឆ្នាំ២០២០ បានទេ ដោយសារទូរស័ព្ទ ហៅចូលគ្មានអ្នកលើក ៕ (កែសម្រួលដោយ ៖ បុប្ផា)
ចែករំលែកព័តមាននេះ