ក្លិប PSG យកបានខ្សែប្រយុទ្ធ Mauro Icardi ពីក្លិប Inter Milan ជាផ្លូវការ
ប្រទេសបារាំង ៖ ក្លិប Paris Saint-Germain បានប្រកាសជាផ្លូវការពីការចុះកុងត្រាលើខ្សែប្រយុទ្ធ Mauro Icardi ក្នុងកិច្ចសន្យាអចិន្ត្រៃយ៍ (ទិញផ្តាច់)…
ប្រទេសបារាំង ៖ ក្លិប Paris Saint-Germain បានប្រកាសជាផ្លូវការពីការចុះកុងត្រាលើខ្សែប្រយុទ្ធ Mauro Icardi ក្នុងកិច្ចសន្យាអចិន្ត្រៃយ៍ (ទិញផ្តាច់)…
ប្រទេសបារាំង ៖ ក្លិប Paris Saint-Germain បានប្រកាសជាផ្លូវការពីការចុះកុងត្រាលើខ្សែប្រយុទ្ធ Mauro Icardi ក្នុងកិច្ចសន្យាអចិន្ត្រៃយ៍ (ទិញផ្តាច់) ពីក្លិបអ៊ីតាលី Inter Milan ។
កីឡាករអន្តរជាតិអាហ្សង់ទីនវ័យ ២៧ឆ្នាំខាងលើបានសម្រេចចុះហត្ថលេខាលើកិច្ចសន្យារយៈពេល ៤ឆ្នាំជាមួយក្រុម PSG ដែលនឹងធ្វើឱ្យរូបគេត្រូវស្នាក់នៅក្នុងទឹកដី Parc des Princes រហូតដល់ថ្ងៃទី ៣០ មិថុនា ២០២៤ ។
បើយោងតាមការចុះផ្សាយពី Sky Sports ក្រុមជើងឯកលីគកំពូលបារាំងរដូវកាលនេះ បានយល់ព្រមលើតម្លៃប្រមាណ៥០លានអឺរ៉ូ នឹងបូកបន្ថែម៨លានអឺរ៉ូទៀត ដែលមានក្នុងកិច្ចសន្យារវាងក្លិបទាំងពីរ ។
សូមរំលឹកថា Mauro Icardi បានចូលរួមជាមួយក្រុម PSG ក្នុងលក្ខខណ្ឌខ្ចីជើងពីក្រុម Inter Milan កាលពីថ្ងៃទី ២ កញ្ញា ២០២០។ ជាផ្នែកនៃកិច្ចព្រមព្រៀងនោះ PSG មានជំរើសក្នុងការទិញផ្តាច់យកកីឡាកររូបនេះ ខណៈដែលកុងត្រាខ្ចីជើងបានផុតកំណត់កាលថ្ងៃទី ៣១ ឧសភា ។
ក្រុមទាំងពីរបានបញ្ជាក់ពីការផ្ទេរនេះ ដោយ Inter Milan បានបញ្ជាក់នៅក្នុងសេចក្តីថ្លែងការណ៍មួយថា «ក្លិបថ្លែងអំណរគុណដល់កីឡាករ Mauro Icardi សម្រាប់រយៈពេល ៦រដូវកាល ដែលគេបានចំណាយពេលជាមួយពួកយើង។ ហើយសូមជូនពរឱ្យគេទទួលបានជោគជ័យ សម្រាប់អាជីពនាពេលអនាគត» ។
Mauro Icardi លែងជាទីចាប់អារម្មណ៍ និងបានបាត់បង់ឱកាសបង្ហាញខ្លួនក្នុងជម្រើស ១១នាក់ដំបូងសម្រាប់ក្រុម Inter Milan នៅពេលគ្រូបង្វឹកលោក Antonio Conte បានមកកាន់កាន់កាប់កាលពីខែឧសភា ២០១៩។
សូមបញ្ជាក់ថា រយៈពេល ៦រដូវកាលជាមួយក្រុម Inter Milan ខ្សែប្រយុទ្ធ Mauro Icardi រកគ្រាប់បាន ១២៤គ្រាប់ពីការបង្ហាញខ្លួនចំនួន ២១៩ប្រកួតនៅគ្រប់កម្មវិធីទាំងអស់ មុនផ្លាស់មកចូលរួមជាមួយក្រុម PSG ក្នុងលក្ខខណ្ឌខ្ចីជើង ព្រមទាំងបានឈ្នះជើងឯកលីគបារាំង Ligue 1 រដូវកាលនេះ ដែលត្រូវរំសាយចោលដោយសារតែការរីករាលដាលនៃវីរុសកូវីដ-១៩ ៕ (ដកស្រង់ចេញពី Sky Sports)
ចែករំលែកព័តមាននេះ