អ្នកមានទ្រព្យសម្បត្តិស្តុកស្តម្ភជុំវិញពិភពលោកកំពុងតែលោតរំលងរដូវក្តៅ និងឈានចូលរដូវរងានៅជួរភ្នំទឹកកកអឺរ៉ុបទៅវិញ ។ រមណីយដ្ឋានជិះស្គីទឹកកកជាច្រើនក្នុងតំបន់បានប្រាប់ដល់សារព័ត៌មាន The Telegraph ថា ពួកគេមើលឃើញកំណើននៃអ្នកសាកសួរ ។ អ្វីដែលអ្នកទាញអ្នកមានទាំងនេះឲ្យចាកចេញកាន់តែឆ្ងាយពីកូវីដ…
អ្នកមានទ្រព្យសម្បត្តិស្តុកស្តម្ភជុំវិញពិភពលោកកំពុងតែលោតរំលងរដូវក្តៅ និងឈានចូលរដូវរងានៅជួរភ្នំទឹកកកអឺរ៉ុបទៅវិញ ។ រមណីយដ្ឋានជិះស្គីទឹកកកជាច្រើនក្នុងតំបន់បានប្រាប់ដល់សារព័ត៌មាន The Telegraph ថា ពួកគេមើលឃើញកំណើននៃអ្នកសាកសួរ ។
អ្វីដែលអ្នកទាញអ្នកមានទាំងនេះឲ្យចាកចេញកាន់តែឆ្ងាយពីកូវីដ ១៩ រួមមានខ្យល់អាកាសបរិសុទ្ធ ការរស់នៅរុំព័ទ្ធដោយធម្មជាតិ និងឯកជនភាពជាដើម ។ លើសពីនេះទៅទៀត ពួកគេអាចធ្វើដំណើរទៅទីនោះបានដោយមានសុវត្ថិភាពព្រោះតំបន់នេះនៅជិតទីក្រុងអឺរ៉ុបជាច្រើន និងមានអាកាសយានដ្ឋានតូចៗសម្រាប់យន្តហោះឯកជនចុះចតផងដែរ ។
ជាក់ស្តែង ពួកគេគ្មានផែនការសន្សំលុយក្នុងពេលទៅវិស្សមកាលលំហែកាយនេះទេ ។ អចលនទ្រព្យដែលមានតម្លៃខ្ពស់មានភាពទាក់ទាញជាងគេទោះជាវាមានតម្លៃ ៨៣១,០០០ដុល្លារក៏ដោយ ។
គួរបញ្ជាក់ដែរថា អ្នកមានទ្រព្យសម្បត្តិជាច្រើនបានរត់ចេញពីទីក្រុងទៅកាន់ផ្ទះវិស្សមកាលផ្ទាល់ខ្លួនដើម្បីគេចចេញពីកូវីដ ១៩ ។ សម្រាប់អ្នកដែលមិនមានផ្ទះវិស្សមកាល ពួកគេបានជួលផ្ទះនៅកន្លែងដាចស្រយាលដែលឆ្ងាយពីទីប្រជុំជន ។ អ្នកមានមួយចំនួនថែមទាំងទោញកសិដ្ឋានមួយទាំងមូលដើម្បីមានកន្លែងលំហែកាយនៅជនបទ ។
ទោះជានៅឆ្ងាយពីទីប្រជុំជនពិតមែនក្តី អ្នកមានទាំងនេះមិនចាំបាច់ភ័យខ្លាចបញ្ហាអាហារនិងសម្ភារៈប្រើប្រាស់ចាំបាច់ទេ ព្រោះពួកគេទទួលបានសម្ភារៈទាំងនេះតាមឧទ្ថម្ភាគចក្រយ៉ាងងាស្រួល ។ លើសពីនេះទៅទៀត ក្រុមគ្រួសារអ្នកមានខ្លះថែមទាំងបានបង្កើនប្រាក់បៀវត្សន៍ ៣០% ដល់អ្នកបម្រើក្នុងផ្ទះឲ្យបន្តផ្តល់សេវាកម្មក្នុងកំឡុងពេលនេះទៀតផងដើម្បីជៀសវាងធ្វើកិច្ចការផ្ទះដោយខ្លួនឯង ។
មិនថាជាការចំណាយពេលនៅលើភ្នំទឹកកកអឺរ៉ុប ឬនៅផ្ទះជាមួយចុងភៅផ្ទាល់ខ្លួនទេ អ្នកមានទ្រព្យសម្បត្តិស្តុកស្តម្ភមិនខ្មាសអៀនឡើយក្នុងការចំណាយដើម្បីទទួលបានបទពិសោធន៍ល្អបំផុតខណៈដែលពិភពលោកកំពុងតែប្រឈមមុខទបនឹងជម្ងឺកូវីដ១៩ ៕
ចែករំលែកព័តមាននេះ