ព្រឹត្តិការណ៍ប្រណាំងរថយន្ត Formula 1 នឹងបើកទំព័រសករាជថ្មីនៅដើមខែកក្កដា
ព្រឹត្តិការណ៍ប្រណាំងរថយន្ត Formula 1 ប្រចាំឆ្នាំ ២០២០ (2020 Formula One World Championship)…
ព្រឹត្តិការណ៍ប្រណាំងរថយន្ត Formula 1 ប្រចាំឆ្នាំ ២០២០ (2020 Formula One World Championship)…
ព្រឹត្តិការណ៍ប្រណាំងរថយន្ត Formula 1 ប្រចាំឆ្នាំ ២០២០ (2020 Formula One World Championship) បានប្រកាសយកថ្ងៃទី ៥ កក្កដា ២០២០ ជាថ្ងៃបើកទំព័រនៃការប្រកួតរបស់ខ្លួនជាផ្លូវការ ដែលត្រូវធ្វើការប្រកួតលើទីលានសរុបចំនួន ១២ (12 Grand Prix) នេះបើយោងតាមការចុះផ្សាយពីគេហទំព័រ Sky Sports ។
បើយោងតាមរបាយការណ៍បានឱ្យដឹងថា រដ្ឋាភិបាលសាធារណរដ្ឋអូទ្រីស បានយល់ព្រមទទួលធ្វើជាម្ចាស់ផ្ទះ សម្រាប់ការប្រកួតបើកឆាករដូវកាល ២០២០ នៅខែកក្កដាខាងមុខនេះ ដែលនឹងត្រូវធ្វើឡើងនៅទីលាន Red Bull Ring ក្នុងទីក្រុង Spielberg រដ្ឋ Styria ។
ការប្រណាំងទាំង ១២ទីលាន នឹងត្រូវប្រព្រឹត្តទៅដោយបិទទ្វារកីឡដ្ឋាន មិនអនុញ្ញាតឱ្យមានអ្នកគាំទ្រចូលរួមទស្សនាផ្ទាល់ឡើយ ។
សម្រាប់រដូវកាល ២០២០ មានការចូលរួមពីក្រុមចំនួន ១០ រួមមាន៖ Mercedes, Ferrari, Red Bull, McLaren, Renault, Alpha Tauri, Racing Point, Alfa Romeo, Haas និង Williams។ ជាមួយកីឡាករសរុបចំនួន ២០នាក់។ ប្រសិនបើការប្រណាំងនៅប្រទេសអូទ្រីស ដំណើរការដោយជោគជ័យ ការប្រកួត Grand Prix បន្ទាប់ នឹងត្រូវធ្វើឡើងតាមកាលវិភាគថ្មី ។
សូមរំលឹកថា ការប្រកួតរដូវកាល ២០២០ នឹងត្រូវចាប់ផ្តើមនៅប្រទេសអូស្ត្រាលីក្នុងខែមិនា ប៉ុន្តែដោយសារតែការផ្ទុះឡើងពីវីរុសកូវីដ-១៩ បានធ្វើឱ្យប៉ះពាល់ដល់កាលវិភាគប្រកួតចាស់ទាំងអស់ ៕
ចែករំលែកព័តមាននេះ