រាជធានីភ្នំពេញ ៖ បុរសចំណាស់២នាក់ ចូលផឹកស៊ីក្នុងហាងមួយកន្លែង ហើយហៅនារីម្នាក់មកអង្គុយកំដរ លុះក្រុមក្មេងស្ទាវឃើញបែបនេះក៏យកដបស្រាវាយបែកក្បាលបុរសចំណាស់ម្នាក់ហូរឈាមស្រោចខ្លួន រួចបន្លំយកទូរស័ព្ទដៃជនរងគ្រោះទៅបាត់មួយគ្រឿងទៀត ។ ករណីនេះ បង្កឲ្យមានការភ្ញាក់ផ្អើលកាលពីវេលាម៉ោងប្រមាណ១១និង១៥នាទីយប់ថ្ងៃទី៣០…
រាជធានីភ្នំពេញ ៖ បុរសចំណាស់២នាក់ ចូលផឹកស៊ីក្នុងហាងមួយកន្លែង ហើយហៅនារីម្នាក់
មកអង្គុយកំដរ លុះក្រុមក្មេងស្ទាវឃើញបែបនេះក៏យកដបស្រាវាយបែកក្បាលបុរសចំណាស់ម្នាក់ហូរឈាមស្រោចខ្លួន រួចបន្លំយកទូរស័ព្ទដៃជនរងគ្រោះទៅបាត់មួយគ្រឿងទៀត ។ ករណីនេះ បង្កឲ្យមានការភ្ញាក់ផ្អើលកាលពីវេលាម៉ោងប្រមាណ១១និង១៥នាទីយប់ថ្ងៃទី៣០ ខែឧសភា ឆ្នាំ២០២០ នៅហាងយីហោ«ជំនោរលីលី» តាមផ្លូវលេខ២៧១ ក្នុងសង្កាត់ផ្សារដើមថ្កូវ ខណ្ឌចំការមន ។
បើតាមបុរសម្នាក់ដែលអង្គុយផឹកស៊ីជាមួយជនរងគ្រោះ ឲ្យដឹងថា ពួកគាត់២នាក់ជនរងគ្រោះបានមកអង្គុយផឹកស៊ីនៅហាងខាងលើ និងបានហៅស្រាបៀរដបចំនួន២កញ្ច្រែងស្មើនឹង១២ដបមកផឹក ។ ពេលកំពុងអង្គុយផឹក ជនរងគ្រោះបានហៅនារីមកអង្គុយក្បែរថា«ស្រីអូនមកអង្គុយជិតបង ចាំបងឱ្យលុយ» ។
ប្រភពព័ត៌មានបន្តថា ពេលបាននារីអង្គុយជិត ជនរងគ្រោះក៏បានផឹកស៊ីហើយនិយាយលេងធម្មតា ។ ពេលនោះ ក៏មានក្រុមក្មេងស្ទាវដែលអង្គុយផឹកស៊ីនៅតុជិតនោះដើរមក ហើយយកដបស្រាបៀរវាយក្បាលបុរសចំណាស់ម្នាក់ ក្នុងចំណោម២នាក់នោះបណ្ដាលឲ្យបែកក្បាល រួចក៏បន្លំយកទូរស័ព្ទដៃម៉ាកអាយហ្វូនរបស់ជនរងគ្រោះ ហើយនាំគ្នាជិះម៉ូតូគេចខ្លួនបាត់អស់ ។
ពេលនោះបុរសរងគ្រោះ បានខ្ចីទូរស័ព្ទរបស់មិត្តភក្តិទូរស័ព្ទទៅក្រុមគ្រួសារ ឲ្យមកដឹកទៅព្យាបាលរបួសនៅមន្ទីរពេទ្យ រួចបានទៅដាក់ពាក្យបណ្ដឹងនៅប៉ុស្តិ៍នគរបាលផ្សារដើមថ្កូវ ដើម្បីឱ្យសមត្ថកិច្ចស្រាវជ្រាវចាប់ជនសង្ស័យយកមកផ្ដន្ទាទោសតាមច្បាប់ ៕ (កែសម្រួលដោយ ៖ បុប្ផា)
ចែករំលែកព័តមាននេះ