សហរដ្ឋអាមេរិក ៖ ក្រុងមីននី ប៉ូលីសរដ្ឋមីនីសូតា ប្រកាសនាថ្ងៃទី៣០ ខែឧសភា ឆ្នាំ២០២០ ពីការដាក់ពង្រាយកម្លាំងដ៏ច្រើន ពុំធ្លាប់មានពីមុនមកសោះ បន្ទាប់ពីផ្ទុះបាតុកម្ម…
សហរដ្ឋអាមេរិក ៖ ក្រុងមីននី ប៉ូលីសរដ្ឋមីនីសូតា ប្រកាសនាថ្ងៃទី៣០ ខែឧសភា ឆ្នាំ២០២០ ពីការដាក់ពង្រាយកម្លាំងដ៏ច្រើន ពុំធ្លាប់មានពីមុនមកសោះ បន្ទាប់ពីផ្ទុះបាតុកម្ម និងការបះបោរ៤យប់ជាប់ៗគ្នា ដែលចលនាបែបនោះឆ្លងរាលដាលដល់ទីក្រុងធំៗរបស់អាមេរិក ក៏ទោះបីមានការចាប់ខ្លួនប៉ូលិស ដែលជាអ្នកយកជង្គង់ រួចសង្កត់.កបុរសស្បែកខ្មៅម្នាក់លោក GEORGE KLOYD រហូតដល់បាត់បង់ជីវិតក្ដី។ អំពើបែបនេះ នាំឲ្យកម្រើកឡើងវិញដំបៅប្រកាន់ពូជសាសន៍នៅសហរដ្ឋអាមេរិក។
ក្នុងសន្និសីទសារព័ត៌មានមួយលោក TIM WALZ អភិបាលរដ្ឋមីនីសូតា ថ្លែងនាថ្ងៃទី៣០ ខែឧសភានេះថា សភាពការណ៍នៅក្រុងមីននីប៉ូលីស ពិតជាការបះបោរដ៏ខ្លាំងក្លា ពុំធ្លាប់ជួបប្រទះ ក្រោយការបាត់បង់ជីវិតរបស់ GEORGE KLOYD។ នោះជាហេតុនាំឲ្យមានការភ័យខ្លាច និងអស្ថេរភាពនៅតាមទីក្រុងធំៗរបស់យើង។ លោកប្រកាសពីការកេណ្ឌកម្លាំង ជាទូទៅដែលមានទាហាននៃកងឆ្មាំជាតិរបស់រដ្ឋ ប្រមាណជា១៣.០០០នាក់ដែលនោះជាលើកដំបូងហើយ។
លោកបញ្ជាក់ពីការស្នើសុំជំនួយ របស់ក្រសួងការពារប្រទេស។ បណ្ដាកងឯកភាពប៉ូលិសយោធា ត្រូវបានដាក់ឲ្យស្ថិតក្នុងសភាពប្រុងជើងការ ដើម្បីអាចធ្វើអន្តរាគមន៍ជាយថាហេតុនៅក្រុងមីននីប៉ូលីស។
នាព្រឹកថ្ងៃទី៣០ ឧសភា ប្រជាជនក្នុងទីក្រុង នោះ បាននាំគ្នាសម្អាតបំណែកនៃការខូតខាតនានា ដោយសារស្នាដៃពួកបាតុករដែលវាយបំផ្លាញ ដុតហាងទំនិញ រថយន្ត របស់របរនានា និងស្នងការដ្ឋានប៉ូលិស។
មនុស្សច្រើនរយនាក់បានប្រមូលផ្ដុំគ្នា ដោយមានផ្កានៅនឹងដៃ ហើយនាំគ្នាស្រែកពាក្យថា គ្មានយុត្តិធម៌ គ្មានសន្តិភាព នៅកន្លែងដែលGEORGE KLOYDស្លាប់ពេលចាប់ខ្លួនគេពីបទប្រើក្រដាសប្រាក់២០ដុល្លារក្លែងក្លាយ ។
កងទ័ពអាមេរិកមិនអាចធ្វើអន្តរាគមន៍លើដែនដីអាមេរិក ក្នុងនាមនៃកិច្ចការពារស៊ីវិលឡើយ លើកលែងតែក្នុងករណីនៃការបះបោរ ដូចធ្លាប់មានកាលពីឆ្នាំ១៩៩២ ក្នុងឱកាសនៃការបះបោរ នៅទីក្រុងឡូសអេនចឺឡេស ក្រោយការស្លាប់បុរសស្បែកខ្មៅម្នាក់ឈ្មោះRODNEY KINGដោយស្នាដៃប៉ូលិសដែរ។
ការដាក់ពង្រាយកាលពីយប់ថ្ងៃទី២៩ ឧសភា នូវប៉ូលិស និងទាហាននៃកងឆ្មំជាតិចំនួន២.៥០០នាក់ និងការដាក់បំរាមគោចរណ៍ ក៏មិនអាចរារាំងបាតុកម្មហិង្សាក្នុងទីក្រុងធំនោះនៃរដ្ឋមីនីសូតា ជាមួយហាងទំនិញជាច្រើនត្រូវដុតបំផ្លាញ និងមានការចូលអុកឡុកប្លន់ប្រមូលយករបស់របរ និងបង្កការបំផ្លាញផ្សេងៗទៀតបានដែរ។ អ្នកទទួលខុសត្រូវនៃកងកម្លាំងប៉ូលិសរដ្ឋមីនីសូតា លោក JOHN HARRINGTON និយាយថា ទោះមានការដាក់ពង្រាយកម្លាំងដ៏ច្រើន ក៏យើងមិនអាចប្រឈមមុខជាមួយពួកបះបោរ ច្រើនសិបពាន់នាក់បានដែរ។ មនុស្សច្រើនសិបនាក់ត្រូវចាប់ខ្លួន ក្នុងនោះ៨០%ជាអ្នកមកពីតំបន់ំ់ដទៃៗទៀតរបស់សហរដ្ឋអាមេរិក។
ភាពតានតឹងក៏កើតមានផងដែរនៅកន្លែងផ្សេងៗទៀតនៃប្រទេស។ មនុស្សច្រើនរយនាក់បានប្រមូលផ្ដុំគ្នានៅក្រុងញូវយ៉ក ក្រុងដាល់ឡាស់ ក្រុងហ៊ូស្តុនជាទីក្រុងកំណើតរបស់ជនរងគ្រោះឬនៅឡាសវេហ្គាស់ ក្រុងDES MOINES ក្រុងមេមហ្វី ក្រុងព័រឡែន ព្រមទាំងនៅមុខសេតវិមានក្រុងវ៉ាស៊ីនតោន។ មនុស្សច្រើនរយនាក់នាយប់ថ្ងៃទី២៩ឧសភា បានធ្វើ្វបាតុកម្មនៅមុខសេតវិមាន ដើម្បីសម្ដែងការក្ដៅក្រហាយ ក្រោយការស្លាប់កាលពីថ្ងៃទី២៥ឧសភា បុរសស្បែកខ្មៅអាយុ៤៦ឆ្នាំរូបនេះក្រោយប៉ូលិសស្បែកសម្នាក់សង្កត់ក។
ដោយលើកប៉ង់កាតសរសេរពាក្យថា ចូរឈប់សម្លាប់យើងនិងជីវិតជនស្បែកខ្មៅត្រូវគិតដល់ ពួកបាតុករទាមទារឲ្យរកយុត្តិធម៌សម្រាប់GEORGE KLOYD ។ បាតុករបានលើកគ្នារហូតដល់មុខនិវេសនដ្ឋាន របស់លោកដូណាល់ត្រាំ ដោយកងកម្លាំងការពារបានបិទសេតវិមានក្នុងរយៈខ្លីមួយ។
បាតុករអាយុ១៩ឆ្នាំម្នាក់បានត្រូវបាត់បង់ជីវិតដោយគ្រាប់កាំភ្លើងនៅទីក្រុងDETROITដោយសារបុគ្គលម្នាក់ ដែលបើករថយន្តកីឡាមួយគ្រឿង សម្រុកចូលក្នុងហ្វូងបាតុករច្រើនរយនាក់ ហើយបាញ់ប្រហារ មុនពេលគេចខ្លួន។
ប្រធានាធិបតីអាមេរិកលោកដូណាល់ត្រាំ ខិតខំសម្រាលពាក្យពេចន៍ ដែលលោកពោលមុននេះបន្តិចតាមTWITTER ដោយលោកសរសេរថា ពេលមានការលុកប្លន់ហាងទំនិញចាប់ផ្ដើម នោះការបាញ់ប្រហារក៏ចាប់ផ្ដើមដែរ ដោយលោកលើកឡើងថា លោកយល់ពីទំហំ នៃការឈឹចាប់របស់គ្រួសារលោកGEORGE KLOYD។ គ្រួសាររបស់គេមានសិទ្ធិរកយុត្តិធម៌។ ប្រជាជនក្រុងមីននីប៉ូលីសមានសិទ្ធិរស់នៅក្នុងសន្តិសុខ។
ប៉ូលិសដែលសង្កត់កគេដល់ស្លាប់លោកDAREK CHAUVIN ត្រូវចាប់ខ្លួននិងទទួលការចោទប្រកាន់ពីបទឧក្រិដ្ឋ និងប្រព្រឹត្តអំពើគ្រោះថ្នាក់និងបទសម្លាប់មនុស្ស ដោយអចេតនាហើយកំពុងជាប់ការឃុំឃាំង៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ