ប្រទេសថៃ ៖ តាមប្រភពព័ត៌មាន Metro បានឱ្យដឹងថា បុរសម្នាក់ត្រូវបានចាប់ខ្លួននៅប្រទេសថៃ ពីបទលួចស្បែកជើងអ្នកជិតខាងរបស់ខ្លួន ដើម្បីយកមកបម្រើអារម្មណ៍ផ្លូវភេទ។ ប៉ូលីសបាននិយាយថា បុគ្គលឈ្មោះ Theerapat Klaiya មានអាយុ២៤ឆ្នាំ មានជំងឺផ្លូវចិត្តឡើងអារម្មណ៍ផ្លូវភេទជាមួយនឹងស្បែកជើងផ្ទាត់ ហើយត្រូវបានគេរកឃើញស្បែកជើង ១២៦គូ ដែលគាត់បានលួចពីអ្នកជិតខាងនៅ Nonthaburi ភាគកណ្តាលប្រទេសថៃ។
ប៉ូលិសបានកំណត់អត្តសញ្ញាណរបស់ Klaiya ដោយប្រើរូបភាពពីស៊ីស៊ីធីវីនៅខាងក្រៅផ្ទះរបស់ជនរងគ្រោះ ដែលបានចោទប្រកាន់ចុងក្រោយ។ នៅពេលពួកគេឆែកឆេរផ្ទះបុរសនោះពួកគេបានរកឃើញស្បែកជើងជាច្រើន ដែលគាត់ដើរលួចអស់រយៈពេល២ឆ្នាំ។
ប៉ូលិសបានអះអាងថា បុគ្គល Klaiya រូបនេះបាននិយាយថា គាត់បានពាក់ស្បែកជើងទាំងនោះនៅជុំវិញផ្ទះ ដើម្បីឱ្យឡើងអារម្មណ៍ផ្លូវភេទ។ គាត់បានប្រាប់ប៉ូលោសថា បន្ទាប់ពីពាក់ស្បែកជើងទាំងនោះហើយ គាត់ក៏យកវាមកអោប ថើប និងយកមកលុញលើរាងកាយរបស់គាត់ ដូចជាកំពុងរួមភេទអ៊ីចឹង។
ប៉ូលិសបាននិយាយថា បុគ្គល Klaiya បានសារភាពពីបទលួចស្បែកជើង និង ដើរចេញខុសបម្រាមគោចរពេលកំពុងរឹតបន្តឹងកូវីដ១៩។
លោកវរសេនីយ៍ទោ Ekkaphop Prasitwattanachai បានប្រាប់ប្រព័ន្ធផ្សព្វផ្សាយក្នុងស្រុកថា វាមិនមែនជាបទល្មើសដំបូងរបស់ Klaiya ចំពោះទង្វើស្រដៀងគ្នានេះទេ។ លោកបាននិយាយថា៖ «បន្ទាប់ពីយើងបានចាប់ខ្លួនជនសង្ស័យ យើងក៏បានដឹងថា គាត់ធ្លាប់ត្រូវបានចាប់ខ្លួនកាលពីឆ្នាំមុន ពីបទលួចយកស្បែកជើងផ្ទាត់នៅស្រុកមួយផ្សេងទៀត។
គាត់បានសារភាពថាបានលួចស្បែកជើងនេះក្នុងគោលបំណងដូចខាងលើ។ ដូចនេះ គាត់ត្រូវជាឃុំខ្លួននៅប៉ុស្តិ៍សិន មុនពេលមានវត្តមានរបស់ព្រះរាជអាជ្ញា»៕ ដកស្រង់ចេញពីវេបសាយ ៖ metro (ប្រភពវីដេអូ ៖ Viral Press)
ចែករំលែកព័តមាននេះ