WHO នៅតែបារម្ភពីការកើនឡើងករណីកូវីដ១៩នៅលើពិភពលោក
តាមប្រភពព័ត៌មាន CNN បានឱ្យដឹងថា មន្ត្រីអង្គការសុខភាពពិភពលោកមួយរូប នៅក្នុងកម្មវិធី Global Town Hall របស់ CNN…
តាមប្រភពព័ត៌មាន CNN បានឱ្យដឹងថា មន្ត្រីអង្គការសុខភាពពិភពលោកមួយរូប នៅក្នុងកម្មវិធី Global Town Hall របស់ CNN…
តាមប្រភពព័ត៌មាន CNN បានឱ្យដឹងថា មន្ត្រីអង្គការសុខភាពពិភពលោកមួយរូប នៅក្នុងកម្មវិធី Global Town Hall របស់ CNN កាលពីយប់ម្សិលមិញ បាននិយាយថា នៅមានកន្លែងដែលវីរុសកូរ៉ូណាផ្ទុះឡើងខ្លាំងនៅជុំវិញពិភពលោក ដែលធ្វើឱ្យមានការព្រួយបារម្ភ។
លោកស្រី Maria Van Kerkhove ប្រធានផ្នែកបច្ចេកទេសសម្រាប់ការឆ្លើយតបនឹងជំងឺកូវីដ១៩ របស់អង្គការសុខភាពពិភពលោក បានមានប្រសាសន៍ថា អង្គការសុខភាពពិភពលោកកំពុងតាមដានយ៉ាងដិតដល់ ចំពោះការកើនឡើងដ៏ធំនៃចំនួនករណីឆ្លង នៅក្នុងប្រទេសរុស្ស៊ី អាហ្វ្រិក អាមេរិក ប្រទេសមួយចំនួននៅអាស៊ីខាងត្បូង និងប្រទេសមួយចំនួននៅអឺរ៉ុប។
លោកស្រីបានមានប្រសាសន៍ថា៖ «ទាំងនេះ គឺជាតំបន់ដែលយើងព្រួយបារម្ភ ពីព្រោះដូចយើងដឹងហើយ នៅពេលដែលមេរោគនេះមានឱកាសឆ្លង វាអាចរីកលូតលាស់យ៉ាងឆាប់រហ័ស។ អ្នកណាម្នាក់ក្នុងចំណោមអ្នកទាំងនោះ ពិតជាអាចឆ្លងបានយ៉ាងលឿន ហើយយើងបានឃើញពីរបៀបដែលវីរុសនេះ ប៉ះពាល់ដល់ប្រជាជនងាយរងគ្រោះ ហើយនោះគឺជាការព្រួយបារម្ភដ៏ធំមួយរបស់យើង»។
ជាមួយគ្នានេះដែរ លោកស្រីក៏បានមានប្រសាសន៍ថា លោកស្រីសង្ឃឹមថា វ៉ាក់សាំងណាមួយអាចត្រូវបានដាក់ឱ្យប្រើប្រាស់នៅដំណាច់ឆ្នាំនេះ ប្រសិនបើវាអាចដូចការរំពឹងទុក៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ