រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់ចូលទៅផឹកស្រាតាំងពីរសៀលរហូតដល់យប់ លុះអត់លុយឱ្យគេក៏បានហូបផ្លែឡាម រួចធ្វើជាដេកប្រកាច់ បង្កឱ្យមានការភ្ញាក់ផ្អើលកាលពីម៉ោង៩និង២២នាទីយប់ ថ្ងៃទី២៨ ខែឧសភា ឆ្នាំ២០២០ នៅកន្លែងផឹកស៊ីតាមចិញ្ចើមផ្លូវបេតុង ស្ថិតនៅភូមិព្រៃទា សង្កាត់ ចោមចៅទី៣ ខណ្ឌពោធិ៍សែនជ័យ ។
សេចក្តីរាយការណ៍បន្តថា បុរសខាងលើមានឈ្មោះ អ៊ុំ ភាព អាយុ៣៨ឆ្នាំ មុខរបរកម្មករ រស់នៅទីរួមខេត្ត ភូមិម្រំឃុំតាភេម ស្រុកត្រាំកក់ខេត្តតាកែវ ។
តាមប្រភពពីស្ត្រីអ្នកលក់ស្រានៅកន្លែងកើតហេតុបាននិយាយថា មុនកើតហេតុ គាត់ឃើញបុរសខាងលើមកផឹកស៊ីនៅកន្លែងគាត់តាំងពីម៉ោង3រសៀលម្ល៉េះ ដោយអង្គុយផឹកម្នាក់ឯងផឹករហូតដល់យប់ ក្រោយមកបុរសរូបនេះក៏បានឲ្យស្ត្រីអ្នកលក់ទៅទិញឡាមចំនួន២ប្រអប់ និងទិញបារីមួយកញ្ចប់ផងដែរ ខណៈពេលផឹកបណ្តើរ ជក់បារីបណ្តើរ ស្រាប់តែបុរសរូបនេះស៊ីផ្លែឡាមក្លែមបណ្តើរ ដោយផឹកអស់ស្រាបៀរចំនួន៣យួរទៀតផង។
ប្រភពដដែលបានបន្តទៀតថា ពេលឃើញផឹកស៊ីជាច្រើនម៉ោងមកហើយ រហូតមកដល់ម៉ោងកើតហេតុ ស្ត្រីជាអ្នកលក់បានគិតលុយអស់ចំនួន៨ម៉ឺនរៀល តែបុរសខាងលើប្រាប់ថា «អត់មានលុយទេ ចង់ម៉េច» ស្ត្រីអ្នកលក់ស្រាបាននិយាយប្រាប់ថា «គាត់សុំលុយថ្លៃស្រា ព្រោះស្រាគាត់ទិញគេដែរ» ។ ភ្លាមៗនោះ ស្ត្រីអ្នកលក់បានហៅប្រជាកាពារពារភូមិមកដល់ ស្រាប់តែបុរសជាអ្នកផឹកស្រារូបនោះបានធ្វើជាដេកប្រកាច់ហូរឈាមតាមច្រមុះទៅវិញ ប៉ុន្តែពេលដែលហូបផ្លែឡាមនោះគឺតាមមាត់ តែមិនឃើញមានមុតមាត់ទេ ។
តាមប្រភពពីបុរសដែលផឹកស៊ីស្រវឹងអត់មានលុយឲ្យថ្លៃស្រានោះបាននិយាយថា គាត់បានផឹកស៊ីនៅកន្លែងកើតហេតុ ដោយមានគ្នាផឹកជាមួយគាត់២ទៅ៣នាក់ ហើយមិត្តភក្តិរបស់គាត់បានវាយគាត់ ដោយយកវត្ថុសាកសិទ្ធ ចែកាច់ រួចពួកគេក៏គេចខ្លួនបាត់ បណ្តាលឲ្យបុរសខាងលើរងរបួសប៉ោងមុខជាច្រើនកន្លែង ។
ក្រោយពេលកើតហេតុ ស្ត្រីអ្នកលក់ស្រាសុំបញ្ចប់មិនទាមទារលុយថ្លៃផឹកស៊ីទៀតទេ ព្រោះ បុរសខាងលើមិនមានលុយឲ្យ ។ ចំណែកលោកមេភូមិក៏បាននាំបុរសរូបនេះទៅចំណតរថយន្ត ដើម្បីធ្វើដំណើរទៅស្រុកកំណើតវិញ ៕ (កែសម្រួលដោយ ៖ បុប្ផា)
ចែករំលែកព័តមាននេះ