ខេត្តកំពង់ស្ពឺ ៖ នគរបាលក្រសួងមហាផ្ទៃមួយក្រុម ដឹកនាំដោយឧត្តមសេនីយ៍ឯកមួយរូប និងព្រះរាជអាជ្ញារងមួយរូប បានចុះបង្ក្រាបទីតាំងផលិតបារីអត់ច្បាប់មួយកន្លែង ។ ការចុះបង្ក្រាបនេះ ហាក់បីដូចជាមានការលាក់លៀម មិនឱ្យបែកធ្លាយព័ត៌មានចេញមកក្រៅនោះទេ ហើយអ្នកសារព័ត៌មានក៏មិនត្រូវបានអនុញ្ញាតឲ្យចូលរួមយកព័ត៌មានដែរនិយាយរួម គឺចងមុងបង្ក្រាបតែម្ដង។
ប្រភពបានឱ្យដឹងថា ករណីបង្ក្រាបបទល្មើសផលិតផលក្លែងក្លាយខុសច្បាប់នេះ ធ្វើឡើងនៅឃុំយាអង្គស្រុកថ្ពងខេត្តកំពង់ស្ពឺ ។ ប្រតិបត្តិការដ៏សំងាត់នេះ ត្រូវបានប្រភពបង្ហើបឱយដឹងថា ដឹកនាំដោយមន្ត្រីនគរបាលមកពីក្រសួងមហាផ្ទៃ នៅរសៀលថ្ងៃទី២៧ ឧសភា ឆ្នាំ២០២០ ចំណុចភូមិភ្នំក្រោល ភូមិស្យា ឃុំយាអង្គ ស្រុកថ្ពង ខេត្តកំពង់ស្ពឺ កម្លាំងគណៈកម្មាធិការប្រយុទ្ធប្រឆាំងផលិតផលក្លែងក្លាយ ក្រសួងមហាផ្ទៃ បានចុះបង្ក្រាបទីតាំងផលិតផលក្លែងក្លាយ១កន្លែង។ ទោះជាយ៉ាងណាក្រុមមន្ត្រីដែលចុះមកបង្ក្រាបបានប្រាប់ថា មិនទាន់ដឹងលទ្ធផលនៅឡើយទេ ប៉ុន្តែធាតុពិតចប់សព្វគ្រប់ទៅហើយ ។
បើតាមមន្ត្រីនគរបាលមួយរូប ដែលចុះមកបំពេញបេសកម្មជាសម្ងាត់នេះបានបង្ហើបថា រហូតមកដល់ល្ងាចថ្ងៃទី២៨ ឧសភា នេះ ប្រតិបត្តិការបានបញ្ចប់ទាំងស្រុងហើយ កុំចង់ដឹងអី ។
គ្មានប្រភពជាក់លាក់ណាមួយអាចប្រាប់បាននោះទេថាម្ចាស់ទីតាំងផលិតបារីអត់ច្បាប់ដែលត្រូវសមត្ថកិច្ចបង្ក្រាបបាននេះត្រូវឃាត់ខ្លួនដែរឬយ៉ាងណានោះទេព្រោះសូម្បីតែសមត្ថកិច្ចតូចតាចនិងអ្នកសារព័ត៌មានទៅក្បែរក៏មិនត្រូវបានអនុញ្ញាតដែរ។
ប៉ុន្តែទោះបីជាការបង្ក្រាបសម្ងាត់បែបនេះក៏ដោយ គង់បែកធ្លាយមិនខាន ព្រោះអ្វីក៏ដោយឱ្យតែខំលាក់ពិតជាកាន់តែចង់ដឹង ចង់ឃើញណាស់ … ។ លទ្ធផលនៃការបង្ក្រាបនេះ ចប់សព្វគ្រប់ ដោយពុំមានលទ្ធផលដើម្បីយកស្នាដៃឡើយ ។
ព័ត៌មានពិស្តារ យើងនឹងផ្សាយជូន បន្ទាប់ពីបានព័ត៌មានពិត និងសូមមហាជននៅទីតាំងកើតហេតុជួយសហការផ្តល់ព័ត៌មានផង ។
ចែករំលែកព័តមាននេះ