Barcelona ត្រៀមលក់ចេញ៦ ជាថ្នូរនាំចូល២ នៅទីផ្សារដោះកីឡាករខាងមុខ
ប្រទេសអេស្ប៉ាញ ៖ ក្រុមអ្នកមានបុណ្យ Barcelona ត្រៀមបញ្ចេញកីឡាករខ្លួនចំនួន ៦នាក់ជាថ្នូរដើម្បីនាំយកខ្សែប្រយុទ្ធ Lautaro Martinez ពីក្រុម Inter…
ប្រទេសអេស្ប៉ាញ ៖ ក្រុមអ្នកមានបុណ្យ Barcelona ត្រៀមបញ្ចេញកីឡាករខ្លួនចំនួន ៦នាក់ជាថ្នូរដើម្បីនាំយកខ្សែប្រយុទ្ធ Lautaro Martinez ពីក្រុម Inter…
ប្រទេសអេស្ប៉ាញ ៖ ក្រុមអ្នកមានបុណ្យ Barcelona ត្រៀមបញ្ចេញកីឡាករខ្លួនចំនួន ៦នាក់ជាថ្នូរដើម្បីនាំយកខ្សែប្រយុទ្ធ Lautaro Martinez ពីក្រុម Inter Milan និងខ្សែបម្រើ Miralem Pjanic របស់ក្រុម Juventus នៅទីផ្សារដោះដូរកីឡាកររដូវក្តៅខាងមុខ។
បច្ចុប្បន្ន Barcelona កំពុងឈរនៅកំពូលតារាង La Liga ដោយនាំមុខក្រុម Real Madrid ត្រឹមតែ ២ ពិន្ទុប៉ុណ្ណោះ ខណៈការប្រកួតនៅសល់ច្រើនទៀត ដែលត្រូវបំពេញពេលបាល់ទាត់លីគត្រឡប់មកវិញ។ ស្របពេលដែលគ្រូបង្វឹក Quique Setién យល់ថាក្រុមរបស់លោកមានចន្លោះប្រហោងមួយចំនួន ដែលត្រូវបំពេញបន្ថែម។
ខ្សែប្រយុទ្ធ Lautaro Martinez និងខ្សែបម្រើ Miralem Pjanic ស្ថិតក្នុងគោលដៅកំពូលក្នុងបញ្ជីដែលត្រូវទិញចូល។ បើយោងតាមប្រភពពីកាសែតអេស្ប៉ាញ Mundo Deportivo បានឱ្យដឹងថា ក្រុម Barcelona នឹងត្រៀមបញ្ចេញកីឡាករចំនួន ៦នាក់រួមមាន៖ Arturo Vidal, Nelson Semedo, Jean-Clair Todibo, Junior Firpo, Moussa Wague និង Rafinha ដែលសុទ្ធតែមានឈ្មោះក្នុងបញ្ជីត្រូវលក់ចេញ នៅទីផ្សារដោះដូរកីឡាកររដូវក្តៅខាងមុខនេះ។
ខ្សែបម្រើ Arturo Vidal និងខ្សែការពារស្លាបស្តាំ Nelson Semedo ត្រូវបានក្លិប Inter Milan កំពុងតែចែចូវចង់បាន។ បើទោះយ៉ាងនេះក្តី ក្រុមរបស់លោក Antonio Conte មិនចង់ឱ្យគោលដៅទាំងពីរនេះ ក្លាយជាការផ្លាស់ប្តូរជាមួយ Lautaro Martinez នោះទេ។
ដោយឡែកសម្រាប់កីឡាករ Miralem Pjanic ក្លិប Barcelona ធ្លាប់បានដាក់សំណើទៅកាន់ក្លិបសេះបង្កង់ Juventus ក្នុងតម្លៃប្រមាណ ២៥លានអឺរ៉ូ ដើម្បីនាំយកខ្សែបម្រើវ័យ៣០ឆ្នាំរូបនេះ មកកាន់ទឹកដី Nou Camp ប៉ុន្តែសំណើនេះ ត្រូវបានបដិសេធ។
មតិជាច្រើនបានលើកឡើងថា បើទោះបីជាត្រូវលក់កីឡាករជាច្រើន ដើម្បីប្រមូលប្រាក់នាំយកកីឡាករ Martinez និង Pjanic ក៏គេជឿថាក្រុមរបស់លោក Quique Setién នឹងអាចមិនមានភាពប្រសើរជាងបច្ចុប្បន្ននោះដែរ ៕ (ដកស្រង់ចេញពី SPORTbible)
ចែករំលែកព័តមាននេះ