ខេត្តស្វាយរៀង ៖ បើតាមសេចក្តីរាយការណ៍បានឱ្យដឹងថា មានការភ្ញាក់ផ្អើលទាំងព្រឹកដោយបុរសម្នាក់ធ្លាក់ពីលើចុងឬស្សីចំពីលើភ្នក់ភ្លើងសន្លប់ឈឹង ខណៈភ្លើងកំពុងឆេះ បណ្តាលឲ្យភ្លើងឆេះរោលពេញរាង្គកាយរបស់ជនរងគ្រោះគួរឲ្យសង្វេគ ហេតុការណ៍នេះបានកើតឡើងកាលពីម៉ោង៧និង១៨នាទីព្រឹក ថ្ងៃទី២៧ ខែឧសភា ឆ្នាំ២០២០…
ខេត្តស្វាយរៀង ៖ បើតាមសេចក្តីរាយការណ៍បានឱ្យដឹងថា មានការភ្ញាក់ផ្អើលទាំងព្រឹកដោយបុរសម្នាក់ធ្លាក់ពីលើចុងឬស្សីចំពីលើភ្នក់ភ្លើងសន្លប់ឈឹង ខណៈភ្លើងកំពុងឆេះ បណ្តាលឲ្យភ្លើងឆេះរោលពេញរាង្គកាយរបស់ជនរងគ្រោះគួរឲ្យសង្វេគ ហេតុការណ៍នេះបានកើតឡើងកាលពីម៉ោង៧និង១៨នាទីព្រឹក ថ្ងៃទី២៧ ខែឧសភា ឆ្នាំ២០២០ ស្ថិតនៅភូមិសំបួរ ឃុំសំបួរ ស្រុកស្វាយទាប ។
សេចក្តីរាយការណ៍បន្តថា បុរសរងគ្រោះខាងលើឈ្មោះ សំ សារិន ភេទប្រុស អាយុ៤២ឆ្នាំមុខរបរជាងផ្ទះ មានទីលំនៅភូមិ-ឃុំកន្លែងកើតហេតុខាងលើ។
បើតាមពលរដ្ឋឃើញហេតុការណ៍ឲ្យដឹងថា មុនកើតហេតុ គេឃើញបុរសជាងផ្ទះបានដុតភ្នក់ភ្លើងនៅក្រោមគុម្ពឬស្សី រួចក៏ឡើងកាប់ដើមឬស្សីនៅលើគុម្ពកម្ពស់៣ម៉ែត្រ ខណៈពេលកាប់ដើមឬស្សីដាច់ដួលគល់ឬស្សី ក៏បានវាត់ត្រូវចិញ្ចើមជនរងគ្រោះ បណ្តាលឱ្យជនរងគ្រោះធ្លាក់ចុះមកក្រោមចំពីលើភ្នក់ភ្លើងដែលកំពុងឆាបឆេះធ្វើឱ្យជនរងគ្រោះសន្លប់នៅក្នុងភ្នក់ភ្លើងនោះតែម្តង។
ប្រភពដដែលបន្តថា ប៉ុន្តែពេលនេះសំណាងល្អ ដែលមានអ្នកជិតខាងឃើញទាន់ក៏រត់មកជួយលើកចេញពីភ្នក់ភ្លើង ហើយពន្លត់ភ្លើងដែលឆេះជនរងគ្រោះ រួចហៅរថយន្តសាមុយដឹកបញ្ជូនទៅសង្គ្រោះបន្ទាន់នៅមន្ទីពេទ្យបង្អែកស្រុកស្វាយទាប។
តាមសមត្ថកិច្ចបានឱ្យដឹងថា បុរសរងគ្រោះបានឡើងកាប់ដើមឬស្សីនោះ គឺគោលបំណងដុត និងគាស់គល់ឬស្សីដុតចោល ដើម្បីចាក់ដីលើកពង្រីកភូមិ ហើយពេលកាប់ដើមឬស្សីដួលមកក៏វាត់គល់ឬស្សីត្រូវចិញ្ចើមជនរងគ្រោះ បណ្តាលឲ្យជនរងគ្រោះធ្លាក់មកចំពីលើភ្នក់ភ្លើងកំពុងឆេះសន្លប់ និងឆេះរលាករលួយពេញដងខ្លួនរងរបួសស្បែកធ្ងន់ធ្ងរតែម្តង។
ប្រភពបានបន្តទៀតថា នៅពេលនោះក៏មានអ្នកជិតខាងឃើញទាន់ ក៏រត់មកជួយលើកជនរងគ្រោះចេញពីភ្នក់ភ្លើង និងហៅរថយន្តដឹកបញ្ជូនជនរងសង្គ្រោះទៅមន្ទីពេទ្យបង្អែកស្រុកស្វាយទាប ដើម្បីសង្គ្រោះ។ នេះជាគ្រោះដ៏អាក្រក់មិនគួរដុតភ្នក់ភ្លើងពីក្រោម ហើយឡើងកាប់ពីលើបែបនេះសោះ សូមមានការប្រុងប្រយ័ត្នផង៕ (កែសម្រួលដោយ ៖ បុប្ផា)
ចែករំលែកព័តមាននេះ