កូវីដ១៩ មិនត្រឹមតែបានចម្លងមនុស្សជិត៦លាននាក់ និងសម្លាប់មនុស្សជាង៣៥ម៉ឺននាក់ទេ ។ វាធ្វើអោយមានផលប៉ះពាល់ខ្លាំងក្លាដល់សេដ្ឋកិច្ចពិភពលោកផងដែរ ។ មិនតែប៉ុណ្ណោះវាក៏ធ្វើអោយមនុស្សមានការផ្លាស់ប្តូរគ្រប់យ៉ាងទាំងរបៀបរបបរស់នៅ របៀបធ្វើការងារ របៀបទំនាក់ទំនង ហើយនិយាយអោយអស់ទៅនោះ…
កូវីដ១៩ មិនត្រឹមតែបានចម្លងមនុស្សជិត៦លាននាក់ និងសម្លាប់មនុស្សជាង៣៥ម៉ឺននាក់ទេ ។ វាធ្វើអោយមានផលប៉ះពាល់ខ្លាំងក្លាដល់សេដ្ឋកិច្ចពិភពលោកផងដែរ ។ មិនតែប៉ុណ្ណោះវាក៏ធ្វើអោយមនុស្សមានការផ្លាស់ប្តូរគ្រប់យ៉ាងទាំងរបៀបរបបរស់នៅ របៀបធ្វើការងារ របៀបទំនាក់ទំនង ហើយនិយាយអោយអស់ទៅនោះ សូម្បីតែរបៀបនៃការរួមភេទ ។
កូវីដ១៩ បានប្រកាសអាសន្នដល់មេដឹកនាំទាំងអស់អោយចាប់ផ្តើមគិតឡើងវិញអំពីការតាក់តែងនយោបាយ និងការយកចិត្តទុកដាក់របស់ខ្លួន ដោយមិនត្រូវបារម្ភត្រឹមតែបញ្ហានុយក្លេអែរ ឬក៏ការឡើងកម្តៅនោះទេ ។
ការរៀបចំគោលនយោបាយជាសាកលមួយត្រូវផ្តោតយកចិត្តទុកដាក់អោយបានច្រើនផងដែរទៅលើការរាតត្បាត ជំងឺឆ្លងដូចជាកូវីដ១៩ ដែលកំពុងធ្វើអោយរង្គោះរង្គើទូទាំងពិភពលោកទាំងបញ្ហាសុខភាព សេដ្ឋកិច្ច សង្គម និងនយោបាយ ។
បំព្រួញអោយតូចជាងនេះ មនុស្សគ្រប់រូបត្រូវផ្លាស់ប្តូររបៀបរស់នៅរបៀបធ្វើការ របៀបទំនាក់ទំនង និងសូម្បីតែរបៀបនៃការរួមភេទ ដើម្បីកុំអោយរងផលប៉ះពាល់ដោយសារកូវីដ១៩នេះ ។
ចំពោះការរស់នៅ មនុស្សម្នាក់ៗត្រូវតែប្រកាន់ភ្ជាប់នូវអនាម័យកាន់តែល្អប្រសើរជាង ។ ពិសេស ការលាង ដៃនឹងសាប៊ូដែលកន្លងមកមនុស្សជាច្រើនមិនយកចិត្តទុកដាក់ ឬក៏ធ្វើការលាងដៃមិនបានត្រឹមត្រូវ ។ ខណៈដែលមេរោគកូវីដ១៩ អាចទុំនៅលើរបស់របរប្រើប្រាស់ ឬក៏ផ្ទៃខាងក្រៅណាមួយនោះ វាក៏ទាមទារអោយយើងទាំងអស់គ្នារស់នៅកាន់តែស្អាតបាតផងដែរដោយឧស្សាហ៍ជូតសម្អាតកុំព្យូទ័រ របស់របរប្រើប្រាស់លើតុ។ល។
មនុស្សក៏ត្រូវសម្របខ្លួនទៅនឹងការរស់នៅថ្មីមួយដែល មិនត្រូវដើរលេងទៅកាន់ កន្លែងដែល មានមនុស្សច្រើនដែរ នៅក្នុងពេលដែលមេរោគកំពុងវាយលុកជាសកលនេះ ។
ខណៈដែលរដ្ឋាភិបាលកម្ពុជាបានហាមឃាត់មិនអោយមានការជួបជុំមនុស្សច្រើន និងបានបិទសាលារៀន ព្រម ទាំងបិទក្លិបកម្សាន្តជាដើមនោះ កូវីដ១៩ បានបង្ខំមនុស្សអោយងាកមកចាប់អារម្មណ៍លើការប្រើប្រាស់ បច្ចេកវិទ្យា ដើម្បីបន្តនិរន្តភាពការងារ ធុរកិច្ចការសិក្សាអប់រំ និងការទំនាក់ទំនងជាដើម ។
នៅប្រទេសកម្ពុជាយើងក៏ដូចជានៅបណ្តាប្រទេសជាច្រើនទៀតនៅក្នុងពិភពលោក កូវីដ១៩បានធ្វើអោយសកម្មភាពរកស៊ីអនឡាញកាន់តែសកម្មជាងមុន ។ ការករកស៊ីអនឡានបានពុះកញ្ជ្រោលខ្លាំងនៅក្នុងពេលដែលមានកូវីដ១៩ នេះ ពិសេសការលក់ដូរម្ហូបអាហារ និងរបស់របរប្រើប្រាស់នានា ។
ចំណែកការបំពេញ ការងារក៏យ៉ាងដូច្នេះដែរ កិច្ចការប្រជុំជាច្រើនត្រូវបានធ្វើឡើងតាមរយៈអនឡាញដើម្បីកាត់បន្ថយការជួបគ្នាផ្ទាល់មានមនុស្សច្រើនដែលនឹងបង្កើនហានិភ័យនៃការឆ្លង និងចម្លងមេរោគកូវីដ១៩ ។ ឧទាហរណ៍ ការជួបប្រជុំកំពូលរបស់មេដឹកនាំអាស៊ាន និងប្រជុំកំពូលរបស់អាស៊ានជាមួយប្រទេសចិន ជប៉ុន និង កូរ៉េខាង ត្បូងកន្លងមកក៏ត្រូវបានធ្វើតាមរយៈតេលេខន់ហ្វឺរិនផងដែរ ។
ចំណែកការសិក្សារៀនសូត្រនៅតាមសាលាជាច្រើនក៏បានងាយមកបង្រៀន និងរៀនតាមរយៈអនឡាញដូចជា តាមកម្មវិធី Microsft Team កម្មវិធីZomm ឬក៏មធ្យោយបាយអនឡាញផ្សេងៗទៀត ។
ជាមួយនឹងរបត់ខ្លាំងបែបនេះ វាបានធ្វើអោយប៉ះពាល់ខ្លាំងដល់សិស្សនៅតាមជនបទ ដែលគ្មានមធ្យោបាយនឹងធ្វើការសិក្សាដោយប្រើបច្ចេកវិទ្យា បើទោះបីជាក្រសួងអប់រំបានបង្កើតអោយមាន ជាកម្មវិធីបង្រៀន តាមទូរទស្សន៍ និងតាមអនឡាញក្តី ។
កូវីដ១៩ នឹងដាស់មនុស្សគ្រប់គ្នាអោយកាន់តែយល់ដឹងថែមទៀតពីសារសំខាន់នៃការប្រើប្រាស់បច្ចេកវិទ្យានៅក្នុងការទំនាក់ទំនង ការបំពេញការងារ និងការធ្វើធុរកិច្ចផ្សេងៗទៀត ។ ការខកខានឬក៏ការយឺត ពេលនៅក្នុងការចាប់ យកបច្ចេកវិទ្យានឹងធ្វើអោយយើងខាតបង់ច្រើនលើគ្រប់ទិដ្ឋភាពទាំងនយោបាយ សេដ្ឋកិច្ច និងសង្គមជាដើម។
និយាយអោយអស់ជាងនេះ កូវីដ១៩ បានធ្វើអោយមនុស្សមានប្រយ័ត្នកាន់តែច្រើន សូម្បីតែការរួមភេទ ។ ទោះបីជាមេរោគនេះមិនមានភស្តុតាងដែលថា វាអាចឆ្លងតាមការរួមភេទដោយប្រដាប់ភេទក្តី ប៉ុន្តែអ្នកជំនាញវេជ្ជសាស្ត្របានព្រមានថា វាអាចនឹងឆ្លងបានតាមរយៈការអោបថើប និងការបឺតមាត់ ឬក៏ភាពស្និទ្ឋស្នាលជាដើម ។ ដូច្នេះ ជីវិតសិចរបស់មនុស្សក៏មិនសូវជាស្និទ្ឋស្នាលដូចមុនដែរ ។
អ្នកជំនាញវេជ្ជសាស្ត្រជាច្រើនពន្យល់ថា វាងាយយល់ទេ ដូចជា ជំងឺផ្តាសាយដែរ ពេលរួមភេទ វាមិនមែនឆ្លងតាមសកម្មភាពរួមភេទទេ ប៉ុន្តែបើមាននរណាម្នាក់ក្នុងដៃគូររួមភេទនោះ មានជំងឺផ្តាសាយវានឹងអាចចម្លងទៅដែគូម្នាក់ទៀតបាន នៅពេលគេស្និទ្ឋស្នាលនឹងគ្នា ។ កូវីដ១៩ក៏ដូច្នេះដែរ ។ បើសិនជាស៊យ មានដៃគូររួមភេទម្នាក់មានកូវីដ១៩ នោះវាប្រាកដជាមានហានិភ័យចម្លងកូវីដ១៩ ដល់ដៃគូម្នាក់ផ្សេងទៀត ។
ដូច្នេះហើយបានជា វាអាចជាបញ្ហា បើអ្នកលួចទៅរួមភេទនៅក្រៅផ្ទះ ឬក៏រួមភេទជាមួយមនុស្សដែលអ្នកមិនរស់ នៅក្នងផ្ទះជាមួយរាល់ថៃ្ង ឬនិយាយម្យ៉ាងទៀតជាមួយក្រៅពីប្តី ឬប្រពន្ឋនោះ ។
ជាមួយនឹងផលប៉ះពាល់ជាច្រើនដែលបង្កឡើងដោយកូវីដ១៩នោះ មនុស្សត្រូវបានគេប្រាប់អោយ រស់នៅតាមរបៀបថ្មីមួយដែលហៅថា រស់នៅធម្មតាតាមបរិបទថ្មីដែលភាសាអង់គ្លេសហៅថា New Normal ៕
ចែករំលែកព័តមាននេះ