លោកហ្វាប៊ីយូ កាប៉េលឡូ គ្រូបង្វឹកក្រុមជម្រើសជាតិអង់គ្លេសចង់យកកីឡាករដេវីដ បេកខាំ អតីតប្រធានក្រុមជម្រើសជាតិមកដើរតួជាគ្រូបង្វឹកពិសេសដល់កីឡាករសំរាប់ ចូលរួមប្រកួតបាល់ទាត់ពិភពលោក ២០១០ នៅអាហ្វ្រិកខាងត្បូងនេះ បើតាមការបង្ហើប ឱ្យដឹងពីកាសែតដឹសាន់អង់គ្លេស។
បច្ចុប្បន្នកីឡាករដេវីដ បេកខាំ អតីតខ្សែបំរើរបស់ក្លឹប Man Utd និង Real Madrid កំពុងស្ថិតក្នុងអំឡុងពេលព្យាបាលអាការៈរបួសដោយមិនធ្វើដំណើរចូលរួម ប្រមូលផ្ដុំកីឡាករនៅប្រទេសអូទ្រីសទេ ប៉ុន្ដែ ក៏ធ្វើដំណើរទៅអាហ្វ្រិកខាងត្បូង នៅថ្ងៃទី២ មិថុនា ខាងមុខ ដែលក្នុងអំឡុងពេលនេះ កីឡាករក្រុមជម្រើសជាតិអង់គ្លេស នឹងកាត់ផ្ដាច់ចំនួនកីឡាករជាអចិន្រៃយ៍ឱ្យនៅសល់តែ២៣នាក់។
ទោះបីជាយ៉ាងណាក៏ដោយ ដេវីដ បេកខាំ បានរងរបួសក្នុងខណៈពេលលេងឱ្យ AC Milan ដោយកិច្ចសន្យាខ្ចី ជាហេតុធ្វើឱ្យសាមី ខ្លួនអស់សិទ្ធិក្នុងការចូលរួមក្នុងជម្រើសរបស់ក្រុមជម្រើសជាតិអង់គ្លេស ។
ទោះបីជាយ៉ាងណាក៏ដោយ ក៏លោកកា ប៉េលឡូ គ្រូបង្វឹកជនជាតិអូស្ដ្រាលី សំលឹងឃើញថា កីឡាករអាយុ៣៥ឆ្នាំនេះ នៅតែ មានឥទ្ធិពលលើកីឡាករ ទើបចង់ទាក់ទាញឱ្យធ្វើជាគ្រូបង្វឹកពិសេស ធ្វើដំណើរទៅអាហ្វ្រិកខាងត្បូងនៅលើកនេះផងដែរដើម្បីជាការលើកទឹកចិត្ដដល់កីឡាករអង់គ្លេស ដែលត្រូវចូលរួមប្រកួតដណ្ដើមពានរង្វាន់ ពិភពលោកនោះ ។
វ៉េនរូនី មានក្ដីស្រមៃចង់ធ្វើជាគ្រូបង្វឹក ក្រោយពីចូលនិវត្ដន៍
កីឡាករវ៉េន រូនី ខ្សែប្រយុទ្ធ្ធក្លឹប Man Utd ទទួលស្គាល់ថារូបគេ មានក្ដីស្រមៃចង់ក្លាយជាគ្រូបង្វឹកក្រោយពីចូលនិវត្ដន៍ពីការប្រកួត ។
វ៉េន រូនី បានបង្ហើបឱ្យដឹងពីអនាគតរបស់ ខ្លួនក្នុងមជ្ឈដ្ឋានបាល់ទាត់ថា “ខ្ញុំចង់ក្លាយជា អ្នកគ្រប់គ្រងក្លឹប ខ្ញុំស្រឡាញ់បាល់ទាត់ និង សប្បាយរីករាយជាមួយវា ។ ខ្ញុំមិនដែលគិតថា នឹងបានឃើញខ្លួនឯងបំរើការងារនៅ តាមភោជនីយដ្ឋាននោះទេខ្ញុំត្រូវការលេង បាល់ទាត់បច្ចុប្បន្នមានអាយុ២៤ឆ្នាំ មានសង្ឃឹមថា នឹងដំណើរការឆ្ពោះទៅមុខក្នុង មជ្ឈដ្ឋានបាល់ទាត់នាពេលអនាគត។ ខ្ញុំត្រូវការស្វែងយល់ពីអាជីពបាល់ទាត់ និងចង់ធ្វើជាគ្រូបង្វឹកបាល់ទាត់នៅពេលអនាគតក្រោយពីចូលនិវត្ដន៍” ៕
ចែករំលែកព័តមាននេះ