ប្រទេសចិន ៖ តាមប្រភពព័ត៌មាន CNN បានឱ្យដឹងថា ក្រោយពីមានការផ្ទុះឡើងនូវករណីថ្មីបន្តិចបន្តួច ទីក្រុងវូហាន មិនបានបង្អង់បណ្តែតបណ្តោយយូរទេ ក្នុងការធ្វើតេស្តលើប្រជាជនរបស់ខ្លួន ឱ្យបានដឹងច្បាស់មុនពេលអ្វីៗក្លាយទៅជាបញ្ហាធំ។
យោងតាមប្រព័ន្ធផ្សព្វផ្សាយរដ្ឋរបស់ប្រទេសចិន បានឱ្យដឹងថា ទីក្រុងវូហាន ដែលជាកន្លែងកើតកូវីដ១៩ដំបូងគេនៅលើពិភពលោក បានធ្វើតេស្តរកមេរោគឆ្លងកូវីដ១៩ លើប្រជាជនរបស់ខ្លួនបានដល់ទៅ ៦.៥លានករណី ដោយប្រើប្រាស់ពេលត្រឹមតែ៩ថ្ងៃប៉ុណ្ណោះ។
ការធ្វើតេស្តរក DNA របស់វីរុសនៅទូទាំងក្រុងបានធ្វើឡើង ក្រោយពីមានការកើតករណីថ្មីចំនួន៦ករណី ក្នុងសហគមន៍លំនៅដ្ឋានមួយ កាលពីដើមខែនេះ។
ចាប់ពីថ្ងៃទី១៥ ដល់ថ្ងៃទី២៣ ខែឧសភា ការយកសំណាកទៅធ្វើតេស្ត ត្រូវបានប្រមូលពីប្រជាជនជាង៩លាននាក់ ដែលមានចំនួនច្រើនជាង៨០% នៃប្រជាជនសរុបក្នុងទីក្រុងទាំង១១លាននាក់៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ