ប្រទេសចិន ៖ យោងតាមរ៉យទ័រថាប្រទេសចិនបានគំរាមកាលពីថ្ងៃទី២៥ ឧសភា ចំពោះសហរដ្ឋអាមេរិកពីការសងសឹករបស់ខ្លួនក្រោយការគំរាមដាក់ទណ្ឌកម្មអាមេរិក ដោយសារតែគម្រោងច្បាប់ស្ដីពីសន្តិសុខជាតិនៅក្រុងហុងកុង ។
ក្នុងសន្និសីទសារព័ត៌មានមួយ លោក ZHAO LIJIAN អ្នកនាំពាក្យក្រសួងការបរទេសចិនថ្លែងថា ចិននឹងចាត់បណ្ដាវិធានការប្រសិនបើអាមេរិកនៅតែរឹងធ្វើឲ្យប៉ះពាល់ដល់ផលប្រយោជន៍របស់យើងនៅហុងកុង ។
តាមអ្នកនាំពាក្យរូបនេះថាសហរដ្ឋអាមេរិកប៉ុនប៉ងបំផ្លាញសន្តិសុខជាតិរបស់ចិន ។ លោកបន្តថាក្រុងប៉េកាំងបានដាក់ពាក្យតវ៉ាចំពោះរដ្ឋការអាមេរិកប្រឆាំងរាល់ពាក្យពេចន៍ដែលនិយាយនាពេលមុននេះ ដោយទីប្រឹក្សាសន្តិសុខជាតិនៃសេតវិមានលោក ROBERT O’BRIEN ។
ទីប្រឹក្សារូបនោះថ្លែងកាលពីថៃ្ងទី២៤ ឧសភាថា ច្បាប់ថ្មីដែលចិនស្នើឡើងនោះអាចនាំទៅរកការដាក់ទណ្ឌកម្មរបស់អាមេរិក ហើយគំរាមកំហែងដល់លក្ខន្តិកៈក្រុងហុងកុង ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ