ក្រុងហុងកុង ៖ ប្រមុខប្រតិបត្តិក្រុងហុងកុងលោកស្រីការីឡាម ថ្លែងនាថ្ងៃទី២៦ ឧសភាថា គម្រោងច្បាប់ស្ដីពីសន្តិសុខជាតិដែលស្នើឡើងដោយក្រុងបេ៉កាំងនឹងមិនបំផ្លាញសិទ្ធិនិងសេរីភាព ក្នុងដែនដីពាក់កណ្ដាលស្វយ័តហុងកុងឡើយដោយលោកស្រីអំពាវនាវឲ្យរង់ចាំស្វែងយល់ពីគម្រោងច្បាប់នោះឲ្យបានលម្អិត ។
បាតុកម្មធំមួយពុំធ្លាប់មានចាប់តាំងពីមានការរិតត្បិតការដើរហើរ សំដៅតស៊ូប្រឆាំងការឆ្លងរាលដាលនៃវីរុស COVID-19 មក កើតមានកាលពីថ្ងៃទី២៤ ឧសភានៅហុងកុង ដែលនៅទីនោះប៉ូលិសបានប្រើឧស្ម័នបង្ហូរទឹកភ្នែកដើម្បីបំបែកពួកបាតុករ ។ ការប្រមូលផ្ដុំមនុស្សធ្វើបាតុកម្មថ្មី
នឹងមាននាថ្ងៃទី២៧ ឧសភា ។ គម្រោងច្បាប់សន្តិសុខរបស់ចិនសម្រាប់ក្រុងហុងកុងគ្រោងឲ្យមានដោយឆាប់រហ័ស ការបញ្ចូលបណ្ដាបែបបទសន្តិសុខជាតិទៅក្នុងរដ្ឋធម្មនុញ្ញ ដែលជារដ្ឋធម្មនុញ្ញសម្រាប់ក្រុងហុងកុងដើម្បីតស៊ូប្រឆាំងបណ្ដាសកម្មភាពបំបែកខ្លួននិយមធ្វើវិទ្ធង្សនា និងភេរវកម្ម ព្រមទាំងប្រឆាំងការជ្រៀតជ្រែករបស់បរទេស ។
លោកស្រីឡាមក្នុងសន្និសីទសារព័ត៌មានមួយអះអាងថា គ្មានហេតុផលណាមួយដែលនាំឲ្យយើងមានការព្រួយបារម្ភឡើយ ។ រយៈពេល២៣ឆ្នាំចុងក្រោយនេះ ពេលមនុស្សទាំងឡាយមានការព្រួយបារម្ភចំពោះសេរីភាពនៃការបញ្ចេញមតិ និងការតវ៉ានៅហុងកុង ជាច្រើនលើកហុងកុងបង្ហាញថា យើងការពារនិងថែរក្សាតម្លៃទាំងនោះ ។ មេដឹកនាំហុងកុងរូបនេះបានស្នើដល់ប្រជាជនឲ្យរង់ចាំអានគម្រោងច្បាប់នេះ ព្រមទាំងស្វែងយល់ថាហេតុអីហុងកុងត្រូវការច្បាប់នេះក្នុងពេលបច្ចុប្បន្ន ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ