ទ្រាំលែងបាន! បុរសម្នាក់ប្តឹង Google Maps ធ្វើឱ្យជីវិតប្តីប្រពន្ធគាត់ល្អក់កករ
ប្រទេសឥណ្ឌា ៖ តាមប្រភពព័ត៌មាន Oddity Central បានឱ្យដឹងថា បុរសជនជាតិឥណ្ឌាម្នាក់ បានដាក់ពាក្យប្តឹងក្រុមហ៊ុន Google ទៅលើកម្មវិធី…
ប្រទេសឥណ្ឌា ៖ តាមប្រភពព័ត៌មាន Oddity Central បានឱ្យដឹងថា បុរសជនជាតិឥណ្ឌាម្នាក់ បានដាក់ពាក្យប្តឹងក្រុមហ៊ុន Google ទៅលើកម្មវិធី…
ប្រទេសឥណ្ឌា ៖ តាមប្រភពព័ត៌មាន Oddity Central បានឱ្យដឹងថា បុរសជនជាតិឥណ្ឌាម្នាក់ បានដាក់ពាក្យប្តឹងក្រុមហ៊ុន Google ទៅលើកម្មវិធី Google Maps ដែលគេប្រើសម្រាប់មើលផែនទី ដោយអះអាងថា ដោយសារតែកម្មវិធីនេះ ទើបធ្វើឱ្យស្នេហាប្តីប្រពន្ធរបស់គាត់មានភាពល្អក់កករ។
លោក R Chandrasekhar អាយុ៤៩ឆ្នាំ ដែលមកពីខណ្ឌ Mayiladuthurai ប្រទេសឥណ្ឌា បានអះអាងថា កម្មវិធី Google Maps ចេះតែដាក់ទីតាំងនៅលើ “Your Timeline” ដែលជាកន្លែងសម្រាប់មើលថា គាត់ធ្លាប់បានទៅណាខ្លះកាលពីមុនៗ។ ជាធម្មតា ឱ្យតែយើងទៅដល់ណា Google Maps នឹងកត់ត្រាទុកនៅលើកន្លែងនោះ។ តែសម្រាប់លោក Chandrasekhar វិញ គឺគាត់មិនបានទៅកន្លែងណា ដូចអ្វីដែល Google Maps បានដាក់ឡើយ។
ប្រពន្ធគាត់ចេះតែសួរនាំរហូត ដោយសារតែឃើញគាត់ទៅកន្លែងផ្តេសផ្តាស បើមើលតាម Your Timeline។ គាត់រកពាក្យឆ្លើយតបមិនរួចទេ ដោយសារតែវាមិនមែនជាកន្លែងដែលគាត់ធ្លាប់ទៅ។
ពេលនេះ លោក Chandrasekhar ក៏សម្រេចចិត្តដាក់ពាក្យប្តឹង Google នៅប៉ុស្តិ៍ប៉ូលិសមូលដ្ឋាន ដោយលើកឡើងពីហេតុផលថា វាបានធ្វើឱ្យប្តីប្រពន្ធរបស់គាត់ឈ្លោះគ្នា។ ជាមួយគ្នានេះដែរ គាត់ក៏បានប្តឹងទារសំណងជាសាច់ប្រាក់ផងដែរ។
ប៉ូលិសមិនទាន់បានចាត់ការលើករណីនេះទេ តែពួកគេនឹងហៅប្តីប្រពន្ធមួយគូនេះមកពិភាក្សា។ ប្រសិនបើនិយាយគ្នាមិនស្តាប់ទៀត គេនឹងបញ្ជូនឡើងទៅថ្នាក់លើ៕ ដកស្រង់ចេញពីវេបសាយ ៖ odditycentral (កែសម្រួលដោយ ៖ បុប្ផា)
ចែករំលែកព័តមាននេះ