រាជធានីភ្នំពេញ ៖ ស្ត្រីដែលប្រើល្បិចហៅម៉ូតូកង់បីជិះ រួចដាក់ថ្នាំសណ្តំនៅក្នុងទឹកក្រូច រហូតអ្នករត់ម៉ូតូកង់៣សន្លប់ ហើយលូកយកកាបូបលុយនិងកាបូបស្ពាយ ទូរស័ព្ទ ត្រូវអស់លក្ខណ៍ ក្រោយពីអ្នករត់កង់បីដូចគ្នាប្ដឹងសមត្ថកិច្ចឱ្យឃាត់ខ្លួន ។…
រាជធានីភ្នំពេញ ៖ ស្ត្រីដែលប្រើល្បិចហៅម៉ូតូកង់បីជិះ រួចដាក់ថ្នាំសណ្តំនៅក្នុងទឹកក្រូច រហូតអ្នករត់ម៉ូតូកង់៣សន្លប់ ហើយលូកយកកាបូបលុយនិងកាបូបស្ពាយ ទូរស័ព្ទ ត្រូវអស់លក្ខណ៍ ក្រោយពីអ្នករត់កង់បីដូចគ្នាប្ដឹងសមត្ថកិច្ចឱ្យឃាត់ខ្លួន ។ ហេតុការណ៍នេះ កើតឡើងកាលពីវេលាម៉ោង៣និង៣០នាទីទៀបភ្លឺកាលពីថ្ងៃទី២៤ ខែឧសភា ឆ្នាំ២០២០ នៅចំណុចផ្លូវលេខ៤៣៦ ក្រុមទី២១ ភូមិ៦ សង្កាត់បឹងត្របែក ខណ្ឌចំការមន រាជធានីភ្នំពេញ ។ សូមរំលឹកថា៖ អ្នករត់ម៉ូតូកង់បីគួរប្រយ័ត្ន…2នាក់ហើយត្រូវថ្នាំសណ្ដំស្រីស្អាត
ស្ត្រីរូបនេះឈ្មោះ អ៊ុច ចាន់ថា អាយុ៣២ឆ្នាំ មុខរបរមិនពិតប្រាកដ ស្នាក់នៅផ្ទះជួលគ្មានលេខ ផ្លូវលេខ៩៧ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។ ជនរងគ្រោះឈ្មោះ ថន កោសល្យ ភេទប្រុស អាយុ៣៥ឆ្នាំ ។
សូមបញ្ជាក់ថា ករណីដូចគ្នានេះ ធ្លាប់កើតមានចំនួនពីរលើកមកហើយ កាលពីសប្តាហ៍មុនដែលបុរសពីរនាក់ដេកសន្លប់នៅលើកង់បីរបស់ខ្លួន នៅមិនដឹងថា អ្នកណាជាអ្នកដាក់ថ្នាំសណ្ដំឡើយ ទើបតែពេលនេះ ត្រូវបានគេឃើញបុរសទី៣ម្នាក់ទៀតក៏សន្លប់ដោយស្នាដៃស្ត្រីរូបនេះ នៅចំណាំមុខបានពេលជួបដោយចៃដន្យក៏ប្តឹងសមត្ថកិច្ចតែម្តង ។
បើតាមប្រភពព័ត៌មានពីលោក ផន អូន អធិការរងនៃអធិការដ្ឋាននគរបាលខណ្ឌបានឲ្យដឹងថា មុនពេលកើតហេតុស្ត្រីជាជនសង្ស័យបានហៅម៉ូតូកង់បីជិះ ពីផ្សារបឹងកេងកងមកផ្សារបឹងត្របែក ខណៈមកដល់ផ្សារបឹងត្របែកក៏បានឲ្យឈប់រួចក៏ចុះពីលើម៉ូតូកង់បី រួចហៅម៉ូតូកងបីមួយទៀតជិះទៅម្ដុំអតីតមជ្ឈ មណ្ឌលរ៉ក់ដោយប្រាប់ថា ទៅទិញទឹកក្រូចផឹក ។
ប្រភពបន្តថា ក្រោយមកបុរសដែលជាម្ចាស់កង់បីឥណ្ឌាជូនមកផ្សារបឹងត្របែកវិញ ខណៈជិះបានពាក់ កណ្ដាលផ្លូវ ស្ត្រីដែលជាជនសង្ស័យក៏បានឲ្យទឹកក្រូច ដែលខ្លួនបានដាក់ថ្នាំងងុយដេករួចឲ្យទៅបុរសដែលជាម្ចាស់ម៉ូតូកង់បីឥណ្ឌានោះថា ផឹកទឹកក្រូចទៅខ្ញុំឱ្យ ។ ខណៈនោះបុរសរងគ្រោះក៏បានផឹកទឹកក្រូច ដែលជនសង្ស័យខាងលើនោះឲ្យ ។ លុះផឹកបានមួយសន្ទុះក្រោយមកក៏ស្រាប់តែបុរស ដែលជាម្ចាស់កង់បីនេះងងុយគេងក៏បានឈប់ម៉ូតូនៅម្ដុំផ្សារបឹងត្របែកនោះតែម្ដង ។
ពេលនោះស្ត្រីរូបនេះបានលូកយកកាបូបលុយនិងកាបូបស្ពាយ របស់អ្នករត់កង់បីបានសម្រេចហើយ បម្រុងគេចខ្លួន តែត្រូវអ្នករត់កង់បីឥណ្ឌាដូចគ្នាបានស្គាល់បុរសខាងលើ ដោយមានការសង្ស័យក៏បានហៅស្ត្រីរូបនេះឲ្យឈប់ រួចក៏ប្ដឹងសមត្ថកិច្ចឲ្យធ្វើការឃាត់ខ្លួនយកមកសាកសួរទើបដឹងថា ស្ត្រីខាងលើដែលជាជនសង្ស័យបានដាក់ថ្នាំងងុយគេងឲ្យទៅបុរស ដែលជាម្ចាស់កង់បីនោះពិតប្រាកដមែន ។
ក្រោយការឃាត់ខ្លួនស្ត្រីជាជនសង្ស័យរួមនិងវត្ថុតាង ត្រូវបានកម្លាំងជំនាញបញ្ជូនទៅកាន់អធិការដ្ឋាននគរបាលខណ្ឌចំការមន ដើម្បីកសាងសំណុំរឿងចាត់ការតាមនីតិវិធី ។ ចំពោះករណីចាប់ស្ត្រីដាក់ថ្នាំសណ្ដំលើអ្នករត់ម៉ូតូកង់បីនេះមិនទាន់ដឹងថា ស្ត្រីរូបនេះជាប់ពាក់ព័ន្ធទៅនឹងករណីបុរសអ្នករត់ម៉ូតូកង់បី ២នាក់ដែលសន្លប់ដេកលើម៉ូតូកាលពីសប្តាហ៍មុនឬយ៉ាងណានោះទេ ព្រោះសមត្ថកិច្ចមិនទាន់បានសួរនាំ ៕
ចែករំលែកព័តមាននេះ