រាជធានីភ្នំពេញ ៖ កូវីដ-១៩ បានធ្វើឲ្យប៉ះពាល់វិស័យជាច្រើននៅលើពិភពលោកព្រមទាំងកម្ពុជាផងដែរ ជាពិសេសវិស័យទេសចរណ៍ក៏រងគ្រោះព្រោះវីរុសឆ្លងមួយនេះបានធ្វើឲ្យភ្ញៀវទេសចរជាតិនិងអន្តរជាតិបានធ្លាក់ចុះខ្លាំង ដែលជាកក្កតាធ្វើឲ្យប្រជាជនប្រកបមុខរបរលក់ដូរក្នុងស្រុកភូមិរបស់ខ្លួន អ្នកខ្លះត្រូវបង្ខំចិត្តផ្លាស់ប្តូរការលក់របស់ខ្លួនពីខេត្ត មកបន្តលក់ក្នុងទីក្រុងភ្នំពេញ។
ជាក់ស្តែងក្រុមគ្រួសារមួយដែលមានស្រុកកំណើត និងជាអ្នកលក់ផ្លែឈើក្នុងខេត្តកែបនិងមានចំការខ្លួនឯងនោះត្រូវមកធ្វើតូបលក់ផ្លែឈើនៅក្រុងភ្នំពេញផងដែរ ។ បងស្រីសុខ ស្រីណែត អាយុ ២៧ឆ្នាំ បានរៀបរាប់ឲ្យដឹងថា «បន្ទាប់ពីប្រទេសកម្ពុជាមានវបត្តិកូវីដ១៩នេះមក នៅកន្លែងទេសចរណ៍ក្នុងស្រុកភូមិខ្ញុំ ក៏ត្រូវបានស្ងាត់ដែរ ដោយសារខ្លាចផ្លែឈើលក់មិនដាច់ ទើបពួកគាត់សម្រេសចិត្តចែកគ្នីគ្នា និងចែកទីតាំងដើម្បីលក់។ វាជារដូវកាលផ្លែទុំ ជាពិសេសផ្លែទុរេន ហើយមិនមានមនុស្សទិញបែបនេះ គឺមិនដឹងត្រូវយកលក់ទីណា »។
បងស្រីបានបន្តថាដើម្បីរកចំណូលសម្រាប់ផ្គត់ផ្គង់គ្រួសារ ក៏ដូចជាខ្លាចផ្លែឈើដែលត្រូវប្រមូលផលត្រូវទុកចោលនោះ គាត់ត្រូវបង្ខំចិត្តនាំក្រុមគ្រួសារមកស្នាក់នៅរាជធានីភ្នំពេញមួយរយៈសិន ដើម្បីបន្តលក់ផ្លែឈើរបស់ខ្លួន រហូតផុតរដូវផ្លែឈើទុំ។ គាត់និយាយថា វាប្រហែលជាត្រូវការពេលវេលា ពីរបីខែអីនឹងទន្រាំផុតរដូវផ្លែឈើនេះ។ អង្គុយលក់ជាមួយបងប្អូនផ្សេងទៀតនៅតុផ្លែឈើដែលមានប្រក់ច័ត្រធំធ្វើជាម្លប់នោះ បងស្រីដែលបានផ្តល់សម្ភាសន៍ដល់សារព័ត៌មានកោះសន្តិភាពបានឲ្យដឹងថាគាត់ទើបមករៀប ចំទីតាំងនៅលក់ទីនេះ (ក្រោយសាលាបឋមសិក្សាភូមិ៦) ទើបតែបានពីរអាទិត្យនេះទេ ។
បងស្រី ណែត បានបន្តថា «ខ្ញុំតែងតែលក់ផ្លែឈើពីចំការផ្ទាល់របស់ខ្ញុំ នៅម្តុំតំបន់អភិវឌ្ឍនភ្នំវល្ល៍ក្នុងក្រុងកែប ខេត្តកែប យើងលក់ក្នុងខេត្តយើងខ្លះ និងមកទីនេះខ្លះ (ក្រុងភ្នំពេញ)។ បើមិនធ្វើចឹង យើងលក់ផ្លែឈើមិនដាច់ មានតែទុកស្អុយអស់ហើយ អត់បានប្រាក់ទៀត ចឹងយើងគ្មានជម្រើសទេ។ ពួកយើងនៅក្នុងភ្នំពេញ ត្រូវប្រថុយនឹងខាតដែរ ឬរត់មិនរួច ព្រោះត្រូវបង់ថ្លៃជួលផ្ទះបណ្ណោះអាសន្ន និងចំណាយការបង់ថ្លៃតូប (ជួលតូប) និងថ្លៃដឹកទំនិញពីខេត្តខ្ញុំមក »។ បងស្រីបានបន្តថា «ប្រសិនជាផាត់ចោលថ្លៃចំណាយផ្សេងៗចេញ នៅទីនេះខ្ញុំអាចសល់លុយបានត្រឹម ៥ទៅ៧ ម៉ឺនក្នុងមួយថ្ងៃ ដោយសារក្នុង ១គីឡូ ព្រោះខ្ញុំចំណេញបានតែ ២០០០៛ទេ» ។ បងស្រី ណែត ក៏បានបញ្ជាក់ដែរថាក្នុងចំការបងស្រី មិនបានប្រើថ្នាំអ្វីទេ គឺដាំដោយបច្ចេកទេសធម្មជាតិសុទ្ធសាធ គាត់ថាគាត់ត្រូវការចំនួនអ្នកទុកចិត្តជាជាងលក់អស់ច្រើន ។
យ៉ាងណាមិញ បងស្រីលក់ផ្លែឈើផ្សេងទៀតបានលើកឡើងថា ទោះបីប្រទេសកម្ពុជាកំពុងជួបវបត្តិកូវីដ១៩ក្តី កន្លែងទេសចរណ៍ភាគច្រើនរងផលប៉ះពាល់ ហើយភ្ញៀវទេសចរណ៍ជាតិ និងអន្តរជាតិត្រូវបានកាត់បន្ថយ ជាកក្កតាដែលធ្វើឲ្យប្រជាជនលក់ដូរខ្លះរងនូវផលប៉ះពាល់នេះ។ ប៉ុន្តែខ្លះទៀតក៏លក់បានគួសម្យ ក្នុងរដូវកាលទទួលផលផ្លែឈើធម្មជាតិនានា។
អ្នកលក់ផ្លែឈើម្នាក់ក្បែររបងវិទ្យាល័យ ប៊ុន រ៉ានី-ហ៊ុនសែន ផ្សារដើមថ្កូវ (សុំមិនបញ្ចេញឈ្មោះ) បានប្រាប់កោះសន្តិភាពនៅថ្ងៃនេះថា បងស្រីលក់បាន ៣០ទៅ៤០គីឡូ ក្នុងមួយថ្ងៃ នេះបើផាត់ដើមចេញ ប៉ុន្តែបើប្រៀបនឹងឆ្នាំទៅវិញបានទិចជាង។
បងស្រីបាននិយាយថា «ខ្ញុំ វាជារដូវកាលទទួលផលផ្លែឈើហូបផ្លែ ហើយជារៀងរាល់ឆ្នាំ ខ្ទង់ពីរបីខែនេះ ខ្ញុំតែងតែលក់ដុរ៉េននៅទីនេះ ហើយបើប្រៀបធៀបឆ្នាំទៅ លក់មិនសូវដាច់ទេ។ ខ្ញុំលក់ដាច់ដោយសារ ខ្ញុំមានម៉ូយច្រើនជួយទិញ បើតាមលក់ធម្មតា គឺស្ងាត់ណាស់»។
ដោយរស់នៅក្នុងទីក្រុងភ្នំពេញ តែបងស្រីថា ទុរេន របស់បងស្រីលើកយកមកពីភ្នំកំចាយ ខេត្តកំពត លក់ក្នុងតម្លៃធម្មតា ដូចគេដូចឯងដែរ មួយគីឡូ ២៥០០០រៀល ប៉ុន្តែបើភ្ញៀវរើសហើយ ហើយវាទុំជ្រុលឬពួកគាត់មិនពេញចិត្ត បងស្រីអាចដូរផ្សេងអោយពួកគាត់បាន ៕
ចែករំលែកព័តមាននេះ