ប្រេស៊ីល ៖ ដោយសារតែរស់នៅឆ្ងាយពីមន្ទីរពេទ្យ ហើយជារឿយៗខ្វះហេដ្ឋារចនាសម្ព័ន្ធមូលដ្ឋាន ប្រជាជនជនជាតិដើមភាគតិចរបស់ប្រេស៊ីលកំពុងបាត់បង់ជីវិតក្នុងអត្រាប្រកាសអាសន្នដោយសារជម្ងឺកូវីដ១៩ ខណៈដែលមិនសូវមានការជួយជ្រោមជ្រែង។ អត្រាមរណភាពគឺកើនឡើងទ្វេដង បើប្រៀបធៀបនឹងចំនួនប្រជាជនប្រេស៊ីលពេលនេះ។ នេះបើយោងតាមក្រុមគាំទ្រជនជាតិដើមភាគតិច Articulation…
ប្រេស៊ីល ៖ ដោយសារតែរស់នៅឆ្ងាយពីមន្ទីរពេទ្យ ហើយជារឿយៗខ្វះហេដ្ឋារចនាសម្ព័ន្ធមូលដ្ឋាន ប្រជាជនជនជាតិដើមភាគតិចរបស់ប្រេស៊ីលកំពុងបាត់បង់ជីវិតក្នុងអត្រាប្រកាសអាសន្នដោយសារជម្ងឺកូវីដ១៩ ខណៈដែលមិនសូវមានការជួយជ្រោមជ្រែង។
អត្រាមរណភាពគឺកើនឡើងទ្វេដង បើប្រៀបធៀបនឹងចំនួនប្រជាជនប្រេស៊ីលពេលនេះ។ នេះបើយោងតាមក្រុមគាំទ្រជនជាតិដើមភាគតិច Articulation of Indigenous Peoples of Brazil (APIB) ដែលបានតាមដានចំនួនករណីឆ្លងនិងការស្លាប់ក្នុងចំណោមជនជាតិដើមភាគតិច ៩០០,០០០នាក់របស់ប្រទេសនេះ។
APIB បានកត់ត្រាករណីឆ្លងវីរុសនេះចំនួន ៩៨០ករណី ហើយយ៉ាងហោចណាស់មានអ្នកស្លាប់ ១២៥នាក់ ដែលបង្ហាញពីអត្រាមរណភាព ១២.៦% បើប្រៀបធៀបនឹងអត្រាជាតិ ៦.៤%។
ជនជាតិដើមភាគតិចដែលបានផ្លាស់ទៅទីប្រជុំជនធំឬតំបន់ទីក្រុង ដើម្បីសិក្សាឬស្វែងរកការងារ អាចជួបប្រទះនឹងជីវភាពរស់នៅមិនទៀងទាត់ជាមួយនឹងសេវាសាធារណៈតិចតួច ដែលបង្កើនភាពងាយរងគ្រោះចំពោះបញ្ហាសុខភាព។ ទន្ទឹមនឹងនេះដែរអ្នកដែលរស់នៅតំបន់ដាច់ស្រយាល ប្រហែលជាមិនមានអនាម័យមូលដ្ឋាននិងមណ្ឌលសុខភាពទេ។
គួរបញ្ជាក់ផងដែរថា កាលពីថ្ងៃសៅរ៍ ប្រទេសប្រេស៊ីលបានវ៉ាប្រទេសរុស្ស៊ីដែលមានចំនួនករណីសរុបខ្ពស់បំផុតទី២ នៅលើពិភពលោកបន្ទាប់ពីសហរដ្ឋអាមេរិក។ ប្រទេសនេះមានករណីឆ្លងសរុប ៣៤៧,៣៩៨ករណី៕ (យោងតាមប្រភពពី edition.cnn.com)
ចែករំលែកព័តមាននេះ