ប្រជាជននៅទីក្រុងមូស្គូជាង១លាននាក់មានអង់ទីគ័រប្រឆាំងកូវីដ១៩
រុស្ស៊ី ៖ តាមប្រភពព័ត៌មាន CNN បានឱ្យដឹងថា អាជ្ញាធរសុខាភិបាលទីក្រុងបាននិយាយកាលពីថ្ងៃសៅរ៍ថា ប្រហែល ១២.៥% នៃប្រជាជននៅទីក្រុងមូស្គូ ឬប្រហែល…
រុស្ស៊ី ៖ តាមប្រភពព័ត៌មាន CNN បានឱ្យដឹងថា អាជ្ញាធរសុខាភិបាលទីក្រុងបាននិយាយកាលពីថ្ងៃសៅរ៍ថា ប្រហែល ១២.៥% នៃប្រជាជននៅទីក្រុងមូស្គូ ឬប្រហែល…
រុស្ស៊ី ៖ តាមប្រភពព័ត៌មាន CNN បានឱ្យដឹងថា អាជ្ញាធរសុខាភិបាលទីក្រុងបាននិយាយកាលពីថ្ងៃសៅរ៍ថា ប្រហែល ១២.៥% នៃប្រជាជននៅទីក្រុងមូស្គូ ឬប្រហែល ១.៥លាននាក់ ត្រូវបានគេប៉ាន់ស្មានថាមានអង្គបដិប្រាណ (អង់ទីគ័រ) សម្រាប់ប្រឆាំងជាមួយនឹងវីរុសឆ្លងកូរ៉ូណាថ្មី ដែលបង្កឱ្យមានជម្ងឺកូវីដ១៩។
រដ្ឋធានីរបស់ប្រទេសរុស្ស៊ីនៅថ្ងៃទី១៥ ខែឧសភា បានបើកដំណើរការកម្មវិធីពិនិត្យរកជម្ងឺកូវីដ១៩ ដោយឥតគិតថ្លៃដ៏ធំមួយដោយជ្រើសរើសអ្នករស់នៅទីក្រុងមូស្គូដោយចៃដន្យ ដើម្បីទៅមើលនៅគ្លីនិកមួយក្នុងចំណោម ៣០នៃគ្លីនិកក្នុងទីក្រុង សម្រាប់ការធ្វើតេស្តរកអង្គបដិប្រាណឥតគិតថ្លៃ។ ទីក្រុងនេះក៏បានធ្វើការពិនិត្យបុគ្គលិកពេទ្យនិងអ្នកជម្ងឺដើម្បីរកមើលអង្គបដិប្រាណផងដែរ។
លទ្ធផលនៃការសិក្សាបានចង្អុលបង្ហាញអំពីលទ្ធភាពក្នុងការបន្ធូរបន្ថយនូវវិធានការណ៍រឹតបន្តឹង នេះបើយោងតាមសេចក្តីថ្លែងការណ៍របស់លោក Alexey Khripun ប្រធានមន្ទីរសុខាភិបាលទីក្រុង។
លោក Khripun បានមានប្រសាសន៍ថា «ភាគរយដ៏ច្រើននៃអ្នកមានផ្ទុកអង់ទីគ័រនេះ គឺអាចធ្វើឱ្យយើងគិតគូរដល់ការបន្ធូរបន្ថយការរឹតបន្តឹង។ កាលពីម្សិលមិញលោកអភិបាលក្រុងមូស្គូ បានសម្រេចចិត្តពង្រីកផែនការព្យាបាលតាមបែបវេជ្ជសាស្ត្រដែលបានគ្រោងទុក។ នេះជាឧទាហរណ៍មួយដែលបង្ហាញពីរបៀបដែលទីក្រុងម៉ូស្គូនឹងផ្លាស់ប្តូរបន្តិចម្តងៗ ដោយបន្ថយការរឹតបន្តឹងក្នុងប្រទេស»។
អាជ្ញាធរនៅទីក្រុងមូស្គូបាននិយាយថា កម្មវិធីធ្វើតេស្តនេះ ត្រូវបានរៀបចំឡើង ដើម្បីជូនដំណឹងអំពីវិធានការណ៍នានាដែលត្រូវបានអនុវត្តដើម្បីទប់ទល់នឹងការរាលដាល។ សេចក្តីថ្លែងការណ៍របស់មន្ត្រីសុខាភិបាលទីក្រុងបាននិយាយថា លទ្ធផលអាចប្រៀបធៀបទៅនឹងទីក្រុងនានាដែលស្ថិតក្នុងចំណោមអ្នកដែលប្រឈមនឹងវីរុសនេះដំបូង ដោយគេប្រៀបធៀបលទ្ធផលរបស់ទីក្រុងមូស្គូទៅនឹងទីក្រុងម៉ាឌ្រីត៕ (យោងតាមប្រភពពី edition.cnn.com)
ចែករំលែកព័តមាននេះ