ខេត្តឧត្តរមានជ័យ ៖ នារសៀលថ្ងៃទី២៣ ខែឧសភា ឆ្នាំ២០២០ មានភ្លៀងបន្តធ្លាក់កម្រិតពីខ្សោយទៅមធ្យម នៅផ្នែកខ្លះនៃក្រុងសំរោង និងស្រុកចុងកាល់ ខេត្តឧត្តរមានជ័យ ។ នេះបើយោងតាមផេកក្រសួងធនធានទឹក និងឧតុនិយមបានចេញផ្សាយនៅថ្ងៃទី២៣ ខែឧសភា ឆ្នាំ២០២០ ។
បញ្ជាក់ ៖ កាលពីថ្ងៃទី១៩ ខែឧសភានេះ ក្រសួងក៏បានចេញសេចក្តីជូនដំណឹងស្តីពីស្ថានភាពធាតុអាកាស (ចាប់ពីថ្ងៃទី២០ ដល់ថ្ងៃទី២៦ ខែឧសភា ឆ្នាំ២០២០) នឹងមានភ្លៀងជាបន្តបន្ទាប់ ហើយអាចនឹងមានបាតុភូតផ្គរ រន្ទះ និងខ្យល់កន្ត្រាក់ផងដែរ ។
ក្រសួងបានលើកឡើងទៀតថា អាស្រ័យស្ថានភាពធាតុអាកាសដូចបានជម្រាបជូនសាធារណជនជ្រាបជាព័ត៌មាន និងសូមបងប្អូនប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ ដែលអាចកើតមានឡើងជាយថាហេតុ ជាពិសេស បណ្តាខេត្តនៅតំបន់ជួរភ្នំដងរែក និងតំបន់វាលទំនាបកណ្តាល ចាប់ថ្ងៃទី ២១-២៦ ខែឧសភានេះ ៕
ចែករំលែកព័តមាននេះ