ការសិក្សាមួយបានរកឃើញថា ថ្នាំដែលប្រធានាធិបតីអាមេរិកលោក ដូណាល់ ត្រាំ អួតថា អាចជួយព្យាបាលកូវីដ១៩ នោះអាចបង្កើនគ្រោះថ្នាក់ដល់ជីវិតរបស់អ្នកជំងឺ ។
នេះ បើតាមសេចក្តីរាយការណ័ព័ត៌មាន BBC នៅថ្ងៃនេះ ។ ការសិក្សាបាននិយាយថា មិនមានអត្ថប្រយោជន៍អ្វីក្នុងការព្យាបាលអ្នកជំងឺដោយប្រើថ្នាំប្រឆាំងនឹងជំងឺគ្រុនចាញ់ឈ្មោះ hydroxychloroquine នោះទេ ។
លោក Trump បាននិយាយថា គាត់កំពុងប្រើថ្នាំនេះ ដើម្បីបង្ការឆ្លងកូវីដ១៩ ទោះបីជាមន្ត្រីជំនាញ ព្រមានថា វាអាចបណ្តាលឱ្យមានបញ្ហាបេះដូងក្តី ។
ប្រធានាធិបតីបានផ្សព្វផ្សាយអួតថ្នាំនេះម្តងហើយម្តងទៀត ប្រឆាំងនឹងដំបូន្មានវេជ្ជសាស្ត្រ ។
ការសិក្សារបស់ទស្សនាវដ្តី Lancet មានការចូលរួមពីអ្នកជំងឺដែលមានជំងឺ coronavirus ៩៦.០០០ នាក់ដែលជិត ១៥.០០០ នាក់ត្រូវបានគេផ្តល់ថ្នាំ hydroxychloroquine ឬ chloroquine តែម្នាក់ឯង ឬជាមួយថ្នាំអង់ទីប៊ីយ៉ូទិក ។
ការស្រាវជ្រាវបានរកឃើញថា អ្នកជំងឺទំនងជាស្លាប់នៅមន្ទីរពេទ្យហើយ វិវត្តទៅជាផលវិបាកនៃចង្វាក់បេះដូងជាងអ្នកជំងឺ Covid ដទៃទៀតនៅក្នុងក្រុមប្រៀបធៀប ។
អត្រាមរណភាពរបស់ក្រុមដែលត្រូវបានព្យាបាលមានៈ hydroxychloroquine ១៨%; chloroquine ១៦,៤%; ក្រុមត្រួតពិនិត្យតាមដាន ៩% ។
អ្នកដែលត្រូវបានព្យាបាលដោយ hydroxychloroquine ឬ chloroquine ក្នុងការរួមផ្សំជាមួយថ្នាំអង់ទីប៊ីយ៉ូទិចមាន អត្រាស្លាប់ ខ្ពស់ជាងនេះ៕
ចែករំលែកព័តមាននេះ