មហាសេដ្ឋី Mark Cuban ផ្តល់ដំបូន្មានល្អៗសម្រាប់និស្សិតទើបបញ្ចប់ការសិក្សា
ឆ្នាំនេះមិនមែនជាឆ្នាំល្អទេ ជាពិសេសសម្រាប់និស្សិតដែលនឹងបញ្ចប់ការសិក្សាក្នុងឆ្នាំ ២០២០ ។ ប៉ុន្តែលោកមហាសេដ្ឋី ម៉ាក ឃ្យូបេន (Mark Cuban) បានប្រាប់ថា…
ឆ្នាំនេះមិនមែនជាឆ្នាំល្អទេ ជាពិសេសសម្រាប់និស្សិតដែលនឹងបញ្ចប់ការសិក្សាក្នុងឆ្នាំ ២០២០ ។ ប៉ុន្តែលោកមហាសេដ្ឋី ម៉ាក ឃ្យូបេន (Mark Cuban) បានប្រាប់ថា…
ឆ្នាំនេះមិនមែនជាឆ្នាំល្អទេ ជាពិសេសសម្រាប់និស្សិតដែលនឹងបញ្ចប់ការសិក្សាក្នុងឆ្នាំ ២០២០ ។ ប៉ុន្តែលោកមហាសេដ្ឋី ម៉ាក ឃ្យូបេន (Mark Cuban) បានប្រាប់ថា កុំស្ត្រេស ។ លោកបាននិយាយក្នុងបទសម្ភាសន៍មួយកាលពីឆ្នាំ ២០១៩ ថា អ្នកមិនមានចម្លើយសម្រាប់អ្វីៗទាំងអស់ទេ ។
អ្នកមិនចាំបាច់មានរបរដែលអ្នកជ្រើសរើសហើយស្រេចទេ ។ អ្នកមិនចាំបាច់ដឹងថាអ្នកចង់ធ្វើអ្វីពេលដែលអ្នកធំដឹងក្តីទេ ។ អ្នកមិនចាំបាច់ផ្តោតស្មារតីតែលើការធ្វើជាមនុស្សធំទេ ។ អ្នកទើបតែឆ្លងកាត់ ៤ឆ្នាំនៃការបង់លុយដើម្បីរៀន ។ ដូច្នេះពេលនេះ អ្នកត្រូវរកការងារដែលឲ្យលុយអ្នកទៅរៀនវិញ ។
ជាក់ស្តែងដំបូន្មាននេះ គឺតាំងពីមួយឆ្នាំមុន ហើយពិភពលោកក្នុងឆ្នាំ ២០២០ មានលក្ខណៈខុសគ្នាពីឆ្នាំ ២០១៩ ដែរ ប៉ុន្តែសារសំខាន់ក្នុងដំបូន្មានរបស់លោកឃ្យូបេននៅតែមានតម្លៃ នោះគឺជីវិតពោរពេញទៅដោយភាពមិនប្រាកដប្រជា ហើយវិធីប្រឈមមុខនឹងស្ថានការទាំងនេះគឺឈប់ព្រួយបារម្ភ និងចាប់ផ្តើមពិចារណាលើអ្វីដែលល្អៗដែលអាចនឹងកើតឡើង ។
ការដែលអ្នកមិនទាន់ដឹងច្បាស់ពីអ្វីដែលអ្នកចង់បាន ឬចង់ធ្វើនៅថ្ងៃអនាគតមានន័យថាអ្នកនៅអាចព្យាយាមរក និងយល់ដឹងបន្ថែមពីខ្លួនឯងដែលអាចនាំយកភាពជោគជ័យនៅថ្ងៃអនាគត ។ លោក ឃ្យូបេន ក៏បានចំណាយពេលរាប់ឆ្នាំបរាជ័យនឹងការងាររបស់លោកដែរមុនពេលដឹងខ្លួនថាលោកមានទេពកោសល្យផ្នែកអាជីវកម្មដែរ ។
លោកធ្លាប់បាននិយាយក្នុងបទសម្ភាសន៍មួយថា ខ្ញុំមិនមានលុយទេបន្ទាប់ពីបញ្ចប់ការសិក្សាពីសាកលវិទ្យាល័យ ។ ខ្ញុំដេកលើឥដ្ឋ បាត់បង់ការងារ ជាបុគ្គលិកមិនល្អ ចាប់ផ្តើមក្រុមហ៊ុនមួយ គ្មានលុយទិញអាហារមួយរយៈ លក់ក្រុមហ៊ុនចោល យកលុយទៅចាប់ផ្តើមក្រុមហ៊ុនមួយទៀត ជប់លៀងដូចតារា លក់ក្រុមហ៊ុននោះទៀត និងចាប់ផ្តើមក្រុមហ៊ុនថ្មី។
ទោះជាការងារដែលអ្នកកំពុងធ្វើមិនមានអ្វីទាក់ទិនទៅនឹងអាជីពក្នុងក្តីស្រម៉ៃរបស់អ្នកពិតមែនក្តី លោកឃ្យូបេនបាននិយាយថា អ្នកនឹងរៀនអ្វីដែលថ្មី អ្នកនឹងស្គាល់មនុស្ស អ្នកនឹងស្គាល់មិត្តថ្មីៗ ។
ជាក់ស្តែងការកាត់បន្ថយស្ត្រេស គឺមិនងាយស្រួលដូចនិយាយទេ ប៉ុន្តែអ្នកអាចព្យាយាមបានដោយផ្តោតស្មារតីលើអ្វីដែលអ្នកអាចគ្រប់គ្រងបាន ។ ឧទាហរណ៍ដូចជា អ្នកមិនអាចគ្រប់គ្រងក្រុមហ៊ុនអ្នកឲ្យទុកឬបញ្ឈប់ការងាររបស់អ្នកទេ ប៉ុន្តែអ្នកអាចគ្រប់គ្រងលើគុណភាពកិច្ចការរបស់អ្នក ៕
ចែករំលែកព័តមាននេះ