រាជធានីភ្នំពេញ ៖ បន្ទាប់ពីប្រទេសកម្ពុជាជួបនឹងវិបត្តិនៃជំងឺកូវីដ-១៩ នៅប៉ុន្មានខែដើមឆ្នាំ ២០២០ នេះគេសង្កេតឃើញថាមានប្រជាពលរដ្ឋខ្មែរជាង ១៣ ម៉ឺននាក់ហើយដែលទទួល បានការរៀបចំឥណទាន (កម្ចី)…
រាជធានីភ្នំពេញ ៖ បន្ទាប់ពីប្រទេសកម្ពុជាជួបនឹងវិបត្តិនៃជំងឺកូវីដ-១៩ នៅប៉ុន្មានខែដើមឆ្នាំ ២០២០ នេះគេសង្កេតឃើញថាមានប្រជាពលរដ្ឋខ្មែរជាង ១៣ ម៉ឺននាក់ហើយដែលទទួល បានការរៀបចំឥណទាន (កម្ចី) ឡើងវិញ ។ ប៉ុន្តែស្ថិតក្នុងកាលៈទេសៈនេះសម្រាប់ប្រជា ពលរដ្ឋជិត ២ ម៉ឺននាក់មិនត្រូវបានឱ្យមានការរៀបចំឥណទានឡើងវិញនោះទេ ព្រោះពួក គាត់មិនមានលក្ខខណ្ឌគ្រប់គ្រាន់ ។
យោងតាមសមាគមមីក្រូហិរញ្ញវត្ថុកម្ពុជា បានបង្ហាញថា គិតថ្ងៃទី ១៧ ខែឧសភា ឆ្នាំ ២០២០ មានអតិថិជនចំនួន ១៥៥.៨១២ នាក់ ដែលរងផលប៉ះពាល់ដោយជំងឺកូវីដ-១៩ បានស្នើសុំគ្រឹះស្ថានមីក្រូហិរញ្ញវត្ថុនៅកម្ពុជា ធ្វើការរៀបចំឥណទាន (កម្ចី) ឡើងវិញ ។ ក្នុង នោះអតិថជនចំនួន ១៣៥.៨២៩ នាក់ (ជិត ៩០ភាគរយ) ទទួលបានការអនុម័តរៀបចំឥណ ទានឡើងវិញ ដែលមានទំហំទឹកប្រាក់សរុប ជាង ៥៨៣លានដុល្លាអាមេរិក ។ ដោយឡែក អតិថិជនជិត ២ ម៉ឺននាក់ ឬស្មើប្រមាណជាង ១០% មិនបានទទួលការរៀបចំឥណទាន ឡើងវិញ ដោយសារគាត់មិនមានលក្ខខណ្ឌគ្រប់គ្រាន់ ។
លោក កាំង តុងងី ប្រធាននាយកដ្ឋានទំនាក់ទំនងនៃសមាគមមីក្រូហិរញ្ញវត្ថុកម្ពុជា បានឱ្យដឹងតាមបណ្តាញទំនាក់ទំនងសង្គមតេឡេក្រាម កាលពីថ្ងៃទី ២១ខែឧសភាថា ចំនួនអតិថិជនសរុបជាង ១៣ ម៉ឺននាក់ទទួលបានការរៀបចំឥណទាន (កម្ចី) ឡើងវិញ គឺ គិតរាប់តាំងពីចុងខែមីនារហូតដល់ថ្ងៃទី ១៧ខែឧសភានេះ ហើយអតិថិជនជាង ១៣ ម៉ឺន នាក់នេះភាគច្រើនពួកគាត់ស្នើសុំបង់តែការប្រាក់ពី ៣ ទៅ ៦ ខែ និងអតិថិជនខ្លះផ្សេង ទៀតគាត់សុំផ្អាកបង់ទាំងការប្រាក់ និងប្រាក់ដើមពី ៣ ទៅ ៦ ខែ ។
លោកបញ្ជាក់ថា« ចំពោះអតិថិជនជិត ២ ម៉ឺននាក់មិនទទួលបានរៀបចំឥណទាន ឡើងវិញ ដោយសាតែពួគាត់មួយចំនួនបន្ទាប់ពីយើងធ្វើការសិក្សា ពួកគាត់មិនទទួលរង ផលប៉ះពាល់ពីជំងឺកូវីដ-១៩ នេះធ្ងន់ធ្ងរទេ ។ មានអ្នកខ្លះប៉ះតិចតួច ហើយអ្នកខ្លះអត់តែម្តង អ៊ីចឹងយើងស្នើសុំឱ្យអតិថិជនទាំងនោះបន្តបង់ឡើងវិញជាធម្មតា» ។
លោកបន្តថា មានករណីមួយចំនួនតូចផ្សេងទៀត គឺអតិថិជនគាត់ខូច ។ មានន័យ ថាគាត់មានបញ្ហាតាំងពីមុនកូវីដ-១៩ អ៊ីចឹងសារាចររបស់ធានគារជាតិនៃកម្ពុជា ចេញសេច ក្តីណែនាំកន្លងមកនេះ គឺថាអតិថិជនមានបញ្ហាមុនកូវីដ-១៩ គឺមិនអនុញ្ញាតរៀបចំកម្ចីឡើង វិញជូនគាត់ទេ ។
បើយោងតាមសារាចរបានណែនាំរបស់ធនាគារជាតិនៃកម្ពុជា ដែលចេញផ្សាយនៅ ពេលកន្លងមកបង្ហាញថា «ឥណទានរៀបចំឡើងវិញ» ជាឥណទានដែលលក្ខខណ្ឌនៃកិច្ច សន្យាដើមត្រូវបានកែប្រែដោយផ្តល់ការអនុគ្រោះដល់អតិថិជន ដែលជួបស្ថានភាពលំបាក ផ្នែកហិរញ្ញវត្ថុជាក់ស្តែង និងបណ្តោះអាសន្ន ។
ឥណទានដែលទទួលបានលក្ខខណ្ឌ អនុគ្រោះណាមួយដូចខាងក្រោម ត្រូវចាត់ទុកថាជា «ឥណទានរៀបចំឡើងវិញ» ៖ ១- ការ កាត់បន្ថយចំនួនប្រាក់ដើមឥណទាន ឬចំនួនដែល ត្រូវសងនៅឥណប្រតិទាន ។ ២- ការ កាត់បន្ថយអត្រាការប្រាក់ទាបជាងលក្ខខណ្ឌនៃកិច្ច សន្យាដើម ។ ៣- ការពន្យារពេលទូ ទាត់សងប្រាក់ដើម ឬការប្រាក់ ឬការធ្វើមូលធនកម្មការ ប្រាក់ ។ ៤-ការពន្យារឥណទាន ប្រតិទាន ។ ៥-ការបន្ថែម និង/ឬ ការផ្លាស់ប្តូរអ្នករួមខ្ចី និង /ឬ អ្នកធានា ប្រសិនបើមាន ។
៦-ការផ្លាស់ប្តូរពីឥណទានមានការទូតទាត់សងតាមការបង់ រំលស់ ទៅជាការទូទាត់តែការ ប្រាក់ ហើយទូទាត់សងប្រាក់ដើមទាំងអស់នៅឥណប្រតិ ទាន ។ ៧- ការលើកលែង ឬបន្ថយទ្រព្យធានា ។ ៨)-ការបន្ថយលក្ខខណ្ឌកិច្ចសន្យា ឬ/ និង ៩-ការផ្តល់រយៈពេលអនុ គ្រោះដោយគ្មានការទូទាត់សង ដែលអាចមានរយៈពេលរហូត ដល់ ៦ ខែ គិតចាប់ពីថ្ងៃ ប្រសិទ្ធភាពនៃកិច្ចសន្យាថ្មី ៕
ចែករំលែកព័តមាននេះ