លោកមហាសេដ្ឋី ម៉ាក ឃ្យូបេន (Mark Cuban) ដែលជាវិនិយោគិនដ៏ល្បីនៅសហរដ្ឋអាមេរិកធ្លាប់បាននិយាយថាលោកចង់ឈរឈ្មោះជាបេក្ខជនសម្រាប់ការបោះឆ្នោតជ្រើសរើសប្រធានាធិបតីនៅសហរដ្ឋអាមេរិក ហើយមហាសេដ្ឋីម្នាក់នេះមិនភ័យខ្លាចក្នុងការរិះគន់ប្រធានាធិបតី ដូណាល់ ត្រាំ (Donald Trump) ឬអតីតអនុប្រធានាធិបតីអាមេរិកគឺលោក ចូរ បៃដិន (Joe Biden) ឡើយ ។
រវាងលោក ត្រាំ និងលោក បៃដិន លោកឃ្យូបេននិយាយថាលោកនឹងបោះឆ្នោតឲ្យលោក បៃដិន ប៉ុន្តែលោកបានអះអាងថាលោកខ្លាចបុរសទាំងពីរខាងលើព្រោះអ្នកទាំងពីរមិនមានការយល់ដឹងពីបច្ចេកវិទ្យាក្នុងកំឡុងពេលដែលបច្ចេកវិទ្យាជាឧបករណ៍ដែលអាចបង្កឥទ្ធិពលខ្លាំងជាងគេដែលយើងមានដើម្បីប្រកួតផ្នែកសេដ្ឋកិច្ច សុខាភិបាល និងយោធា ។
លោកបានក្នុងបទសម្ភាសន៍នាពេលថ្មីៗថា ប្រធានាធិបតីមិនចាំបាច់ជាអ្នកជំនាញផ្នែកបច្ចេកវិទ្យាទេ ប៉ុន្តែការយល់ដឹងពីឥទ្ធិពល និងសមត្ថភាពនៃបច្ចេកវិទ្យា Artificial Intelligence មនុស្សយន្ត Personaized Medicine និងផ្នែកច្រើនទៀតគឺជាជំនាញដែលចាំបាច់ណាស់ក្នុងពិភពលោកសព្វថ្ងៃ ។
លោកក៏គិតថា ការផ្ទុះជំងឺកូវីដ ១៩ បានបង្ហាញពីចំណុចខ្វះខាតនៃការដឹកនាំរបស់លោកប្រធានាធិបតីត្រាំដែរ ទោះជាលោកកោតសរសេរលោក ត្រាំ ក្នុងផ្នែកជួយដល់សេដ្ឋកិច្ចអាមេរិកមុនពេលមានការផ្ទុះជំងឺនេះពិតមែនក្តី ។លោកបានបន្តថា អ្នកត្រូវតែធ្វើជាអ្នកដឹកនាំ ។ អ្នកត្រូវតែធ្វើជាបុរសដែលរឹងមាំជាងគេក្នុងការប្រកួតប្រជែង ហើយលោកមិនទាន់បានបង្ហាញចំណុចនេះទេ ។
កាលពីខែមេសាកន្លងមកនេះ លោក ឃ្យូបេន ក៏បានរិះគន់ដល់លោកបៃដិនថាសម្ងំស្ងៀមមិនធ្វើអ្វីដែរ ។ លោកបានប្រាប់ក្នុងបទសម្ភាសន៍មួយជាមួយ MSNBC កាលពីថ្ងៃទី ២៨ ខែមេសាកន្លងមកថា ពួកយើងត្រូវការអ្នកដឹកនាំ ហើយពួកយើងមិនអាចទៅមុខរួចទេ ។ ខ្ញុំគិតថាអនុប្រធានាធិបតី បៃដិន មិនផ្តល់ដំណោះស្រាយដែលអាចផ្តល់ជំនឿចិត្តទេ ។ ខ្ញុំដឹងថាវាជាពេលដ៏ពិបាក ។ លោកមិនចង់ឲ្យអ្នកដទៃគិតថាលោកឆ្លៀត
ឱកាសក្នុងពេលដែលមានគ្រោះអាសន្នដូច្នេះ ប៉ុន្តែពួកយើងនៅតែត្រូវការអ្នកដឹកនាំ ។
លោកបានបន្តថា អ្នកមិនចាំបាច់ត្រូវធ្វើជាអ្នកដឹកនាំដើម្បីដឹកនាំទេ ។ នរណាម្នាក់ត្រូវតែក្រោកឈរ និងបញ្ចេញសំឡេងឲ្យបានឮ និងខ្លាំងជាងអ្វីដែលពួកយើងកំពុងមើលឃើញ ៕
ចែករំលែកព័តមាននេះ