កីឡដ្ឋានមួយនៅឥណ្ឌូនេស៊ីក្លាយជាសួនបន្លែអ្នកភូមិ (មានវីដេអូ)
ឥណ្ឌូនេស៊ី ៖ កីឡាដ្ឋាន Andi Mattalatta របស់ក្រុម PSM Makassar នៃលីគកំពូលឥណ្ឌូនេស៊ី Liga…
ឥណ្ឌូនេស៊ី ៖ កីឡាដ្ឋាន Andi Mattalatta របស់ក្រុម PSM Makassar នៃលីគកំពូលឥណ្ឌូនេស៊ី Liga…
ឥណ្ឌូនេស៊ី ៖ កីឡាដ្ឋាន Andi Mattalatta របស់ក្រុម PSM Makassar នៃលីគកំពូលឥណ្ឌូនេស៊ី Liga 1 បានក្លាយជាសួនបន្លែរបស់អ្នកភូមិ ដោយបានដាំនៅជុំវិញទីលានប្រកួត បន្ទាប់ពីសកម្មភាពបាល់ទាត់ក្នុងប្រទេសនេះ ត្រូវបានផ្អាកចាប់តាំងពីខែមីនា ដោយសារតែការរាតត្បាតពីវីរុសកូវីដ-១៩ ។
ក្នុងនោះគេសង្កេតឃើញថា ក្រៅពីក្លាយជាសួនបន្លែគ្រប់ប្រភេទរបស់អ្នកភូមិ កីឡដ្ឋានទាំងមូល (ក្រៅ និង ក្នុង) ត្រូវបានស្មៅ និងដើមរុក្ខជាតិ ជាពិសេសវល្លិដុះយ៉ាងច្រើនប្រៀបដូចជាព្រៃ ឬកន្លែងដែលគេបោះបង់ទៅហើយ ។
លេខាធិការគ្រប់គ្រងកីឡដ្ឋាន Andi Mattalatta លោក Muhlis Mallajareng បានអះអាងថា លោកមិនបានដឹងអំពីស្ថានភាពនៅខាងក្នុងកីឡដ្ឋានដែលបានសាងសង់តាំងពីឆ្នាំ១៩៥៧មួយនេះទេ ។ ដោយសារលោកត្រូវបានផ្តល់ តែការទទួលខុសត្រូវសម្រាប់ផ្នែកជួសជុលតែប៉ុណ្ណោះ ។
«បើតាមខ្ញុំដឹង PSM នៅមានកិច្ចសន្យា១ឆ្នាំទៀតក្នុងការជួលកីឡដ្ឋាន Andi Mattalatta ។ នេះប្រហែលជាដោយសារតែការរាតត្បាតពីវីរុសកូវីដ-១៩ ហើយ PSM មិនមានសកម្មភាពអ្វីទាំងអស់ ។ ដូច្នេះកីឡដ្ឋាននេះ មិនត្រូវបានប្រើប្រាស់រយៈពេលយូរ» កាលលើកឡើងរបស់លោក Muhlis ។
លោកបានបន្ថែមថា កីឡដ្ឋាននេះនឹងត្រូវទទួលបានការជួសជុល ។ ប៉ុន្តែបច្ចុប្បន្នវាកំពុងស្ថិតក្នុងដំណាក់កាល រៀបចំផែនការនៅឡើយ ។
«យើងមានការដេញថ្លៃរួចហើយសម្រាប់ការជួសជុលកីឡដ្ឋាននេះ ។ ការរុះរើនឹងរួចរាល់នៅចុងឆ្នាំនេះ ។ តាមការគ្រោងទុកវាអាចត្រូវចំណាយ ២០០លានរូពីឥណ្ឌូនេស៊ី ដើម្បីបន្ថែមកៅអីរហូតដល់៣ម៉ឺនកៅអី ។ អ្វីគ្រប់យ៉ាងគឺកំពុងដំណើរការជាបណ្តើរ ៗ ហើយវាទាមទារពេលវេលា» នេះបើតាមសម្តីរបស់លោក Muhlis Mallajareng ៕ (ដកស្រង់ចេញពី Bolalob)
ចែករំលែកព័តមាននេះ