ខេត្តស្វាយរៀង ៖ ផ្ទះប្រជាពលរដ្ឋ១៩ខ្នងត្រូវខ្យល់កន្ត្រាក់បណ្ដាលឲ្យរលំខូចខាតយ៉ាងដំណំ ក៏ប៉ុន្តែមិនបង្កឲ្យរងរបួសដល់មនុស្សណាម្នាក់ទេ ដែលហេតុការណ៍នេះបានកើតឡើងកាលពីវេលាម៉ោង៣និង៣០នាទីរសៀលកាលពីថ្ងៃទី១៩ ខែឧសភា ឆ្នាំ២០២០ ស្ថិតក្នុងឃុំអង្គប្រសែ និងឃុំដូង ស្រុករមាសហែក…
ខេត្តស្វាយរៀង ៖ ផ្ទះប្រជាពលរដ្ឋ១៩ខ្នងត្រូវខ្យល់កន្ត្រាក់បណ្ដាលឲ្យរលំខូចខាតយ៉ាងដំណំ ក៏ប៉ុន្តែមិនបង្កឲ្យរងរបួសដល់មនុស្សណាម្នាក់ទេ ដែលហេតុការណ៍នេះបានកើតឡើងកាលពីវេលាម៉ោង៣និង៣០នាទីរសៀលកាលពីថ្ងៃទី១៩ ខែឧសភា ឆ្នាំ២០២០ ស្ថិតក្នុងឃុំអង្គប្រសែ និងឃុំដូង ស្រុករមាសហែក ខេត្តស្វាយរៀង។
ម្ចាស់ផ្ទះរងគ្រោះដោយខ្យល់កន្ត្រាក់ទាំង១៩ខ្នងខាងលើរួមមាន ៖ ១-ឈ្មោះសំ ភាង ភេទប្រុស អាយុ៦៩ឆ្នាំ រស់ក្នុងភូមិក្អាម ឃុំអង្គប្រស្រែ ស្រុករមាសហែក មានទំហំ៧គុណនិង៨ម៉ែត្រ ធ្វើអំពីឈើជញ្ជាំងស័ង្កសីដំបូលប្រក់ក្បឿង រងការខូចខាតរបើកជញ្ជាំងស័ង្កសីយ៉ាងដំណំ, ២-ឈ្មោះមែ ធី ភេទប្រុស អាយុ៤៦ឆ្នាំផ្ទះទំហំ៧គុណ៨ម៉ែត្រ ជញ្ជាំងស័ង្កសីដំបូលប្រក់ក្បឿង១០សន្លឹក, ៣-ឈ្មោះហេង ភារុំ ភេទប្រុស អាយុ២០ឆ្នាំ ផ្ទះទំហំ៤ម៉ែត្រគុណនិង៦ម៉ែត្រ ធ្វើអំពីឈើប្រក់ស័ង្កសីជញ្ជាំងស័ង្កសី រលំចេញពីជើងតាងខូចខាតយ៉ាងដំណំ, ៤-ឈ្មោះ ព្រំ សោម ភេទប្រុស អាយុ៥៩ឆ្នាំ មានទំហំ៧គុណនិង៨ម៉ែត្រ ធ្វើអំពីឈើជញ្ជាំងស័ង្កសីប្រក់ក្បឿង របើកដំបូលអស់៣០សន្លឹក ។
៥-ឈ្មោះ សូ សារិន ភេទប្រុស អាយុ៥៦ឆ្នាំ មានទំហំ៧គុណនិង៨ម៉ែត្រស័ង្កសី ប្រក់ក្បឿង របើក១៥០សន្លឹក, ៦-ឈ្មោះរស់ សុខា ភេទប្រុស អាយុ៤៥ឆ្នាំ មានទំហំ៦គុណ និង៧ម៉ែត្រ សង់អំពីឈើជញ្ជាំងស័ង្កសីប្រក់ក្បឿង របើក២០០សន្លឹក, ៧-ឈ្មោះ សាន់ ភុន ភេទប្រុស អាយុ៥៩ឆ្នាំ ផ្ទះសង់អំពីឈើជញ្ជាំងស័ង្កសីមានទំហំ៤គុណនិង៥ម៉ែត្ររបើកដំបូលអស់៥សន្លឹក ។
ចំណែកម្ចាស់ផ្ទះរងគ្រោះនៅឃុំដូង ស្រុករមាសហែក រួមមាន ៖ ១-ឈ្មោះកែវចន្ធី ភេទប្រុស អាយុ៤៨ឆ្នាំ រស់នៅភូមិព្រិច មានទំហំ៧ម៉ែត្រនិង៨ម៉ែត្រជញ្ជាំងឈើក្តារ ប្រក់ក្បឿង របើកអស់២០០សន្លឹក ២-ឈ្មោះអ៊ួន សាមន ភេទស្រី អាយុ៣៩ឆ្នាំ ផ្ទះឈើជញ្ជាំងស័ង្កសី ប្រក់ក្បឿង មានទំហំ៧ម៉ែត្រគុណនិង៦ម៉ែត្រជ្រុះក្បឿងអស់២០០សន្លឹក ៣-ឈ្មោះហិន ព្រឿន ភេទប្រុស អាយុ៥៨ឆ្នាំ មានទំហំ៦ម៉ែត្រគុណនិង៧ម៉ែត្រ សង់ពីឈើប្រក់ក្បឿង ជ្រុះក្បឿងអស់២០០សន្លឹក ៤-ឈ្មោះមាស ណាត ភេទប្រុស អាយុ៤១ឆ្នាំ ភូមិព្រិច ផ្ទះទំហំ៦ម៉ែទ្រគុណ៧ម៉ែត្រ ជាផ្ទះឈើជញ្ជាំងស័ង្កសី ដំបូលប្រក់ក្បឿងជ្រុះអស់២០សន្លឹក ៥-ឈ្មោះរស់ យុន ភេទស្រី អាយុ៥២ឆ្នាំ ជង្រុកស្រូវមានទំហំ៤គុណនិង៥ម៉ែត្រ របើកដំបូលខូចខាតទាំងស្រុង ។
៦-ឈ្មោះព្រំ ង៉ុយ ភេទប្រុស អាយុ២៣ឆ្នាំ មានទំហំ៧គុណ៨ម៉ែត្រ ជញ្ជាំងឈើ ប្រក់ក្បឿងជ្រុះអស់៣០សន្លឹក ៧-ឈ្មោះទេព ចន្ថា ភេទប្រុស អាយុ៤៧ឆ្នាំ មានទំហំ៤គុណនិង៦ម៉ែត្រ ជញ្ជាំងឈើប្រក់ស័ង្កសី របើកអស់៥សន្លឹក ៨-ឈ្មោះសោម ផល្លី ភេទស្រី អាយុ៥៧ឆ្នាំ មានទំហំ៣គុណ៥ម៉ែត្រ របើកអស់៥សន្លឹក៩-ឈ្មោះទេព ហ៊ាង ភេទប្រុស អាយុ៥៦ឆ្នាំ រស់នៅភូមិគរ ផ្ទះមានទំហំ៦គុណ៧ម៉ែត្រ របើកស័ង្កសីអស់៥សន្លឹក ១០-ឈ្មោះ អួន យ៉ុន ភេទប្រុស អាយុ៥៦ឆ្នាំ ភូមិត្រពាំងធ្លក មានទំហំ៦គុណនិង៧ម៉ែត្ររបើកស័ង្កសីអស់១០សន្លឹក ១១-ឈ្មោះ ឆឹង ភន ភេទប្រុស អាយុ៥៧ឆ្នាំ មានទំហំ៦គុណនិង៧ម៉ែត្រ ជ្រុះក្បឿងអស់២០សន្លឹក និង១២-ឈ្មោះអ៊ុង ញឹម ភេទស្រី អាយុ៦៧ឆ្នាំ នៅភូមិត្រពាំងធ្លក ផ្ទះមានទំហំ៦គុណនិង៧ម៉ែត្រ ជ្រុះក្បឿងអស់មួយចំនួនធំ ប៉ុន្តែករណីនេះជាសំណាងល្អមិនបណ្ដាលឲ្យមានមនុស្សឫសត្វរងគ្រោះថ្នាក់អ្វីនោះទេ។
ជាមួយនឹងករណីខ្យល់ន្ត្រាក់ខាងលើនេះ អាជ្ញាធរខេត្តនិងសាខាកាកបាទក្រហមខេត្តបាននឹងកំពុងរៀបចំសម្ភារ: ព្រមទាំងថវិកាដើម្បីយកទៅចែកជូនគ្រួសាររងគ្រោះផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ