ក្រសួងអប់រំនឹងពិចារណាបើកសាលាឡើងវិញខែវិច្ឆកា បើសិនមិនរីករាលដាលកូវីដ-១៩
- ភ្នំពេញ
រាជធានីភ្នំពេញ ៖ រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន បានបញ្ជាក់ថា ក្រសួងនឹងពិចារណាបើកសាលារៀនឡើងវិញ…
រាជធានីភ្នំពេញ ៖ រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន បានបញ្ជាក់ថា ក្រសួងនឹងពិចារណាបើកសាលារៀនឡើងវិញ…
រាជធានីភ្នំពេញ ៖ រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន បានបញ្ជាក់ថា ក្រសួងនឹងពិចារណាបើកសាលារៀនឡើងវិញ នៅថ្ងៃទី១ ខែវិច្ឆកា ឆ្នាំ២០២០ ខាងមុខនេះ ប្រសិនបើមិនរីករាលដាលជំងឺកូវីដ-១៩ ខណៈក្រសួងអាចនឹងបើកឲ្យចូលរៀនមុនគេ ថ្នាក់ទី៩ និងថ្នាក់ទី១២ ដើម្បីត្រៀមប្រឡង ។
ក្នុងឱកាសចុះពិនិត្យមើលសកម្មភាពសិក្សាពីចម្ងាយ និងតាមអេឡិចត្រូនិក របស់សិស្សានុសិស្ស នៅខេត្តកំពង់ឆ្នាំង កាលពីថ្ងៃទី២១ ឧសភានេះ លោក ហង់ជួន ណារ៉ុន បានជម្រាបជូនដល់មន្ទីរ អប់រំ ខេត្ត-ក្រុង និងគ្រឹះស្ថានសិក្សាទាំងអស់ ដើម្បីត្រៀមលក្ខណៈបើសាលារៀនឡើងវិញ ប៉ុន្ដែមិនទាន់សម្រេចបើកឡើងវិញនៅពេលណាទេ ហើយស្នើឲ្យអ្នកគ្រូលោកគ្រូបន្តជួយបង្រៀនសិស្សតាមលទ្ធភាពនៅពេលសិស្សមានចង្ងល់ ។
លោករដ្ឋមន្ត្រីបានបញ្ជាក់ថា ៖ «ប៉ុន្ដែចំណុចដែលអាចថា ជាពេលមួយដែលយើងថានឹងអាចបើកឡើងវិញហ្នឹង ថ្ងៃទី១ ខែវិច្ឆកា ប្រហែលជាយើងនឹងពិចារណាដើម្បីបើកឡើងវិញ ។ ប្រសិនបើមិនមានការរីករាលដាលនៃជំងឺនេះទេ (ជំងឺកូវីដ-១៩)» ។
លោកផ្ដាំផ្ញើថា ចាប់ពីពេលនេះតទៅ ដល់ខែវិច្ឆិកា ឆ្នាំ២០២០ លោកគ្រូ-អ្នកគ្រូ ត្រូវបន្ដបង្រៀនសិស្សានុសិស្សលក្ខណៈទ្រង់ទ្រាយតូចមិនលើសពី១០នាក់ ។ ជាពិសេស លោកគ្រូ-អ្នកគ្រូ ត្រូវបន្ដជួយបង្រៀនសិស្សានុសិស្ស ថ្នាក់ទី៩ និងថ្នាក់ទី១២ ដើម្បីឲ្យពួកគាត់ត្រៀមប្រឡង ។ ហើយក្រសួងនឹងវាយតម្លៃ តើរៀនប៉ុន្មានខែទៀត ទើបសិស្សប្រឡងបាន?
រដ្ឋមន្ដ្រីក្រសួងអប់រំ បានឲ្យដឹងថា គ្រប់សាលារៀនទាំងអស់ មិនអាចបង្រៀនដូចមុនឡើយ ក្នុង១ថ្នាក់ ចែកចេញជា២ថ្នាក់ ហើយក៏ចែកបែងចែកកាវិភាគឡើងវិញផងដែរ ។ ជាពិសេសឲ្យសិស្សនុសិស្សា ត្រូវរក្សាគម្លាតពីគ្នា និងលាងដៃជាប្រចាំ ។ រដ្ឋមន្ដ្រីក្រសួងអប់រំ បន្ថែមថា នៅពេលបើកសាលរៀនឡើងវិញ មាតា-បិតា និងអាជ្ញាធរ ត្រូវចូលរួម ត្រូវផ្ដល់ព័ត៌មានមកសាលា អំពីពលករត្រឡប់មកស្រុកកំណើតវិញ ដោយឲ្យ គាត់ នៅដាច់ដោយឡែក១៤ថ្ងៃ ។ មាតា-បិតា ត្រូវតាមដានជាប្រចាំ នៅសិស្សនុសិស្សាណា ម្នាក់ពាក់ព័ន្ធជាមួយពលករ កុំឲ្យគាត់ទៅចម្លងសិស្សដទៃ ចម្លងមក លោកគ្រូ-អ្នកគ្រូ និងចម្លងទៅសហគមន៍ ។
សូមជម្រាបថាកាលពីកន្លងមកនេះមានការបែកធ្លាយឯកសារផ្ទៃមួយរបស់ក្រសួងអប់រំស្នើទៅសម្តេចតេជោហ៊ុន សែន ដើម្បីសាលារៀន ប៉ុន្តែមិនទាន់ចំណារពីសម្តេចតេជោ ដើម្បីអនុញ្ញាតឲ្យបើកសាលារៀនឡើងវិញនោះរហូតមកដល់ពេលនេះ ។
តាមការកត់សម្គាល់គេសង្កេតឃើញថា នៅតាមបណ្តាលខេត្តមួយចំនួនលោកគ្រូអ្នកគ្រូបានប្រមូលសិស្សប្រមានមិនលើសពី១០នាក់ ដើម្បីបង្ហាត់បង្រៀន ដែលជាគោលការណ៍របស់ក្រសួងដាក់ចេញផងដែរ ។ អ្នកគ្រូលោកគ្រូខ្លះបានបង្រៀនសិស្សដល់ផ្ទះក៏មាន ការរៀនគាត់បានឲ្យសិស្សរក្សាគម្លាតនៅឆ្ងាយពីគ្នា ចំណែកពួកគាត់ក៏បានការពារដោយពាក់ម៉ាស់ និងលាងដៃនុងអាល់កុលផងដែរ៕
ចែករំលែកព័តមាននេះ