លីគបាល់ទាត់ថៃនឹងចាប់ផ្តើមឡើងវិញនៅខែកញ្ញា
ថៃ ៖ សមាគមកីឡាបាល់ទាត់ថៃ (FAT) បាននិយាយកាលពីថ្ងៃទី២០ ខែឧសភាថា រដូវកាលនៃលីគថៃនឹងចាប់ផ្តើមឡើងវិញនៅថ្ងៃទី១២ ខែកញ្ញា ឆ្នាំ២០២០ ហើយនឹងបញ្ចប់នៅថ្ងៃទី១៥…
ថៃ ៖ សមាគមកីឡាបាល់ទាត់ថៃ (FAT) បាននិយាយកាលពីថ្ងៃទី២០ ខែឧសភាថា រដូវកាលនៃលីគថៃនឹងចាប់ផ្តើមឡើងវិញនៅថ្ងៃទី១២ ខែកញ្ញា ឆ្នាំ២០២០ ហើយនឹងបញ្ចប់នៅថ្ងៃទី១៥…
ថៃ ៖ សមាគមកីឡាបាល់ទាត់ថៃ (FAT) បាននិយាយកាលពីថ្ងៃទី២០ ខែឧសភាថា រដូវកាលនៃលីគថៃនឹងចាប់ផ្តើមឡើងវិញនៅថ្ងៃទី១២ ខែកញ្ញា ឆ្នាំ២០២០ ហើយនឹងបញ្ចប់នៅថ្ងៃទី១៥ ខែឧសភា ឆ្នាំ២០២១ ។
លោក Somyot Poompunmuang ប្រធាន FAT បានថ្លែងឲ្យដឹងថា កាលវិភាគត្រូវបានអនុម័តដោយក្រុមប្រឹក្សាប្រតិបត្តិ នៅក្នុងកិច្ចប្រជុំកាលពីម្សិលមិញ ។
សូមបញ្ជាក់ថា លីគកំពូលថៃ (Thai League 1, 2) រដូវកាលនេះ ត្រូវបានផ្អាកចាប់តាំងពីខែមីនា ក្រោយឆ្លងកាត់ការប្រកួតចំនួន ៤សប្តាហ៍ប៉ុណ្ណោះ ដោយសារតែការគំរាមគំហែងពីវីរុសកូវីដ-១៩ ក្នុងប្រទេសនេះ ។
ក្រុម Bangkok United និង Ratchaburi គឺជាក្រុមកំពុងឈរនៅកំពូលតារាងបណ្តោះអាសន្ន ក្រោយមាន ១២ ពិន្ទុស្មើគ្នា និងបាននាំមុខ ២ពិន្ទុលើក្រុម Port FC និង BG Pathum United ដែលមាន ១០ពិន្ទុដូចគ្នា ។ ក្រុមកំពូលទាំង ៤ នៅពាក់កណ្តាលរដូវកាល នឹងមានសិទ្ធិចូលរួមការប្រកួតជម្រុះពានរង្វាន់ AFC Champions League នៅឆ្នាំក្រោយ ។
ដោយឡែកក្របខណ្ឌ Thai League 2 ក៏នឹងចាប់ផ្តើមឡើងវិញនៅថ្ងៃទី១២ ខែកញ្ញា ឆ្នាំ២០២០ ហើយនឹងបញ្ចប់នៅថ្ងៃទី២៥ ខែមេសា ឆ្នាំ២០២១ ។
ចំណែកឯការប្រកួតពារង្វាន់ FA Cup នឹងចាប់ផ្តើមនៅថ្ងៃទី៣០ ខែកញ្ញាខាងមុខហើយវគ្គផ្តាច់ព្រ័ត្រនឹងធ្វើនៅថ្ងៃទី២២ ខែឧសភា ឆ្នាំ២០២១ ។ ខណៈដែលពានរង្វាន់ League Cup នឹងចាប់ផ្តើមនៅថ្ងៃទី២១ ខែតុលា ហើយការប្រកួតវគ្គផ្តាច់ព្រ័ត្រ នឹងធ្វើឡើងនៅថ្ងៃទី១ ខែឧសភា ឆ្នាំ២០២១ ។
ទន្ទឹមនឹងនេះផងដែរប្រធានគ្រប់គ្រង Thai League កាលពីថ្ងៃពុធ ក៏បានបញ្ជាក់ថា នឹងដើរតាមដំបូន្មាននៃក្របខ័ណ្ឌ Bundesliga របស់ប្រទេសអាល្លឺម៉ង់ ដោយរៀបចំសកម្មភាពប្រកួតប្រជែងឡើងវិញ ដោយបិទទ្វារកីឡដ្ឋាន រួមជាមួយការអនុវត្តវិធានការដ៏តឹងរឹងមួយចំនួនផងដែរ ៕ (ដកស្រង់ចេញពី Bangkok Post)
ចែករំលែកព័តមាននេះ