ចិនមិនអត់ឱនដាច់ខាតការបំបែកខ្លួនរបស់តៃវ៉ាន់
ប្រទេសចិន ៖ ក្រុងប៉េកាំងថ្លែងកាលពីថ្ងៃទី២០ ឧសភា ក្រោយពិធីចូលកាន់តំណែងអាណត្តិថ្មីនាថ្ងៃនោះដែរ របស់ប្រធានាធិបតីតៃវ៉ាន់លោកស្រី TSAI ING WEN មកពីគណបក្សឯករាជ្យនិយមថា…
ប្រទេសចិន ៖ ក្រុងប៉េកាំងថ្លែងកាលពីថ្ងៃទី២០ ឧសភា ក្រោយពិធីចូលកាន់តំណែងអាណត្តិថ្មីនាថ្ងៃនោះដែរ របស់ប្រធានាធិបតីតៃវ៉ាន់លោកស្រី TSAI ING WEN មកពីគណបក្សឯករាជ្យ
និយមថា ចិននឹងមិនអត់ឱនដាច់ខាតដល់ការបំបែកខ្លួនរបស់តៃវ៉ាន់ ។
អ្នកនាំពាក្យការិយាល័យកិច្ចការតៃវ៉ាន់របស់ចិនលោក MA XIAOGUANG បានព្រមានថា យើងមានការប្ដេជ្ញាចិត្តគ្មានងាករេ មានទំនុកចិត្តទាំងស្រុងនិងមានគ្រប់សមត្ថភាពក្នុងកិច្ចការពារអធិបតេយ្យភាពជាតិ និងបូរណភាពដែនដី ។ យើងនឹងមិនអត់ឱនដាច់ខាតចំពោះសកម្មភាពបំបែកខ្លួននិយម ។
ប្រធានាធិបតីតៃវ៉ាន់លោកស្រី TSAI ING WEN ថ្លែងកាលពីព្រឹកថ្ងៃទី២០ ឧសភា ក្នុងពិធី
ចូលកាន់តំណែងអាណត្តិទី២ថា កោះតៃវ៉ាន់នឹងមិនទទួលយកដាច់ខាតការត្រួតត្រារបស់អាជ្ញាធរកុំមុយនីស្តចិន ។
ពលរដ្ឋតៃវ៉ាន់កាលពីខែមករា បានបោះឆ្នោតគាំទ្រលោកស្រី TSAI ING WEN ឲ្យជាប់ឆ្នោត
ជាថ្មីទៀតកាលពីខែមករា ក៏ទោះបីមានការខិតខំប្រឹងប្រែងរបស់ក្រុងប៉េកាំង ដើម្បធ្វើឲ្យតៃវ៉ាន់ស្ថិតនៅឯកោ និងរារាំងសេដ្ឋកិច្ចចាប់តាំងពីលោកស្រីឡើងកាន់អំណាចកាលពីឆ្នាំ២០១៦ក្ដី ។
អាជ្ញាធរចិនបានសន្យាថា ក្នុងថ្ងៃណាមួយដណ្ដើមត្រួតត្រាកោះតៃវ៉ាន់ដោយកម្លាំង ប្រសិនបើចំបាច់ពិសេសប្រសិនបើអាជ្ញាធរតៃវ៉ាន់ហ៊ានប្រកាសជាផ្លូវការនូវឯករាជ្យរបស់តៃវ៉ាន់ ។ ចិនការពារគំនិតប្រទេសមួយប្រព័ន្ធ២ដូចគំរូហុងកុង តែលោកស្រី TSAI ING WEN បានបដិសេធកាលពីថ្ងៃទី២០ឧសភា ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ