អ្នកប្រហែលជាគិតហើយថាកូនអ្នកមានតែងតែមានសំណាងល្អណាស់ព្រោះពួកគេអាចស្នងទ្រព្យសម្បត្តិពីឪពុកម្តាយបានយ៉ាងងាយស្រួល ផ្ទុយពីអ្នកដទៃដែលត្រូវខិតខំធ្វើការអស់មួយជីវិត និងរកចំណូលមិនបានមួយភាគនៃអ្នកបានផង ។ ប៉ុន្តែសម្រាប់អ្នកមានមួយចំនួនវិញ ពួកគេបែរជាសន្យាថាមិនទុកទ្រព្យឲ្យកូនស្នងទៅវិញ ។ខាងក្រោមនេះ គឺជាមហាសេដ្ឋីដែលសន្យាថាមិនទុកទ្រព្យឲ្យកូនស្នងបន្ត ។ ១….
អ្នកប្រហែលជាគិតហើយថាកូនអ្នកមានតែងតែមានសំណាងល្អណាស់ព្រោះពួកគេអាចស្នងទ្រព្យសម្បត្តិពីឪពុកម្តាយបានយ៉ាងងាយស្រួល ផ្ទុយពីអ្នកដទៃដែលត្រូវខិតខំធ្វើការអស់មួយជីវិត និងរកចំណូលមិនបានមួយភាគនៃអ្នកបានផង ។ ប៉ុន្តែសម្រាប់អ្នកមានមួយចំនួនវិញ ពួកគេបែរជាសន្យាថាមិនទុកទ្រព្យឲ្យកូនស្នងទៅវិញ ។
ខាងក្រោមនេះ គឺជាមហាសេដ្ឋីដែលសន្យាថាមិនទុកទ្រព្យឲ្យកូនស្នងបន្ត ។
១. លោក ប៊ីល និងអ្នកស្រី មេលីនដា ហ្គេតស៍ (Bill and Melinda Gates)
លោកមហាសេដ្ឋី ប៊ីល ហ្គេតស៍ និងលោក វ៉ារេន បាហ្វេត (Warren Buffett) ជាអ្នកបង្កើត Giving Pledge ដែលជាពាក្យសម្បថជំរុញឲ្យមហាសេដ្ឋីបរិច្ចាគទ្រព្យសម្បត្តិភាគច្រើនរបស់ពួកគេឲ្យទៅសប្បុរសធម៌ ។ បច្ចុប្បន្នលោក និងលោកស្រី ហ្គេតស៍ មានទ្រព្យសម្បត្តិរួមប្រមាណ ១០៦ប៊ីលានដុល្លារ និងសន្យាថានឹងបរិច្ចាគ ៩០% នៃចំនួនលុយនេះ ។
២. លោក ជេគី ចាន់ (Jeckie Chan)
លោកធ្លាប់ជាតារាភាពយន្តដែលរកចំណូលបានច្រើនជាងគេលើលោក ។ លើសពីនេះទៅទៀត ភាពយន្តដែលលោកបានវិនិយោគលើបាននាំយកផលចំណេញជាច្រើនមកឲ្យលោកវិញដែរ ។ លោកចាន់មានគម្រោងបរិច្ចាគទ្រព្យទាំងអស់របស់លោកឲ្យទៅអង្គការសប្បុរសធម៌ជាច្រើន ។ លោកធ្លាប់បាននិយាយថា ប្រសិនបើកូនប្រុសរបស់លោកមានសមត្ថភាព គេអាចរកលុយដោយខ្លួនឯងបាន ហើយប្រសិនបើកូនលោកគ្មានសមត្ថភាពទេនោះ លោកនឹងខាតលុយទាំងអស់របស់លោកហើយ ។ បច្ចុប្បន្នលោកចាន់មានទ្រព្យសម្បត្តិរួម ៤០០លានដុល្លារ ។
៣. លោក វ៉ារេន បាហ្វេត (Warren Buffett)
លោក បាហ្វេត ជាវិនិយោគិនដ៏គួរឲ្យគោរពក្នុងទីផ្សារភាគហ៊ុន និងធ្លាប់ជាបុរសដែលមានជាងគេលើលោកដែរ ។ លោកបានសន្យាថានឹងបរិច្ចាគ ៩៩% នៃទ្រព្យសម្បត្តិរួមប្រមាណ ៦៨.១ប៊ីលានដុល្លាររបស់លោកឲ្យទៅមូលនិធិសប្បុរសធម៌ ខណៈដែលកូនៗរបស់លោកនឹងចែក ៦៨១លានដុល្លារជាមួយគ្នា ។
៤. លោក ម៉ាក ហ្សាក់កាបឺក (Mark Zuckerberg) និងអ្នកស្រី ព្រីស៊ីឡា ចាន់ (Priscilla Chan)
លោក ហ្សាក់កាបឺក ជាមហាសេដ្ឋីវ័យក្មេងជាងគេក្នុងចំណោមមហាសេដ្ឋីដែលមានជាងគេទាំង ១០ រូប លើលោក ។ កាលពីឆ្នាំ ២០១៥ លោក និងភរិយាបានប្រកាសថាពួកគេនឹងបរិច្ចាគ ៩៩% នៃទ្រព្យសម្បត្តិរបស់ខ្លួនដើម្បីធ្វើឲ្យពិភពលោកកាន់តែល្អប្រសើរឡើងសម្រាប់កូនៗ និងចៅៗរបស់អ្នកទាំងពីរ ។ បច្ចុប្បន្ន លោកជាបុរសដែលមានជាងគេលេខ ៤ លើលោក និងមានទ្រព្យសម្បត្តិសរុប ៨២.៦ប៊ីលានដុល្លារ ៕
ចែករំលែកព័តមាននេះ