ខេត្តកណ្តាល ៖ កសិករដែលដាំបន្លៃបានសម្តែងក្តីសង្ឃឹមចំពោះតម្លៃបន្លែថា នឹងទទួលបានតម្លៃថ្លៃក្នុងសម័យកូវីដ១៩ ដោយនាំគ្នាដាំបន្លៃចម្រុះ ។ ជាក់ស្តែង លោក ក្តឹប ដែលជាកសិករដាំបន្លែរស់នៅក្នុងភូមីសំប៉ានលើ…
ខេត្តកណ្តាល ៖ កសិករដែលដាំបន្លៃបានសម្តែងក្តីសង្ឃឹមចំពោះតម្លៃបន្លែថា នឹងទទួលបានតម្លៃថ្លៃក្នុងសម័យកូវីដ១៩ ដោយនាំគ្នាដាំបន្លៃចម្រុះ ។
ជាក់ស្តែង លោក ក្តឹប ដែលជាកសិករដាំបន្លែរស់នៅក្នុងភូមីសំប៉ានលើ ឃុំព្រែកអំបិល បានលើកឡើងទាំងក្តីសង្ឃឹមថា ការដាំបន្លែស្ពៃជ្រក់របស់លោកនឹងទទួលបានតម្លៃខ្ពស់ជាមិនខាន ព្រោះសម័យជំងឺកូវីដ១៩ គេមិនសូវនាំយកបន្លែមកពីប្រទេសជិតខាងនោះទេ ។ យ៉ាងណាលោកក៏បានលើកឡើងថា បើសិនជាតម្លៃបន្លែថ្លៃក្តី តែការដាំបន្លែពិបាកដោយសារមេឃក្តៅ ធ្វើបន្លែរួញមុនល្អនោះទេ ។
ជាងនេះក៏មានសត្វល្អិតដង្កូវមកស៊ីកាត់ស្លឹកផងដែរ ។ លោកបញ្ជាក់ថា ៖«លោកប្អូនខ្ញុំសង្ឃឹមថា បន្លែនឹងថ្លៃព្រោះសម័យនេះកូវីដ១៩ បានផ្ទុះឡើយ ហើយគេមិនសូវនាំបន្លែចូល អីចឹងយើងអាចបានថ្លៃ ប៉ុន្តែខ្ញុំក៏បារម្ភដែរ ព្រោះបន្លែខ្ញុំនៅតូចមិនទាន់ល្មមកាត់» ។
កសិករដដែលក៏បានលើកឡើងថា ស្ពៃដែលលោកដាំបានខំថែណាស់ដោយបានបាញ់ទឹករាល់ថ្ងៃ ដាក់ជី និងបាញ់ថ្នាំដើម្បីទប់ស្កាត់សត្វល្អិតកុំស៊ីផងដែរ ។
សូមជម្រាបថា បើតាមការចុះទៅដល់កន្លែងដាំតែយើងសង្កេតឃើញថា បន្លែស្ពៃមិនសូវមានអ្នកដាំនោះទេ ប៉ុន្តែបន្លែនៅតែមិនល្អ ជាក់ស្តែងរបស់លោកពូខាងលើស្ពៃគាត់មានសភាពរឹញៗ ហើយដង្ហូវចោះស្លឹកថែមទៀត ។
បើតាមកសិករដែលដាំបន្លែនៅក្នុងភូមិខាងលើបានឲ្យដឹងថា បន្លែនៅពេលកន្លងមិនបានថ្លៃនោះទេ ដោយសារបន្លែត្រូវបាននាំចូលពីប្រទេសជិតខាង ។ ប៉ុន្តែក្នុងរដូវកើតជំងឺកូវីដ១៩ នេះមានបន្លែខ្លះបានតម្លៃថ្លៃដូចជា ស្ពៃចន្លាត់ ស្ពៃខ្មៅ …តែបន្លែមួយចំនួនទៀតនៅតែថោក រហូតដល់ពេលខ្លះគ្មានឈ្មួញចុះទិញក៏មាន ។
កសិករដដែលក៏បានលើកឡើងថា ជាក់ស្តែងបន្លែខ្ទឹមស្លឹក ថ្មីៗនេះចុះថោកណាស់ ដោយមួយគីឡូក្រាមតម្លៃត្រឹមតែ១ពានរៀល ឬថោកជាងនេះ ហើយពេលខ្លះក៏គ្មានឈ្មួញចុះសួរទិញផងដែរ ។ លោកពូ ធី ជាកសិករហើយមានមុខរបបដាំបន្លែរស់នៅក្នុងភូមិព្រែកក្រាញ់ ឃុំព្រែកអំបិលដដែលក៏បានលើកឡើងថា គាត់បានកំពុងរៀបដី ដើម្បីដាំបន្លែ ប៉ុន្តែលោកមិនទាន់ដឹកដាំបន្លែអ្វីនោះទេ ដោយសារខ្លាចដាំទៅប៉ះចំបន្លែថោក ធ្វើឲ្យខាតទាំងពេលវេលា និងប្រាក់កាក់ ។
យ៉ាងណាក្តីលោកបានបង្ហាញក្តីសង្ឃឹមថា បន្លែនឹងទទួលបានតម្លៃថ្លៃ ដោយរាជរដ្ឋាភិបាលគិតគូក្នុងការកាត់បន្ថយការនាំចូលពីប្រទេសជិតខាង ។ ជាងនេះកាលពីពេលកន្លងមកទាំងប្រមុខរាជរដ្ឋាភិបាល និងក្រសួងកសិកម្ម រុក្ខាប្រមាញ់ និងនេសាទ បានអំពាវនាវដល់ប្រជាកសិករខ្មែរខិតខំដាំដំណាំបន្លែនៅក្នុងសម័យកូវីដ១៩ដើមធ្វើការផ្គត់ផ្គង់តាមទីផ្សារក្នុងស្រុក និងផ្គត់ផ្គង់នៅក្នុងគ្រួសារផ្ទាល់ ។
តាមការសង្កេតក្នុងសម័យជំងឺកូវីដ១៩នេះ បន្លែគួរតែមានតម្លៃថ្លៃ ព្រោះបន្លែមិនសូវមានការនាំចូលពីខាងក្រៅនោះទេ ។ ផ្ទុយទៅវិញបន្លែនៅតែគេសង្កេតឃើញថា ចុះថោកដដែល ដែលជាហេតុធ្វើឲ្យកសិករបាក់កម្លាំងចិត្តក្នុងការដាំដុះទៀត ។
តាមការស្នើសុំកសិករស្នើឲ្យរាជរដ្ឋាភិបាលគិតគូរពីតម្លៃបន្លែឲ្យថ្លៃ ដោយបិទការនាំចូលបន្លែរពីខាងក្រៅលើកកម្ពស់បន្លែរក្នុងស្រុក ព្រោះថា កសិករពិបាកដាំបានដោយប្រើដើមទន់ច្រើន ផ្ទុយទៅវិញបើបន្លែថោកនោះច្បាស់ជាជំពាក់ប្រាក់គេជាមិនខាន ក្នុងការដាំនេះដោយខ្លះខ្ចីប្រាក់ពីធនាគារមកដាំ៕
ចែករំលែកព័តមាននេះ