ក្លិប Chelsea, Real Madrid និង Juventus កំពុងដណ្តើមគ្នាយកយុវជនម្នាក់ពី Barcelona
របាយការណ៍ពីគេហទំព័រ Goal.com បានឲ្យដឹងថា ក្លិបតោខៀវ Chelsea បានកំពុងធ្វើការប្រកួតប្រជែងជាមួយក្លិប Real Madrid និង Juventus…
របាយការណ៍ពីគេហទំព័រ Goal.com បានឲ្យដឹងថា ក្លិបតោខៀវ Chelsea បានកំពុងធ្វើការប្រកួតប្រជែងជាមួយក្លិប Real Madrid និង Juventus…
របាយការណ៍ពីគេហទំព័រ Goal.com បានឲ្យដឹងថា ក្លិបតោខៀវ Chelsea បានកំពុងធ្វើការប្រកួតប្រជែងជាមួយក្លិប Real Madrid និង Juventus ក្នុងការដណ្តើមយកយុវជនឆ្នើមវ័យ ១៨ឆ្នាំម្នាក់របស់ក្លិប Barcelona នៅទីផ្សារដោះដូរកីឡាកររដូវក្តៅខាងមុខ ។
ខ្សែការពារ Xavier Mbuyamba ដែលទើបផ្លាស់ពីក្រុម MVV Maastricht នៅលីគលំដាប់ទី២ហូឡង់ មកចូលរួមជាមួយក្រុម Barcelona B នៅលីគលំដាប់ទី៣ អេស្ប៉ាញកាលពីខែសីហា ឆ្នាំ២០១៩ នោះ កំពុងតែពិចារណាអំពីអនាគតរបស់ខ្លួនជាមួយក្រុមមួយនេះ ។
ភ្នាក់ងាររបស់កីឡាករហូឡង់រូបនេះ គឺលោក Carlos Barros បាននិយាយថាក្លិបយក្សអឺរ៉ុបមួយចំនួនកំពុងតម្រង់ជួរ ដើម្បីនាំយកខ្សែការពារអន្តរជាតិហូឡង់រូបនេះ ក្នុងនោះរួមមានទាំង Real Madrid, juventus និង Chelsea ផងដែរ ប៉ុន្តែក្នុងចំណោមនោះក្រុមតោខៀវ Chelsea បានបង្ហាញការចាប់អារម្មណ៍ខ្លាំងជាងគេបំផុត។
លោក Barros បានថ្លែងប្រាប់ទៅកាន់ទស្សនាវដ្តីបាល់ទាត់ Voetbal International យ៉ាងដូច្នេះថា «ស្ទើរតែគ្រប់ក្លិបធំ ៗ ទាំងអស់នៅអឺរ៉ុបបានសួរអំពី Xavier ។ Real Madrid ក៏នៅទីនេះផងដែរ ហើយ Juventus និង Inter Milan ក៏ចាប់អារម្មណ៍ដូចជាក្លិបកំពូលៗ មកពីអាល្លឺម៉ង់ និងអង់គ្លេសផ្សេងទៀត ។
លោកបានបន្ថែមទៀតថា «ប៉ុន្តែក្នុងនោះ Chelsea បានផ្តល់ឯកសារល្អបំផុតមួយចំនួនមកកាន់យើង ។ ជាការពិតយើងបានពិភាក្សាគ្នាយ៉ាងច្រើនកាលពីឆ្នាំមុន។ Chelsea បានផ្តល់បទបង្ហាញដ៏អស្ចារ្យមួយ ដោយមានបរិយាកាសបាល់ទាត់ប្លែកនៅទីនោះ ដែលវាសមស្របជាមួយមហិច្ឆតារបស់ Xavier ។ ពួកគេគិតថាក្នុងរយៈពេលមួយឆ្នាំឬ ពីរឆ្នាំ Xavier នឹងអាចបង្ហាញខ្លួនក្នុងក្រុមឈុតធំបាន ។ ក្នុងនោះ Frank Lampard ពិតជាបានបង្ហាញរួចហើយថា គេមិនខ្លាចក្នុងការលេងដោយប្រើប្រាស់កីឡាករវ័យក្មេងនោះទេ»។
សូមបញ្ជាក់ថា កីឡាករ Mbuyamba បានសម្រេចចុះកុងត្រារយៈពេល ៤ឆ្នាំជាមួយក្រុម Barcelona B ប៉ុន្តែគេបានត្រៀមខ្លួន ក្នុងការចាកចេញពីក្រុមនេះ ដោយហេតុផលជាច្រើន នេះបើតាមការបង្ហើបពីលោក Carlos Barros ៕
ចែករំលែកព័តមាននេះ