ថៃ ៖ វាជារឿងដែលធ្វើឲ្យអ្នកគាំទ្រភ្ញាក់ផ្អើលយ៉ាងខ្លាំងក្រោយពីតារាថៃ ២ដួងបានទម្លាយឲ្យដឹងអំពីគម្រោងរៀបការរបស់ពួកគេទៅកាន់អ្នកគាំទ្របែបនេះ ជាហេតុធ្វើអោយមហាជនថៃក៏ដូចជា អ្នកគាំទ្ររបស់អ្នកទាំងពីរមានការជ្រួលច្របល់ និងចង់ដឹងគម្រោងនេះឲ្យបានលម្អិត ។
កាលពីថ្ងៃទី១៦ ខែឧសភា ឆ្នាំ២០២០ កន្លងទៅនេះលោក ken Phupoom តារាសម្តែងប្រុសដ៏លេចធ្លោ និងល្បីខ្លាំងនៅក្នុងរឿង «ព្រះម៉ែនាគី» និងនាង Esther Supreeleela បានចូលរួមកម្មវិធីមួយ ដែលមានឈ្មោះថា « woody from Home » ជាកម្មរិធី talk show មួយរបស់ថៃ។
នៅក្នុងកម្មវិធីនោះគូស្នេហ៍វ័យក្មេងរបស់តារាថៃទាំង ២នេះ បានលើកឡើងពីគម្រោងរៀបចំកម្មវិធីមង្គលការនាពេលអនាគត ហើយអ្នកទាំងពីរបានអះអាងថានៅថ្ងៃរៀបការ Ken និង Ester នឹងរៀបចំកម្មវិធីលក្ខណៈសមរម្យ ជាមួយនឹងទីកន្លែងបែបធម្មជាតិ ដោយអ្នកចូលរួមមានគ្រួសារទាំងសងខាង និងមិត្តភក្តិជិនសិទ្ធ ពីព្រោះចង់អោយកម្មវិធីមានលក្ខណៈសាមញ្ញាតែប៉ុណ្ណោះ ។ នេះបើយាងតាមការចុះផ្សាយរបស់ thaiupdate។
ទាក់ទងគ្នាអស់រយៈពេល ៤ឆ្នាំនេះជាលើកទីមួយហើយ ដែលអ្នកទាំងពីរពោលពាក្យ អំពីគម្រោងរៀបការ ចំណែកឯគម្រោងរៀបការនៅពេលណាអ្នកទាំងពីរមិនទាន់បានគិតគូនៅឡើយទេ ពីព្រោះនៅមានរឿងជាច្រើនទៀតត្រូវសម្តែង។
គួរបញ្ជាក់ផងដែរថា Ester ធ្លាប់បានប្រាប់អ្នកសារព័ត៌មានថៃថា នាងមានគម្រោងរៀបការនៅពេលនាងអាយុ ៣០ឆ្នាំ ប៉ុន្តែពេលនេះនាងទើបតែមានអាយុ ២៥ឆ្នាំតែប៉ុណ្ណោះ ៕
ចែករំលែកព័តមាននេះ