ស្វាមី​ល្អរមែងលើកមុខ​ភរិយា​ដោយ​កិច្ច​៥​យ៉ាង


ស្វាមី​ល្អ​គប្បី​ដើរ​តាម​លំ​អាន​ឱវាទ​ពុទ្ធសាសនា​ដោយ​ផ្តល់​ក្តី​សន្តោស​ចំពោះ​ភរិយា​ដោយ​កិច្ច​៥​យ៉ាង​ឱ្យ​ជា​មេផ្ទះ​ផ្តាច់មុខ ដែល​ជា​ការ​លើកទឹកចិត្ត​ធំ​បំផុត​ដល់​ភរិយា ។

សិទ្ធិ​សេរីភាព​ដែល​នាង​គួរ​ទទួល​បាន​អំពី​ស្វា​មីនោះ​គឺ ១-​រាប់អាន​លើកមុខ​ថា​ជា​ភរិយា​ពេញ​សិទ្ធិ ២-​មិន​ប្រមាថ​មាក់ងាយ​ភរិយា ៣-​មិន​ប្រព្រឹត្ត​កន្លង​ចិត្ត​មិន​ក្បត់ចិត្ត​ភរិយា ៤-​ប្រគល់​ភាវៈ​ជា​ធំ​ក្នុងផ្ទះ​ដល់​ភរិយា​ឱ្យ​ពេញ​សិទ្ធិ និង​៥-​ឱ្យ​គ្រឿង​តុបតែង​ខ្លួន​តាម​តម្រូវការ នេះ​ជា​កិច្ច​ត្រូវ​បំពេញ​ជា​ស្វាមី​ល្អ ។

អំពើ​ល្អ​ទាំង​៥​យ៉ាងនេះ​បើ​បុរស​ណា​មិន​ផ្តល់​ឱ្យ​ភរិយា បែរជា​ប្រើ​អំពើ​ហិង្សា វាយតប់ មាក់ងាយ ជេរ​ប្រមាថ ស្រវឹងស្រា​អួទីនួ​រាល់ថ្ងៃ រំលោភ​លើ​រាង​កាយ​ប្រពន្ធ​ដោយ​គ្មាន​ចិត្តមេត្តា បុរស​នោះ​នឹង​បាន​នាម​ថា​ជា​ប្តី​គម្រក់ ប្តី​មិន​ប្រកបដោយ​ធម៌ វា​ជា​រឿង​អាក្រក់​បំផុត​ចំពោះ​បុរស​ជា​មេ​គ្រួសារ ។ សាន សារិន

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ