រាជធានីភ្នំពេញ ៖ ប្រជាពលរដ្ឋប្រមាណជាង១០នាក់បានលើកគ្នា ទៅស្នាក់ការក្រុមហ៊ុន អ៊ឹង ឃាងគ្រុប និងបានចោទប្រកាន់ថា បានឃុបឃិតគ្នាជាមួយអាជ្ញាធរមូលដ្ឋានសង្កាត់ និងខណ្ឌព្រែកព្នៅ បំបែកដី
ប្លង់រឹងលក់ដោយធ្វើឯកសារប្លង់ទន់ ជាហេតុធ្វើអោយពួកគាត់ មិនអាចលក់ដូរបាន។ ការលើកគ្នាតវ៉ានេះ បានធ្វើឡើង កាលពីព្រឹកថ្ងៃទី១៨ ឧសភា ដោយ អ្នកភូមិជម្រៅ និងភូមិត្រពាំងសំព័រ សង្កាត់គោករការ ប្រមាណជាង១០នាក់ ក្នុងចំណោមប្រជាពលរដ្ឋជិត១០០នាក់ បានលើកគ្នា ទៅដល់ស្នាក់ការក្រុមហ៊ុន
អ៊ឹង ឃាងគ្រុប ដែលស្ថិតនៅភូមិគ្រឹះ១៤ ផ្លូវលេខ ៥ បុរី ប៉េង ហួតដឺ ស្តាព្រីមៀរ ដែលស្ថិត នៅក្នុងសង្កាត់ច្រាំងចំរេះទី១ ខណ្ឌប្ញស្សីកែវ ។
បន្ទាប់ពីលើកគ្នាទៅដល់ស្នាក់ការ ត្រូវបានបុគ្គលិកអះអាងថៅកែលោក អ៊ឹង ឃាង មិននៅនោះទេ ដោយសន្យា ជួបនៅសប្តាហ៍ក្រោយដោយគាត់ធ្លាប់តែគេចវេសរហូតមក ។ តាមប្រជាពលរដ្ឋបានអោយដឹងថា កាលពីកំឡុងឆ្នាំ២០១៥ ពួកគាត់ បាននាំគ្នា មកទិញដីឡូត៍របស់ ក្រុមហ៊ុន អ៊ឹង ឃាង គ្រុប ដែលមានទីតាំងក្នុងភូមិត្រពាំង សំព័រ និងជម្រៅ ក្នុងសង្កាត់ គោករកា ខណ្ឌព្រែកព្នៅ រាជធានីភ្នំពេញ ។
នៅក្នុងការទិញដីនោះ គាត់ពុំបានដឹងថា ដីនោះជាដីប្លង់រឹងនោះ ហើយ ក្រុមហ៊ុនក៏បានផ្ទេរសិទ្ធិ ជារបៀបប្លង់ទន់ ដោយមានស៊ីញ៉េ ចៅសង្កាត់ និងលោកសុខ សម្បត្តិ អភិបាលខណ្ឌព្រែកព្នៅ ។ ប្រជាពលរដ្ឋកបានបន្តទៀតថា បន្ទាប់ពីទិញ ដីរួចពួកគាត់ក៏បានធ្វើផ្ទះ និងខ្លះទៀតក៏បានលក់និងទិញចូលដីនោះ ដោយ អាជ្ញាធរក៏បានផ្ទេរសិទ្ធិរហូតមកទើបតែ រយៈពេលប្រមាណជិត១ឆ្នាំនោះ ស្រាប់តែអាជ្ញាធរខ្លួននោះ មិនបានស៊ីញ៉េនោះទេ ដោយអះអាងថា ដីនោះជាដីប្លង់រឹង ទាល់តែក្រុមហ៊ុនចូលទៅមោឃះភាពប្លង់រឹងនោះចោល ។
ប្រជាពលរដ្ឋក៏បានចោទ ប្រកាន់ថា អាជ្ញាធរដឹងថាដី ក្រុមហ៊ុនមានប្លង់រឹង ហើយហេតុអ្វីបានជាឃុបឃិតគ្នា បំបែកជាប្លង់ទន់ ស៊ី ញ៉េលក់អោយប្រជាពលរដ្ឋ ទៅវិញ ។ ហេតុអីមិនបានណែនាំ អោយក្រុមហ៊ុន បំបែកក្បាលដីតាមប្លង់រឹង នៅមន្ទីរភូមិ បាលនិងសូរិយោដីរាជធានីភ្នំពេញ។ នេះជាកំហុស អ្នកណា? មកពីអាជ្ញាធរ ដែលជាម៉ែឪឃុបឃិតគ្នា?
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ