រាជធានីភ្នំពេញ ៖ ពលករខ្មែរមកពីថៃតាមច្រកអូស្មាច់២៣៤នាក់ ក្នុងចំណោមជាង១ម៉ឺននាក់ បានធ្វើសេត្តកូវីដ១៩ ។ នេះបើតាមអភិបាលខេត្តរតនគិរី ។ លោក ប៉ែន…
រាជធានីភ្នំពេញ ៖ ពលករខ្មែរមកពីថៃតាមច្រកអូស្មាច់២៣៤នាក់ ក្នុងចំណោមជាង១ម៉ឺននាក់ បានធ្វើសេត្តកូវីដ១៩ ។ នេះបើតាមអភិបាលខេត្តរតនគិរី ។
លោក ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យបានបញ្ជាក់ថា រហូតមកដល់ពេលមានពលករខ្មែរមកពីធ្វើការពីប្រទេសវិញចូលមកតាមច្រកអូស្មាច់ និងច្រកជាំ សរុបទាំងអស់មានចំនួន១៥៥៥៤នាក់ ក្នុងនោះបានយកសំណាកទៅធ្វើតេស្តរកវីរុសកូវីដ១៩ បានចំនួន២៣៤នាក់ ទទួលលទ្ធផលអវិជ្ជមានចំនួន២២៧នាក់ ខណៈនៅសល់៧នាក់ មិនទាន់ដឹងលទ្ធផលនៅឡើយ ។
ថ្លែងក្នុងសន្និសីទសារព័ត៌មានស្ដីពី «បច្ចុប្បន្នភាព និងទិសដៅការងារបន្តរបស់រដ្ឋបាលខេត្តឧត្តរមានជ័យ»លោក ប៉ែន កុសល្យ បានបញ្ជាក់ថា តាមស្ថិតិពលករខ្មែរមកពីថៃ នៅក្នុងខេត្តឧត្តរមានជ័យបានវិលត្រឡប់មកមូលដ្ឋានវិញ គិតត្រឹមថ្ងៃទី១៨ ខែឧសភា ឆ្នាំ២០២០នេះ មានចំនួន ៤៤១៨នាក់ ក្នុងនោះស្រី ២០០៧នាក់ ។
លោកថា ស្ថិតិពលករជារួមដែលបានឆ្លងដែនចូលតាមច្រកព្រំដែនអន្តរជាតិអូស្មាច់ និងជាំ សរុបទាំងអស់មានចំនួន ១៥៥៥៤នាក់ ចង់និយាយថា នេះជាទូទៅវិញមកតាមច្រកយើងពីរហ្នឹងច្រកអូស្មាច់ ហើយនិងច្រកជាំ ចឹងមាន១៥០០០ជាងនាក់ ១៥៥៥៤នាក់ ចូលមកក្រៅពីហ្នឹងបានយើងបញ្ជូនទៅខេត្តគេចឹងចូលតាមច្រកយើងពីហ្នឹងមាន១៥៥៥៤នាក់ ដោយបានធ្វើតេស្តសំណាក គិតថ្ងៃទី១៨ ខែឧសភា ឆ្នាំ២០២០នេះ បានយកសំណាក ទៅធ្វើតេស្ត២៣៤នាក់ ស្រី១០៩នាក់ លទ្ធផលអវិជ្ជមានចំនួន២២៧នាក់ ស្រី១០៥នាក់ នៅសល់៧នាក់ សំណាកមិនទាន់ទទួលបានលទ្ធផល» ។
លោកបញ្ជាក់ថា៖«ចំពោះអ្នកដែលសល់៧នាក់ទៀត មិនទាន់ទទួលបានលទ្ធផលនោះ មិនមែនមានន័យថា ពួកគេមានចេញរោគសញ្ញាមិនប្រក្រតីអ្វីមួយនោះទេ ជាក់ស្ដែងខាងខេត្តមិនទាន់មានការឆ្លើយតបពីខាងប៉ាស្ទ័រវិញនៅឡើយទេ» ៕
ចែករំលែកព័តមាននេះ